Agriculture news in marathi Rainfall in Parbhani, Hingoli district | Agrowon

परभणी, हिंगोली जिल्ह्यात पावसाचे थैमान

टीम अॅग्रोवन
रविवार, 20 सप्टेंबर 2020

नांदेड : मराठवाड्यातील परभणी, हिंगोली जिल्ह्यात पावसाने थैमान घातले आहे. या पावसामुळे खरिपातील ज्वारी, सोयाबीन, कपाशी व तूर पिकांचे नुकसान झाले आहे. नुकसानग्रस्त भागाची पाहणी करुन भरपाइ देण्याची मागणी होत आहे.

नांदेड : मराठवाड्यातील परभणी, हिंगोली जिल्ह्यात पावसाने थैमान घातले आहे. या पावसामुळे खरिपातील ज्वारी, सोयाबीन, कपाशी व तूर पिकांचे नुकसान झाले आहे. नुकसानग्रस्त भागाची पाहणी करुन भरपाइ देण्याची मागणी होत आहे.

गेल्या दोन दिवसांपासून पाऊस होत आहे. शुक्रवारी (ता.१८) सकाळी संपलेल्या २४ तासांत जिल्ह्यातील सर्वच तालुक्यात २४.७ मिलिमीटर पावसाची नोंद झाली.

सर्वाधिक पाऊस पूर्णा तालुक्यात ४८.७ मिलिमीटर इतका नोंदविला. जिल्ह्यात गुरुवारी व शुक्रवारी या दोन दिवसांत ढगाळ वातावरण होते. सर्वच तालुक्यांत दिवसा व रात्री उशिरापर्यंत पाऊस सुरूच होता. सेलू तालुक्यातील शुक्रवारपर्यंत (ता.१८) लोअर दुधना प्रकल्प धरणात ८०.०३ टक्के इतका जलसाठा जमा झाला. प्रकल्पात एकूण ३०८.५४३ दलघमी एवढा जलसाठा आहे. यात २०५.९४२ दलघमी जिवंत पाणीसाठा झाला, जो ८५.०३ इतका टक्के आहे.

मानवत तालुक्यात पावसाने नदी, नाले भरभरून वाहत आहेत. काही भागांत कापसाचे व सोयाबीनचे नुकसान झाले. शहरासह ग्रामीण भागाचा विद्युत पुरवठा खंडित झाला. मानवत मंडळात सर्वाधिक ७७, तर कोल्हा मंडळात ३८ मिलिमीटर पावसाची नोंद झाली. जायकवाडी धरण व माजलगाव धरण पूर्ण क्षमतेने भरल्यामुळे दोन्ही धरणांतून पाण्याचा विसर्ग सुरू आहे.

करपरा नदीला पूर

सेलू तालुक्यात शुक्रवारी (ता.१८) रात्री दीड ते तीन वाजण्याच्या सुमारास मुसळधार पावसाने हाहाकार माजला आहे. करपरा, दुधना नदीला पूर आला. तर, ओढ्या-नाल्याजवळील शेतजमीन खरडून गेल्याने पिकांचे नुकसान झाले. पंचनामे करून शासनाने नुकसानभरपाई द्यावी, अशी मागणी शेतकऱ्यांनी केली. 

गोदावरी काठच्या गावांना सतर्कतेचा इशारा

पैठण येथील जायकवाडी धरणाच्या उर्ध्व भागातील धरणामधून पाण्याची आवक सुरु आहे. जायकवाडीच्या पाणलोट क्षेत्रातही पाऊस सुरु आहे. धरणाच्या पाणीपातळीत वाढ होत आहे. लघु व मध्यम प्रकल्प, तलाव हे शंभर टक्के भरले आहेत. त्यामुळे धरणातील मोठ्या प्रमाणातील पाण्याची आवक पाहता गोदावरी नदीकाठच्या परिसरातील नागरिकांनी सतर्क  रहावे, असे आवाहन जिल्हा आपत्ती प्राधिकरणाचे सचिवांनी केले.


इतर ताज्या घडामोडी
इगतपुरी, सिन्नर तालुक्यात पावसामुळे...नाशिक : दसरा व दिवाळी सणाची बाजारपेठ समोर ठेऊन...
सांगली जिल्ह्यात अतिवृष्टीचा १७ हजार...सांगली : जिल्ह्यात गेल्या पंधरा दिवसांपूर्वी...
खानदेशात दुष्काळी भागात मुबलक जलसाठा जळगाव ः खानदेशातील आवर्षप्रवण भागातील  ...
सिंधुदुर्ग जिल्ह्यात साडेसहा हजार...सिंधुदुर्ग : जिल्ह्यात परतीच्या पावसाने नुकसान...
सांगली जिल्ह्यात द्राक्षबागा...सांगली : गेल्या वर्षी झालेल्या अतिवष्टीमुळे...
शेतकऱ्यांना नुकसान भरपाईची प्रतीक्षाअकोला ः शासनाने शुक्रवारी (ता.२३) जाहीर...
पुण्यात दसऱ्यानिमित्त फुलबाजार फुलला पुणे ः कोरोना संकटामुळे मार्चपासून सलग पाच...
सोयाबीनमध्ये तेजीचाच कलअकोला ः या हंगामातील सोयाबीन काढणी जोरात सुरू...
‘पाटबंधारे’च्या मनमानीमुळे शेतकऱ्यांचे...नाशिक : गेल्या २५ वर्षांपासून बागलाण तालुक्यातील...
सातारा जिल्ह्यास पावसाने पुन्हा झोडपलेसातारा ः जिल्ह्यातील माण, खटाव, कऱ्हाड,...
कापूस, मका हमीभावाकडे दुर्लक्षः...जळगाव ः कापूस, मका हे राज्यात महत्त्वाचे पीक...
वनाधिपती विनायकदादा पाटील यांचे निधन नाशिक: स्थानिक पातळीवरून थेट राज्याच्या राजकारणात...
औरंगाबादमध्ये कांदा सरासरी ३५०० रुपये औरंगाबाद : येथील कृषी उत्पन्न बाजार...
राज्यातून मॉन्सून परतीच्या वाटेवर; पाऊस...महाराष्ट्रातून मॉन्सून बाहेर पडण्याच्या वाटेवर...
सांधेदुखी, सूजेवर आरोग्यदायी गोखरूगोखरू ही झुडूपवर्गीय वनस्पती आहे. या वनस्पतीला...
शेतकऱ्यांना मदत देण्यासाठी प्रयत्न करु...सोलापूर : ‘‘अतिवृष्टी आणि पुरामुळे शेतपिकांचे...
खानदेशात पावसाने दाणादाण सुरूचजळगाव ः खानदेशात गेले दोन दिवस अनेक भागात मध्यम...
जिगाव प्रकल्पग्रस्तांना मिळणार योग्य...बुलडाणा ः जिगाव प्रकल्पग्रस्तांना योग्य मोबदला...
सोलापुरात नुकसानग्रस्तांसाठी `रयत’चे...सोलापूर : सोलापूरसह संपूर्ण राज्यात अतिवृष्टीमुळे...
साताऱ्यात रब्बीची १२ टक्के क्षेत्रावर...सातारा : जिल्ह्यात परतीच्या पावसाने झोडपल्याने...