मराठवाड्यातील ९१ मंडळांत पाऊस

मराठवाड्यातील ९१ मंडळांत पाऊस
मराठवाड्यातील ९१ मंडळांत पाऊस

औरंगाबाद : मराठवाड्यातील पाच जिल्ह्यांतील २७२ पैकी ९१ मंडळांत सोमवारी (ता.२३) सकाळपर्यंतच्या २४ तासांत पावसाने हजेरी लावली. लातूरकडे पावसाने पाठ फिरविली. जालना जिल्ह्यातील दोन व बीड जिल्ह्यातील एका मंडळात ६५ मिलिमीटरपेक्षा जास्त पाऊस झाला. बहुतांश मंडळांत पावसाची हजेरी तुरळक ते हलक्‍या स्वरूपाची राहिली. 

औरंगाबाद जिल्ह्यातील ६५ पैकी २६ मंडळांत पाऊस झाला. औरंगाबाद व पैठण तालुक्‍यात पावसाचा जोर अधिक राहिला. चित्तेपिंपळगाव मंडळात ५२ मिलिमीटर पाऊस झाला. लाडसावंगी ५५, करमाड १७, हर्सूल २०, फुलंब्री १७, पाचोड ३९, विहामांडवा २१, निल्लोड १५, सावलदबार १६, नागमठाण २३, चापानेर १५; तर सुलतानपूर येथे २१ मिलिमीटर पावसाची नोंद झाली. 

जालना जिल्ह्यातील ४९ पैकी ३६ मंडळांत पावसाची हजेरी लागली. सर्वाधिक ७८ मिलिमीटर पाऊस वडीगोद्री मंडळात; तर त्यापाठोपाठ ७१ मिलिमीटर पाऊस गोंदी मंडळात झाला. अंबड व घनसावंगी तालुक्‍यात पावासाचा जोर अधिक होता. जिल्ह्यातील जालना ग्रामीण मंडळात १५ मिलिमीटर, रामनगर १८, पाचनवडगाव १६, वाघ्रुळ जहांगीर १५, दाभाडी १८, परतूर १८, सातोना १९, आष्टी २६, मंठा ३६, ढोकसाल २५, अंबड २६, धनगरपिंप्री ३७, जामखेड २१, रोहिलागड १८, सुखापरी १७, राणीउंचेगाव ३२, रांजणी १८, तिर्थपुरी २४, अंतरवली टेंबी २०; तर जांब समर्थ येथे ५० मिलिमीटर पावसाची नोंद झाली. 

बीड जिल्ह्यातील ६३ पैकी २२ मंडळांत तुरळक, हलका ते मध्यम पाऊस झाला. परळी मंडळात सर्वाधिक ६५ मिलिमीटर पावसाची नोंद झाली. त्यापाठोपाठ जातेगाव मंडळात ४० मिलिमीटर, गेवराई ३६, धोंडराई ३०, उमापूर ५० मिलिमीटर इतक्‍या दखलपात्र पावसाची नोंद झाली. उर्वरित मंडळात तुरळक ते हलका पाऊस झाला. केज, धारूर, आष्टी, शिरूर कासार आदी तालुक्‍यांकडे पावसाने पाठ फिरविली.

संपूर्ण लातूर जिल्ह्यात सोमवारी सकाळपर्यंतच्या २४ तासांत पावसाचा टिपूसही बरसला नाही. उस्मानाबाद जिल्ह्यातील ४२ पैकी केवळ लोहारा मंडळात सर्वाधिक ३१ मिलिमीटर पावसाची नोंद झाली. उर्वरित ७ मंडळांत १ ते १२ मिलिमीटर दरम्यान पावसाची नोंद झाली. 

६५ मिलिमीटरवरील पावसाची मंडळे (मिमी)

वडीगोद्री ७८
गोंदी ७१
परळी ६५

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com