Agriculture news in marathi, Rainfall in Kolhapur, Sindhudurg | Agrowon

कोल्हापूर, सिंधुदुर्गात पावसाची रिपरिप

टीम अॅग्रोवन
शुक्रवार, 20 सप्टेंबर 2019

कोल्हापूर, सिंधुदुर्ग : सप्टेंबरच्या पहिल्या सप्ताहानंतर थांबलेल्या पावसाने बुधवारी (ता. १८) दुपारपासून पुन्हा जिल्ह्यात सुरवात केली. बुधवारी रात्री उशिरापर्यंत विविध भागांत पावसाची रिपरिप सुरू राहिली. धरण क्षेत्रात पाऊस वाढल्याने राधानगरी धरणातून १४०० क्युसेक पाण्याचा विसर्ग सुरू झाला. दुसरीकडे सिंधुदुर्गात पावसाची रिपरिप सुरू आहे. पुढील दोन ते तीन दिवसांत अतिवृष्टीचा इशारा हवामान खात्याने दिला आहे. याशिवाय समुद्रात वादळी वारे वाहण्याची शक्यता असून मच्छीमारांसाठी सावधनतेचा इशारा देण्यात आला आहे. पावसाचा जोर वाढण्याच्या शक्यतेने शेतकऱ्यांच्या चिंतेत वाढ झाली आहे.

कोल्हापूर, सिंधुदुर्ग : सप्टेंबरच्या पहिल्या सप्ताहानंतर थांबलेल्या पावसाने बुधवारी (ता. १८) दुपारपासून पुन्हा जिल्ह्यात सुरवात केली. बुधवारी रात्री उशिरापर्यंत विविध भागांत पावसाची रिपरिप सुरू राहिली. धरण क्षेत्रात पाऊस वाढल्याने राधानगरी धरणातून १४०० क्युसेक पाण्याचा विसर्ग सुरू झाला. दुसरीकडे सिंधुदुर्गात पावसाची रिपरिप सुरू आहे. पुढील दोन ते तीन दिवसांत अतिवृष्टीचा इशारा हवामान खात्याने दिला आहे. याशिवाय समुद्रात वादळी वारे वाहण्याची शक्यता असून मच्छीमारांसाठी सावधनतेचा इशारा देण्यात आला आहे. पावसाचा जोर वाढण्याच्या शक्यतेने शेतकऱ्यांच्या चिंतेत वाढ झाली आहे.

कोल्हापूर जिल्ह्यात गुरुवारी (ता. १९) सकाळी नऊ वाजेपर्यंत मिळालेल्या माहितीनुसार ९३.९९ मि.मी इतका पाऊस झाला. गेल्या २४ तासांत सरासरी ७ मि.मी पावसाची नोंद झाली. कोयनेतून ११४८०, तर अलमट्टीमधून ३४३२४ पाण्याचा विसर्ग सुरू आहे. सकाळी नऊ वाजता राजाराम बंधारा येथील पंचगंगेची पातळी १७ फूट होती. जिल्ह्यातील ९ बंधारे पाण्याखाली गेले आहेत.

पंचगंगा नदीवरील- शिंगणापूर, राजाराम, सुर्वे, रूई, इचलकरंजी, तेरवाड, व शिरोळ हे ७ बंधारे, भोगावती नदीवरील खडक कोगे बंधारा, दूधगंगा नदीवरील दत्तवाड बंधारा पाण्याखाली आहे. नजीकच्या अलमट्टी धरणात १२३.०८ टीएमसी, तर कोयना धरणात १०४.६१ टीएमसी इतका पाणीसाठा आहे. सध्या सर्वच नद्यांचे पाणी पात्रात गेले आहे. नद्यांची पाण्याची पातळी सामान्य झाली आहे.

हवामान खात्याने पुढील तीन दिवसांत अतिवृष्टीचा इशारा दिला आहे. बुधवारी दुपारनंतर पाऊस सुरू झाला. गुरुवारी दुपारपर्यंत अपवाद वगळता केवळ ढगाळ हवामान होते. यामुळे तातडीने पुराचा धोका नसल्याची माहिती पाटबंधारे विभागाच्या सूत्रांनी दिली.

सिंधुदुर्गात वादळी वाऱ्यांचा इशारा

सिंधुदुर्ग जिल्ह्याच्या काही भागांत गेल्या दोन-तीन दिवसांपासून पावसाची रिपरिप सुरू आहे. सह्याद्रीच्या पट्ट्यात पावसाचा जोर अधिक आहे. वैभववाडी, दोडामार्ग आणि कणकवली तालुक्यांच्या पूर्व भागात चांगला पाऊस पडत आहे. 

दरम्यान, पावसाचा जोर वाढण्याची शक्यता वर्तविल्यामुळे शेतकऱ्यांची चिंता वाढली आहे. भातशेती पक्व होण्याच्या स्थितीत आहे. त्यामुळे पावसाचा जोर वाढल्यास या शेतीचे नुकसान होईल. जिल्ह्यातील अतिवृष्टी आणि समुद्रात वादळी वारे वाहण्याच्या शक्यतेमुळे मच्छीमारांनी मासेमारी करण्यासाठी समुद्रात जाऊ नये, असा सावधनतेचा इशारा जिल्हा प्रशासनाने दिला आहे.


इतर ताज्या घडामोडी
पुणे जिल्हा परिषदेचा ‘एक पुस्तक' पॅटर्न...पुणे : विद्यार्थ्यांच्या दप्तराचे ओझे कमी...
लातूर, उस्मानाबादमध्ये २० तूर खरेदी...लातूर : लातूर व उस्मानाबाद जिल्ह्यात हमी...
शेती करताना जैवविविधता जोपासणे आवश्यक...नाशिक : वाढत्या लोकसंख्येचा भार कृषी क्षेत्रावरही...
अकोला : तूर विक्रीसाठी ऑनलाइन नोंदणीत...अकोला  ः शासनाकडून हमी भावाने तूर खरेदीसाठी...
भंडारा : शेतकरी किसान सन्मानच्या...भंडारा ः पंतप्रधान किसान सन्मान योजनेला वर्षभराचा...
कवठेमहांकाळ तालुक्यात पाणीसाठ्यात वाढसांगली  ः कवठेमहांकाळ तालुक्यात ऑक्टोबर...
खानदेशात कांदा लागवड सुरूचजळगाव ः खानदेशात कांदा लागवड सुरूच असून, सुमारे...
असे करा घाटेअळीचे जैविक व्यवस्थापनघाटेअळी नियंत्रणासाठी सातत्याने रासायनिक...
सोलापूर जिल्हा बॅंकेकडून ४३ हजार...सोलापूर : महात्मा जोतिराव फुले शेतकरी कर्जमुक्ती...
सांगोल्यात डाळिंब व्यापाऱ्याला पुन्हा...सांगोला, जि. सोलापूर : सांगोल्यातील एका...
विजेबाबतच्या समस्या निकाली काढा : डॉ....बुलडाणा  : विजेच्या बाबत नागरिकांना अनेक...
चाळीसगाव : किसान सन्मानच्या लाभापासून...चाळीसगाव, जि. जळगाव ः शासनाकडून राबविण्यात...
जिल्हा परिषदांचे तलाव मासेमारीसाठी खुले...मुंबई : राज्यातील ग्रामविकास विभागांतर्गत जिल्हा...
खानदेशात तूर नोंदणीला प्रतिसादजळगाव  ः जिल्ह्यात तूर नोंदणीसंबंधी १०...
नागपूर जिल्ह्यात रब्बीच्या क्षेत्रात...नागपूर : मॉन्सूनोत्तर पावसाने खरीप पिकाचे चांगलेच...
मागासवर्गीयांपर्यंत फडणवीस सरकारच्या...मुंबई: राज्यात गत सरकारच्या कार्यकाळात...
सिंचन प्रकल्पांच्या पूर्णत्वासाठी निधी...मुंबई : जलसंपदा विभागाचे प्रलंबित प्रकल्प पूर्ण...
औरंगाबादेत पाणीप्रश्‍नावर भाजपचे उद्या...औरंगाबाद : नेहमी दुष्काळाशी सामना करणाऱ्या...
कापूस दर ५१०० वर स्थिर, खेडा खरेदी वाढलीजळगाव  ः कापसाची खेडा खरेदी मागील आठवड्यात...
पलटी नांगर योजनेसाठीचा निधी अपुरा जळगाव  ः जिल्हा परिषदेच्या कृषी विभागातर्फे...