Agriculture news in marathi; Rainfall in many parts of Khandesh | Agrowon

खानदेशात अनेक भागांत पावसाने नुकसान

टीम अॅग्रोवन
मंगळवार, 8 ऑक्टोबर 2019

जळगाव  ः खानदेशात रविवारी (ता. ६) सायंकाळी व रात्री अनेक भागांत पावसाने हजेरी लावली. यामुळे ज्वारी, कापूस, बाजरी या पिकांचे अंशतः नुकसान झाल्याची माहिती आहे. 

जळगाव  ः खानदेशात रविवारी (ता. ६) सायंकाळी व रात्री अनेक भागांत पावसाने हजेरी लावली. यामुळे ज्वारी, कापूस, बाजरी या पिकांचे अंशतः नुकसान झाल्याची माहिती आहे. 

खानदेशात सर्वत्र ऊन सावल्यांचा खेळ सुरू आहे. स्वच्छ सूर्यप्रकाशित वातावरण नसल्याने धान्याची उघड्यावरील स्वच्छता, वाळवणूक यासंबंधी अडचणी येत आहेत. सध्या सोयाबीन मळणीवर आला आहे. परंतु, वातावरण कोरडे नसल्याने मळणीसंबंधी अडचणी येत आहेत. सकाळी ऊन व दुपारनंतर ढगाळ वातावरण, अशी स्थिती असते. ही बाब लक्षात घेता शेतकरी सकाळीच कापूस वेचणी, पीक कापणीसंबंधीची कामे उरकून घेत आहेत. अशातच रविवारी सायंकाळी अनेक भागांत जोरदार पाऊस झाल्याने उघड्यावर वाळवणुकीसाठी ठेवलेले धान्य, पिके यांची नासाडी झाली. जळगाव जिल्ह्यातील यावल, चोपडा, जळगाव, जामनेर, पाचोरा, धुळ्यातील शिरपूर, शिंदखेडा, धुळे आदी भागांत हलका ते मध्यम स्वरूपाचा पाऊस झाला.

जळगाव, यावल भागांत सुमारे आठ ते १० मिनिटे मध्यम स्वरूपाचा पाऊस झाला. सुरवातीला सुसाट वाराही अनेक भागांत होता. यामुळे पूर्वहंगामी कापूस, ज्वारी लोळली. त्यात या पिकांचे अंशतः नुकसान झाले. सुमारे दोन ते तीन मिनिटे सुसाट वारा होता. त्याचा जोर काही वेळेत कमी झाल्याने अधिकचे नुकसान टळले. परंतु, कापसाची बोंडे ओली झाली. ती काळवंडून त्यांचे १०० टक्के नुकसान होण्याची भीती आहे. या पावसामुळे मळणीवर आलेल्या ज्वारी पिकातील कापणीचे काम काही दिवस लांबणीवर पडणार आहे. ज्वारीचा दर्जा फारसा घसरलेला नसल्याचे सांगण्यात आले. 

पूर्वमशागतीला वेग
पावसाचे संकेत व ढगाळ वातावरण लक्षात घेता अनेक शेतकरी मागील दोन-चार दिवसांपासून मूग, उडदाखाली रिकाम्या झालेल्या क्षेत्रात ट्रॅक्‍टर व बैलजोडीच्या साह्यने पूर्वमशागत करून घेत आहेत. कारण, पाऊस आल्यास मशागत रखडेल व पुढील रब्बी हंगामाची पेरणी लांबणीवर पडू शकते, असे शेतकऱ्यांचे म्हणणे आहे. 
 


इतर बातम्या
पाणीवाटपावर चर्चा गरजेची : डॉ. माधवराव...अकोला  ः देशाचा विकास होताना नागरीकरणाच्या...
माथाडी कामगारांच्या प्रश्‍नांसाठी लवकरच...पुणे  ः माथाडी आणि कामगार कायदा गुंतागुंतीचा...
नगर, नाशिकला पुढील वर्षी ऊसदरात फटका ?नगर ः नगर, नाशिकसह राज्याच्या अनेक भागांत उशिरा...
धरण कालवा सल्लागार समितीची आज नगरला बैठकनगर  : मुळा, भंडारदरा व निळवंडे धरणांच्या...
राज्यात गारठा झाला कमी पुणे : राज्याच्या किमान तापमानात चढ-उतार सुरूच...
परभणीत मूग, उडदाचा पीकविमा परतावा मंजूरपरभणी  ः पंतप्रधान पीकविमा योजनेअंतर्गत खरीप...
सिंचन सुविधा बळकटीकरणावर भर देणार :...चंद्रपूर   ः ‘‘शेतकऱ्यांच्या जीवनात...
नांदेड, परभणी, हिंगोलीत चार हजारांवर...नांदेड : किमान आधारभूत किंमत योजनेअंतर्गत...
थकीत कर्जावर व्याज आकारू नये : राज्य...मुंबई ः महात्मा फुले शेतकरी कर्जमाफी...
इराण–भारतादरम्यान कृषी उत्पादनांचा...मुंबई : महाराष्ट्र हे देशातील औद्योगिक...
छत्रपती राजर्षी शाहू महाराज यांचे...कोल्हापूर  : या देशात राजे अनेक झाले, पण...
केंद्र कांदा निर्यातबंदी, साठा मर्यादा...नवी दिल्ली ः देशात कांद्याचे उत्पादन...
नाशिकच्या वैभवशाली इतिहासाला मिळणार...नाशिक : नाशिक जिल्ह्याच्या स्थापनेस दीडशे वर्ष...
स्मार्टसिटी वादात शेतकऱ्यांवर अन्याय...नाशिक : नाशिक शिवारातील हनुमानवाडी व मखमलाबाद...
धुळे जिल्हा परिषदेत आता सभापती निवडीकडे...धुळे ः अध्यक्ष, उपाध्यक्ष निवडीनंतर जिल्हा...
सांगली जिल्ह्यात ९३८ कोटींची ऊसबिले थकीतसांगली ः जिल्ह्यातील बहुसंख्य साखर...
जळगावच्या नियोजन आराखड्यात वाढजळगाव : जिल्ह्यातील वार्षिक योजनेसाठी २०२०-२१...
यवतमाळ जिल्हा बॅंकेची १२ वर्षांनंतर...यवतमाळ ः गेल्या बारा वर्षांपासून रखडलेल्या जिल्हा...
शेतमालाला मार्केटिंगची जोड दिल्याने...अकोला : जो शेतमाल पिकवला त्याची स्वतः विक्री...
निर्यातदार व्हा... पण शेतकऱ्यांचा...पुणे: शेतमालाची निर्यात आता पूर्णतः ‘बिझनेस...