सातारा जिल्ह्यात पावसाचा जोर कायम

सातारा जिल्ह्यात पावसाचा जोर कायम
सातारा जिल्ह्यात पावसाचा जोर कायम

सातारा ः जिल्ह्याच्या बहुतांश भागात बुधवारी (ता. ९) पावसाचा जोर कायम राहिला आहे. विजेच्या कडकडाटासह अनेक ठिकाणी मुसळधार पाऊस झाला आहे. शेतात पाणी साचल्याने ऊस पीक कोलमडून पडू लागले आहे. जिल्ह्यात गुरुवारी सकाळी आठपर्यंत सरासरी ११.६९ मिलिमीटर पावसाची नोंद झाली आहे. 

जिल्ह्यात पावसाचा जोर कायम असल्याने शेतकऱ्यांच्या चिंतेत वाढ झाली आहे. बुधवारी जिल्ह्यातील बहुतांशी भागात पावसाने अक्षरशः झोडपून काढले आहे. अनेक ठिकाणी विजेच्या कडकडाटासह मुसळधार पाऊस झाला आहे. सततच्या पावसामुळे जमिनीत पाणी बाहेर पडत असल्याने रस्त्यावर पाणी येत आहे. गेल्या चार ते पाच दिवसांपासून पाऊस सुरू पिकांत पाणी साचून राहिले आहे. 

यामुळे उसासारखे पीक कोलमडून पडू लागले आहे. या पावसामुळे खरिपासह रब्बी हंगामातील कामे ठप्प झाली आहे. जितका काळ पाऊस सुरू राहिला तितका काळ ऊस हंगामाही लांबणार आहे. पिकांना कीड, रोगाचा प्रादुर्भाव वाढला असल्याचे शेतकरी सांगत आहेत. काढणीला आलेली पिके हातची जातील की काय अशी भीती निर्माण झाली आहे.

बुधवारी कोरेगाव, सातारा, खंडाळा, महाबळेश्‍वर, कराड तालुक्यांत पावसाचा जोर अधिक आहे.दुष्काळी खटाव तालुक्यात पावसाचे प्रमाण अधिक असून माण, फलटण या तालुक्यात हलका ते मध्यम स्वरूपाचा पाऊस सुरू आहे. गुरुवारी सकाळी आठपर्यंत सरासरी ११.६९ मिलिमीटर पावसाची नोंद झाली आहे. हा पाऊस पश्‍चिम भागात नुकसानकारक असला तरी दुष्काळी पूर्व भागात फायदेशीर ठरणार आहे.

तालुकानिहाय सरासरी पाऊस मिलिमीटर सातारा- १७.८८, जावळी- ९.७०, पाटण- १०.६४, कऱ्हाड- १०.०८, कोरेगाव- २३.३३, खटाव- ७.४९, माण- ६.५७, फलटण-९.३३, खंडाळा- १४.४०, वाई- ४.७१, महाबळेश्‍वर-११.३५.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com