Agriculture news in Marathi, Rainfall in Pune district | Agrowon

पुणे जिल्ह्यात संततधार पाऊस

टीम अॅग्रोवन
सोमवार, 21 ऑक्टोबर 2019

पुणे : पुणे जिल्ह्यात सर्वदूर शनिवारपासून (ता. १९) संततधार पाऊस पडत आहे. धरणांच्या पाणलोट क्षेत्रातही पावसाने दमदार हजेरी लावली आहे. वीर, घोड, नाझरे, उजनी, भामा आसखेड या धरणातून पाण्याचा विसर्ग करण्यात येत आहे. सातत्याने पडणाऱ्या पावसामुळे खरिपाच्या पिकांना फटका बसणार आहे. काढणीस आलेले सोयाबीन, मका, बाजरीसह, भुईमूग, बटाटा, फुलशेती भाजीपाला पिकांत पाणी साचल्याने मोठे नुकसान होणार आहे. 

पुणे : पुणे जिल्ह्यात सर्वदूर शनिवारपासून (ता. १९) संततधार पाऊस पडत आहे. धरणांच्या पाणलोट क्षेत्रातही पावसाने दमदार हजेरी लावली आहे. वीर, घोड, नाझरे, उजनी, भामा आसखेड या धरणातून पाण्याचा विसर्ग करण्यात येत आहे. सातत्याने पडणाऱ्या पावसामुळे खरिपाच्या पिकांना फटका बसणार आहे. काढणीस आलेले सोयाबीन, मका, बाजरीसह, भुईमूग, बटाटा, फुलशेती भाजीपाला पिकांत पाणी साचल्याने मोठे नुकसान होणार आहे. 

परिपक्व होऊन, कापणीच्या स्थितीत असलेला भातपिके आणि काढणीस आलेल्या सोयाबीन पिकाचे मोठे नुकसान होणार आहे. मावळ तालुक्यात संततधार पावसाला सुरवात झाली असून, भाताचे नुकसान झाले आहे. वेळेवर व योग्य पाऊस झाल्याने भाताचे पीक चांगले आले. त्यामुळे नेहमीपेक्षा उत्पादन अधिक मिळणार अशी शेतकऱ्यांना खात्री होती. सध्या भात कापणीला आला असून, दिवाळीनंतर शेतकरी भात कापणीला सुरवात होणार आहे. पावसाने सर्व भात भिजल्याने जमिनीवर पडला आहे. पावसाचा जोर आणखी वाढल्यास भाताचे मोठे नुकसान होण्याची भीती शेतकऱ्यांनी व्यक्त केली आहे. पावसाने फुलशेती व भाजीपाला या पिकाचेही नुकसान झाले. आंदर मावळ परिसरात शनिवारी दिवसभर पावसाची रिपरिप सुरू होती. शेतकऱ्यांनी भात कापलेली भाताची कडपे पावसात भिजून गेली आहे. तर काही शेतकऱ्यांची उभी पिके आडवी पडली आहे.

आंबेगाव, खेड, तालुक्यातही पावसाने सर्वदूर हजेरी लावल्याने खरीप पिकांचे नुकसान झाले. तर रब्बी कांद्याच्या लागवड आणि पूर्वमशागतीची कामे खोळंबली आहेत. इंदापूर तालुक्यातील भिगवण व परिसराला शुक्रवारी व शनिवारी पावसाने झोडपून काढले. इंदापूर तालुक्‍याला संपूर्ण पावसाळा संपत आला, तरीही पावसाची प्रतीक्षा होती. परंतु, पावसाचे दमदार आगमन झाल्यामुळे रब्बीच्या पिकांना फायदा होणार असल्याने तालुक्‍यातील शेतकरीवर्गामध्ये समाधान आहे. तर शेतामध्ये पाणी साचून, खरीप पिकांचे काही प्रमाणात नुकसानही झाले आहे. दौंड तालुक्‍यात शुक्रवारी रात्रीपासून जोरदार, मध्यम ते हलक्‍या सरींनी हजेरी लावली आहे.

जिल्ह्यात विविध ठिकाणी पडलेला पाऊस, मिलिमीटरमध्ये (स्रोत : महसूल विभाग) : कोथरूड ३९, खडकवासला ८४, थेऊर ३२, खेड शिवापूर ५५, भोसरी ४६, चिंचवड ४२, पौड ४०, घोटावडे ३५, माले ३०, मुठा ३६, पिरंगुट ३८, भोर ५८, नसरापूर ८३, किकवी ७५, वेळू ४४, आंबवडे ६४, संगमनेर ७०, निरगुडघर ४२, वडगाव मावळ ४१, तळेगाव ३८, कार्ला ३५, वेल्हा ३०, पानशेत ४०, विंझर ३८, वाडा ३८, राजगुरुनगर ४०, कुडे ३७, आळंदी ५१, पारगाव ३७, वडगाव रसाई ३६, शिरूर ३०, बारामती ४५, माळेगाव ३५, वडगाव ३७, लोणी भापकर ४९, सुपा ३०, मोरगाव ४६, भिगवण ५८, लोणी ५२, निमगाव केतकी ३१, सणसर ४०, देऊळगाव राजे ३५, पाटस ४१, यवत ३७, केडगाव ४२, राहू ३०, वरवंड ३८, रावणगाव ४१, दौंड ३५, सासवड ६२, भिवडी ५९, जेजुरी ४४, परिंचे ३०, वाल्हे ६१.

वीर, उजनीतून पाच हजार क्युसेकने पाणी सोडले
पुणे जिल्ह्यातील सर्वच धरणांच्या पाणलोटामध्ये शनिवारपासून जोरदार पाऊस पडत आहे. खडकवासला धरण क्षेत्रात सर्वाधिक ८४, तर वीर धरण क्षेत्रात ७५ मिलिमीटर पावसाची नोंद झाली आहे. तर जिल्ह्यातील सर्वच नद्यांना पाणी आल्याने, तसेच अनेक धरणांमध्ये १०० टक्के पाणीसाठा असल्याने पाण्याची आवक वाढताच धरणांतून पाण्याचा विसर्ग करावा लागणार आहे. रविवारी (ता. २०) वीर धरणातून ५ हजार २१२, उजनी ५ हजार, नाझरे १ हजार ५००, भामा आसखेड ५५३ क्युसेक वेगाने, तर कासारसाई धरणातून १५० क्युसेक वेगाने पाणी सोडण्यात आल्याचे पाटबंधारे विभागातर्फे सांगण्यात आले.


इतर ताज्या घडामोडी
सार्वजनिक पैदास कार्यक्रमांचे प्रमाण...फळपिकातील नव्या जातींच्या पैदास कार्यक्रमांचे...
नगरमध्ये पीककर्ज वितरणात जिल्हा बॅंकच...नगर ः नगर जिल्ह्यात खरीप हंगामात आत्तापर्यंत खरीप...
`रानभाज्या खा, रोगप्रतिकार शक्ती वाढवा`सोलापूर : माहिती असलेल्या पालेभाज्या, फळभाज्या...
वेळीच ओळखा टोमॅटोमधील विकृतीभाजीपाला पिके ही अन्य पिकांच्या तुलनेत नाजूक...
गिरणा नदीवरील बलून बंधारे प्रकल्पाला...जळगाव  : केंद्र सरकारचा प्रायोगीक प्रकल्प...
परभणी जिल्ह्यात ऊस लागवडीत दुपटीने वाढपरभणी  ः जिल्ह्यात सन २०१९-२० मध्ये ३० हजार...
सहकारी साखर कारखान्यांनी रुग्णालय...कऱ्हाड, जि. सातारा : कोरोनाचे संकट हे अख्या जगावर...
शेतीच्या डेटा विज्ञानाबाबत जागृकतेची...परभणी :  डेटा विज्ञान तसेच कृत्रिम...
कृषी सल्ला (कोकण विभाग)हवामान अंदाज ः मुंबई येथील प्रादेशिक हवामान...
सांगलीत डाळिंब उत्पादक पीकविम्याच्या...सांगली : जिल्ह्यात पाच मंडळांत अतिपावसाने...
खानदेशातील अनेक भागात तुरळक पाऊसजळगाव  ः जिल्ह्यात रविवारी (ता.९) अनेक भागात...
रानभाज्यांकडे नागरिकांचा वाढता कलयवतमाळ : जिल्ह्याच्या डोंगररांगा व शेतशिवारात...
सातवा वेतन लागू करा, महागाई भत्ता द्या...नाशिक : नाशिक कृषी उत्पन्न बाजार समितीच्या...
नगरमध्ये आले चार ते पाच हजार रूपये...नगर ः नगर कृषी उत्पन्न बाजार समितीत गेल्या...
नगर जिल्ह्यात चार लाख टन कांदा चाळीतचनगरः गतवर्षी लेट खरीप, उन्हाळी कांद्याचे क्षेत्र...
नाशिकमध्ये लसणाची आवक साधारण; दरही...नाशिक : येथील कृषी उत्पन्न बाजार समितीमध्ये मागील...
सोलापुरात ढोबळी मिरची, वांगी, काकडीला...सोलापूर ः सोलापूर कृषि उत्पन्न बाजार समितीच्या...
मे ते जून दरम्यानचे वीज बिल माफ करा :...कोल्हापूर : मे ते जून दरम्यानचे वीज बिल माफ न...
पुणे बाजार समितीत व्यवहार सुरळीत...पुणे ः गुलटेकडी येथील पुणे कृषी उत्पन्न बाजार...
बुलडाण्यात २८२ शेतकऱ्यांनी राबवला रेशीम...बुलडाणा : जिल्ह्यात सन २०१५-१६ पासून सहकार व...