मराठवाड्यात ११० मंडळांत पाऊस

मराठवाड्यात ११० मंडळांत पाऊस
मराठवाड्यात ११० मंडळांत पाऊस

औरंगाबाद : मराठवाड्यातील ४२१ पैकी ११० मंडळांत शनिवारी (ता. १२) सकाळपर्यंतच्या २४ तासांत पावसाने हजेरी लावली. तुरळक, हलका, मध्यम ते दमदार स्वरूपाचा हा पाऊस राहिला. लातूर व उस्मानाबाद जिल्ह्यातील प्रत्येकी एका मंडळात अतिवृष्टी झाली. लातूर, उस्मानाबाद व बीड जिल्ह्यात पावसाचा जोर अधिक राहिला. 

औरंगाबाद जिल्ह्यातील ६५ पैकी औरंगाबाद, पैठण, गंगापूर या तालुक्‍यातील केवळ ८ मंडळांत हलका ते मध्यम पाऊस झाला. लोहगाव मंडळात ४२, तर शेंदूरवादा मंडळात ४० मिलिमीटर पाऊस झाला. उर्वरित मंडळांत १ ते १० मिलिमीटर हजेरी लावली. जालना जिल्ह्यातील ४९ पैकी केवळ  अंबड, भोकरदन, मंठा तालुक्‍यातील ४ मंडळांतच १ ते १२ मिलिमीटर पाऊस झाला. 

परभणी जिल्ह्यातील ३९ पैकी केवळ गंगाखेड मंडळात २ मिलिमीटर हजेरी लावली. इतर एकाही मंडळात पाऊस झाला नाही. हिंगोली जिल्ह्यातील ३० पैकी कळमनुरी तालुक्‍यातील कळमनुरी, डोंगरकडा व वाकोडी मंडळांत २ ते २० मिलिमीटर दरम्यान पाऊस झाला. उर्वरित मंडळांकडे पावसाने पाठ फिरविली.

नांदेड जिल्ह्यातील ८० पैकी नांदेड,  मुदखेड, भोकर, देगलूर, बिलोली, धर्माबाद, मुखेड तालुक्‍यातील २० मंडळांत तुरळक, हलका ते मध्यम पाऊस झाला. मुदखेड मंडळात २१ मिलिमीटर, मगट ३३, भोकर ३०, निवघा ५३, तर देगलूरमध्ये ४४ मिलिमीटर पावसाची नोंद झाली. उर्वरित मंडळांत १ ते २० मिलिमीटर पाऊस झाला. 

बीड जिल्ह्यातील ६३ पैकी धारूर, केज, अंबाजोगाई, पाटोदा, आष्टी व बीड तालुक्‍यातील २० मंडळांत तुरळक ते मध्यम पाऊस झाला. दौलावडगाव मंडळात ३५ मिलिमीटर पाऊस झाला. उर्वरित मंडळांत १ ते २० मिलिमीटर पावसाची नोंद झाली. लातूर जिल्ह्यातील तांदूळजा मंडळांत सर्वाधिक ७६ मिलिमीटर पावसाची नोंद झाली. त्यापाठोपाठ लातूर २४ , कासारबालकुंदा येथे २५ मिलिमीटर पाऊस नोंदला गेला. निलंगा, देवणी, जळकोट, औसा, रेणापूर, लातूर आदी तालुक्‍यातील २३ मंडळांत तो तुरळक राहिला. 

उस्मानाबाद जिल्ह्यातील ४२ पैकी गोविंदपूर मंडळांत सर्वाधिक ६८ मिलिमीटर पावसाची नोंद झाली. जिल्ह्यातील ३१ मंडळांत हलका ते मध्यम पाऊस झाला. तेर मंडळात ३१ मिलिमीटर, बेंबाळी ३१, पाडोळी ३२, केशेगाव ५१, तुळजापूर २४, मंगरूळ ४३, माकणी २४, शरधोन ३७, येरमाळा २४, वाशी ३९, तर तेरखेड्यात २२ मिलिमीटर पाऊस झाला. उर्वरित मंडळात १ ते २० मिलिमीटर दरम्यान पाऊस झाला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com