मराठवाड्यातील ३३५ मंडळांत पाऊस; खरीप पिकांचे नुकसान

मराठवाड्यातील ३३५ मंडळांत पाऊस
मराठवाड्यातील ३३५ मंडळांत पाऊस

औरंगाबाद, परभणी : परतीच्या पावसाने मराठवाड्यातील आठही जिल्ह्यांतील ४२१ मंडळांपैकी  ३३५ मंडळांत शनिवारी (ता.१९) सकाळपर्यंतच्या २४ तासांत पावसाने हजेरी लावली. नांदेड, उस्मानाबाद, बीड, व लातूर या चार जिल्ह्यांतील १५ मंडळांत अतिवृष्टीची नोंद झाली. वाशी, कळंब, परंडा, केज, देगलूर आदी तालुके या परतीच्या पावसाच्या रडारवर होते. लातूर जिल्ह्यातील तांदुळजा मंडळात सर्वाधिक १७० मिलिमीटर पाऊस झाला. त्यामुळे सोंगणी केलेले सोयाबीन व वेचणीला आलेला कापूस भिजून शेतकऱ्यांचे आर्थिक नुकसान झाले. 

मराठवाड्यात एकूण ७६ पैकी ६७ तालुक्‍यात अजूनही पावसाने वार्षिक सरासरी गाठली नाही. अशा स्थितीत शनिवारी सकाळपर्यंतच्या २४ तासांत झालेल्या परतीच्या पावसाने बीड, उस्मानाबाद व लातूर जिल्ह्यातील पावसाचा टक्‍का सुधारण्यास थोडी मदत केली. 

औरंगाबाद जिल्ह्यातील ६५ पैकी ४४ मंडळांत हा पाऊस तुरळक ते हलक्‍या स्वरूपाचा राहिला. जालना जिल्ह्यातील ४९ पैकी ३९ मंडळांत तुरळक ते हलका पाऊस झाला. जाफ्राबादमधील टेंभुर्णी मंडळात ४२, तर भोकरदनमधील पिंपळगाव रेणुकाई मंडळात २८ मिलिमीटर पाऊस झाला. उर्वरित मंडळांत १ ते १६ मिलिमीटर पाऊस झाला. परभणी जिल्ह्यातील ३९ पैकी ३२ मंडळांत तुरळकच राहिला. सर्वच मंडळात १ ते ८ मिलिमीटर हजेरी लागली. हिंगोली जिल्ह्यातील ३० पैकी केवळ ५ मंडळांत २ ते ४ मिलिमीटरची नोंद झाली.

नांदेड जिल्ह्यातील ८० पैकी ६५ मंडळांत हलका, मध्यम ते दमदार पाऊस झाला. मुखेड तालुक्‍यातील काही मंडळांत दमदार पाऊस झाला. देगलूर मंडळात सर्वाधिक ९६ मिलिमीटर, मरखेल ८९, खानपूर ८१, शहापूर ७२, तर हनेगाव मंडळात ४७ मिलिमीटर पावसाची नोंद झाली. बीड जिल्ह्यातील ६३ पैकी ५६ मंडळांत मध्यम पाऊस झाला. अंबाजोगाई तालुक्‍यातील पा. ममदापूर मंडळात सर्वाधिक ८५ , केजमधील हनुमंतपींप्रीमध्ये ६५ मिलिमीटर पाऊस झाला. लातूर जिल्ह्यातील ५३ पैकी ५२ मंडळात हलका, दमदार पाऊस झाला. तांदुळजा १७०; चिंचोली मंडळात ११२ मिलिमीटर पावसाची नोंद झाली. 

उस्मानाबाद जिल्ह्यात जोर

उस्मानाबाद जिल्ह्यातील वाशी, परंडा, कळंब, भूम तालुक्‍यात पावसाचा जोर सर्वाधिक राहिला. वाशी तालुक्‍यातील तीनही वाशी ८२, तेरखेडा ८२, पारगाव ७० मिलिमीटर पावसाची नोंद झाली. परंडा तालुक्‍यातील परंडा मंडळात ८०, अशू मंडळात ६५, सोनारी ५५, अनाळा ४०, जेवळा बु. ४७, भूम तालुक्‍यातील भूम मंडळात ५३ मिलिमीटर, ईट ५५, अम्बी २९, मानकेश्‍वर ३६, वालवड ४२, कळंब तालुक्‍यातील कळंब मंडळात ६६ मिलिमीटर, इटकूर ६१, शरधोन ७०, येरमाळा ४७, मोहा ३५, गोविंदपूर ५८, उस्मानाबाद तालुक्‍यातील उस्मानाबाद ग्रामीण ४९, तेर ३८, ढोकी ४५, जागजी २६; तर सावरगावात ४६ मिलिमीटर पावसाची नोंद झाली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com