मराठवाड्याच्या पाच जिल्ह्यांतील १०६ मंडळांत पाऊस

लातूर : मराठवाड्यातील औरंगाबाद, जालना, बीड, उस्मानाबाद व लातूर या पाच जिल्ह्यांतील २७२ पैकी १०६ मंडळांत शुक्रवारी (ता. ११) सकाळपर्यंतच्या चोवीस तासांत पावसाने हजेरी लावली. जालन्यातील एकाही मंडळात पावसाची हजेरी लागली नाही. तर बीडमधील काही मंडळांसह उस्मानाबाद व लातूर जिल्ह्यांत पावसाचा जोर सर्वाधिक होता. लातूरमधील दोन मंडळांत अतिवृष्टी झाली.  

औरंगाबाद जिल्ह्यातील ९५ मंडळांपैकी केवळ कन्नड तालुक्‍यातील पिशोर मंडळात झालेला १५ मिलिमीटर पाऊस वगळता उर्वरित ६४ मंडळांत पावसाचा थेंबही पडला नाही. जालना जिल्ह्यातील ४९ मंडळांपैकी एकाही मंडळात पाऊस झाला नाही. 

बीड जिल्ह्यातील बीड, पाटोदा, आष्टी, अंबाजोगाई, केज आदी तालुक्‍यांतील २७ मंडळांत पावसाची हलकी मध्यम ते दमदार हजेरी लागली. परळी, माजलागाव, वडवणी, शिरूर कासार, गेवराई आदी तालुक्‍यांतही पाऊस झाला नाही. मांजरसुंभा मंडळात ३६ मिलिमीटर, नेकनुर २४, धामणगाव ४०, दौलावडगाव २०, घाटनांदूर २६, बर्दापूर ४८, कडा १८, पिंपळा १७, अंबाजोगाई १६, दासखेड ३९, चौसाळा १७ मिलिमीटर पाऊस झाला. 

लातूर जिल्ह्यातील ५३ पैकी ४६ मंडळांत पावसाने हजेरी लावली. हलका, मध्यम ते दमदार स्वरूपाचा पाऊस पडला. जिल्ह्यातील तांदूळजा मंडळात ८५ मिलिमीटर तर वाढवणा बु. मंडळात ७१ मिलिमीटर पावसाची नोंद झाली. लातूर मंडळात १३ मिलिमीटर, कासारखेडा १४, गातेगाव १५, मुरूड १४, चिंचोली ब. १७, औसा ५४, भादा २१, बेलकुंड २४, रेणापूर २४, पोहरेगाव ४०, पानगाव ४०, हेर २१, नळगीर ३३, नागलगाव ४०, शिरूर ताजबंद १९, हाडोळती २५, वडवळ ना.२३, नळेगाव १८, शेळगाव ४१, जळकोट ३७, घोन्सी २५, कासारशिरसी ३५, मदनसुरी २२, औराद श. ११, निटूर २६, पानचिंचोली १८, वलांडी १६, हिसामाबाद १६ मिलिमीटर पाऊस झाला. 

उर्वरित मंडळात १ ते १५ मिलिमीटर दरम्यान पाऊस झाला. उस्मानाबाद जिल्ह्यातील ४२ पैकी ३२ मंडळांत हलका ते मध्यम पाऊस झाला. जिल्ह्यातील जागजी मंडळात ४५ मिलिमीटर, इटकळ ३५ मिलिमीटर, मुरूम ३२, नारगवाडी २४, कळंब २३, शरधोन ३१, येरमाळा २७, मोहा २४, गोविंदपूर २६, पारगाव २८, परंडा १५ मिलिमीटर पावसाची नोंद झाली. उर्वरित मंडळात १ ते १४ मिलिमीटर दरम्यान पाऊस झाला.