नांदेड : नांदेड, परभणी, हिंगोली जिल्ह्यातील २६ मंडळांमध्ये सलग तिसऱ्या दिवशी मंगळवारी (ता.३१) पाऊस झाला. वादळी वारे, पावसामुळे शेतीपिके, फळपिकांचे नुकसान झाले.
नांदेड जिल्ह्यातील देगलूर, मुखेड, कंधार तालुक्यातील ११ मंडळांमध्ये हलका ते मध्यम, तर परभणी जिल्ह्यातील पूर्णा, गंगाखेड, मानवत,पालम तालुक्यातील ८ मंडळांमध्ये वादळी वाऱ्यासह हलका ते मध्यम पाऊस झाला. हिंगोली जिल्ह्यातील सेनगाव, कळमनुरी, वसमत तालुक्यातील ७ मंडळांत हलक्या ते मध्यम पावसाने हजेरी लावली.
सलग तीन दिवसांपासून वादळी वाऱ्यासह पाऊस येत आहे. त्यामुळे रब्बी सुगीतील, हळद काढणीची कामे खोळंबली आहेत. काढणी केलेला शेतमाल भिजत आहे. वाऱ्यामुळे फळगळ होऊन मोठे नुकसान होत आहे. त्यामुळे शेतकरी धास्तावले आहेत. मंळनिहाय पाऊस (मि.मी)
| नांदेड जिल्हा | देगलूर ११, खानापूर २, शहापूर १६, मुखेड २, येवती २, मुक्रमाबाद २, कंधार ३, उस्माननगर ७, बारुळ २,पेठवडज २, फुलवळ १०. |
| परभणी जिल्हा | पालम १, पूर्णा ३, ताडकळस ५, लिमला २१, चुडावा २, गंगाखेड १४, माखणी २, कोल्हा ६. |
| हिंगोली जिल्हा | गोरेगाव २५, पानकनेरगाव ३.२५, हत्ता ०.२५, वसमत ०.५०, नांदापूर १, आखाडा बाळापूर ०.२५, वारंगा ०.२५. |
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.