agriculture news in marathi, Rainfall returns to Nashik district | Agrowon

नाशिक जिल्ह्यात पावसाचे पुनरागमन

टीम अॅग्रोवन
सोमवार, 22 जुलै 2019

नाशिक : जिल्ह्यात पावसाने उघडीप दिल्यामुळे सर्वांनाच पावसाची प्रतीक्षा होती. शुक्रवारी (ता. १९) रात्रीच्या सुमारास ढगांच्या गडगडाटासह झालेल्या पावसामुळे शेतकरी सुखावले आहेत. जिल्ह्यात एकूण ४३६.७ मिलिमीटर पावसाची नोंद झाली.  

नाशिक : जिल्ह्यात पावसाने उघडीप दिल्यामुळे सर्वांनाच पावसाची प्रतीक्षा होती. शुक्रवारी (ता. १९) रात्रीच्या सुमारास ढगांच्या गडगडाटासह झालेल्या पावसामुळे शेतकरी सुखावले आहेत. जिल्ह्यात एकूण ४३६.७ मिलिमीटर पावसाची नोंद झाली.  

गेल्या दहा ते बारा दिवसांपासून दडी मारून बसलेल्या पावसाने जिल्ह्यात दमदार पुनरागमन केले आहे. जिल्ह्यात विविध तालुक्यांतील भागात पाऊस झाल्याने शेतकऱ्यांनी समाधान व्यक्त केले. नांदगाव, मालेगाव, देवळा, चांदवड, निफाड तालुक्यात पाऊस झाला. जुलैच्या पहिल्या आठवड्यात जिल्ह्यात मुसळधार पाऊस झाला. नंतर मात्र त्याने उघडीप घेतली. त्यामुळे जिल्ह्यात चिंतेचे वातावरण होते. सटाणा, मनमाड, सिन्नरच्या पूर्व पट्ट्याला पावसाने चांगलेच झोडपून काढले. दातली, खोपडी, मुसळगाव, वावी, पांगरी या गावांमध्ये पावसामुळे सर्वसामान्यांना दिलासा मिळाला. भाजीपाला पिकांमध्ये पाणी तुंबल्याचे चित्र राहिले.

निफाड तालुक्यात सुकेने, चांदोरी, पिंपल्स, दात्याने, जिव्हाळे, थेरगाव, दिक्षी, ओने, ओझर परिसरात सायंकाळी ८ ते ९ च्या दरम्यान मुसळधार पाऊस झाला. या पावसामुळे पाणी द्राक्ष बागांमध्ये तुंबले. त्यामुळे पावसाचे पाणी खळखळून वाहिले. सोयाबीन, टोमॅटो पिकांमध्ये पाणी तुंबले. त्यामुळे नुकसान होण्याची शक्यता आहे. 

मनमाड शहरात सुरवातीला हलक्या सरी पडल्या. मात्र, त्यानंतर पावसाचा जोर वाढला. चांदवड तालुक्यात सोग्रस, शिरसाने, आडगाव टप्पा, मंगरूळ, निमोण, भाटगाव, भरवीर, देवरगाव यासह पूर्व भागात पाऊस झाला. या पावसमुळे मका, सोयाबीन, टोमॅटो, पिकासाठी पाऊस झाल्याने आधार मिळाला. देवळा तालुक्यात डोंगरगाव, वासोळ, दहिवड, महालपाटणे, मेशी या पूर्व भागातील गावांत पाऊस झाल्याने पेरण्यांना जीवदान मिळणार आहे.

नाशिक शहरात हलक्या सरी बरसल्या. नाशिकरोड परिसरात सर्वप्रथम पावसाच्या सरी कोसळल्या. त्यानंतर टप्प्याटप्प्याने उपनगरांमध्ये चांगला पाऊस झाला. शहरातील नाशिकरोड, जेलरोड, उपनगर, सिडको, पंचवटी, सातपूर या परिसरात जोरदार पाऊस झाला. विजांच्या कडकडाटांसह झालेल्या पावसामुळे शहरातील काही भागांत वीजपुरवठादेखील खंडित झाला. 

तालुकानिहाय पाऊस (मिमी)

नाशिक ३३.२
इगतपुरी २१.०
दिंडोरी १४.०
पेठ ५.५
त्र्यंबकेश्वर  १८.०
मालेगाव  २८.०
नांदगाव ४.०
चांदवड ४१.०
कळवण २२.०
बागलाण १००.०
सुरगाणा १०.२
 देवळा ४६.२
निफाड ३६.४
सिन्नर ५७.०
येवला  ०.२

 


इतर बातम्या
७२ तासांची सक्ती नको ः आयुक्तपुणे ः विमा कंपन्यांनी कामकाजात तातडीने सुधारणा...
पीकविमा योजनेच्या मूळ उद्देशालाच हरताळपुणे ः पंतप्रधान पीकविमा योजनेच्या माध्यमातून...
अखेर ‘इफ्को टोकियो’ विरोधात गुन्हा दाखलअमरावती : राज्य शासनाने केलेल्या करारानुसार इफ्को...
पळवाटांमुळे पीकविमा भरपाई दुरापास्तशेतकऱ्यांकडून पीकविम्याचा हप्ता भरतेवेळी...
अमरावतीतील २३ हजार हेक्टर शेती बाधित अमरावती : संततधार पावसाने जिल्ह्यातील ५०० गावे...
विमा कंपन्यांबाबत सरकारची बोटचेपी भूमिकापीकविमा योजनेमुळे शेतकऱ्यांऐवजी पीकविमा कंपन्याच...
खामगाव बाजार समितीच्या  कारभाराविरुद्ध...बुलडाणा : खामगाव कृषी उत्पन्न बाजार समितीच्या...
केंद्र स्थापन करणार शेतकरी उत्पादक... नवी दिल्ली ः केंद्र सरकारने देशात सुमारे...
सांगलीत ४१ हजार हेक्टरवरील पिके...सांगली : गेल्या आठवड्यात झालेल्या पाऊस,...
धरणांतील पाण्याच्या विसर्गात घटपुणे : राज्यात पावसाचा जोर ओसरू लागल्याने धरणांत...
पुण्यात पंचनामे गतीने सुरूपुणे : जिल्ह्यात नुकसानीचे पंचनामे करण्यास वेग...
परभणी ः मूग, उडदाच्या पीक स्पर्धेसाठी...परभणी ः कृषी विभागातर्फे खरीप हंगामापासून...
रत्नागिरी ‘झेडपी’चे  ८० कोटींचे नुकसान रत्नागिरी : अतिवृष्टीने चिपळूण, खेड, संगमेश्वरसह...
सांगोल्यातील रोगग्रस्त डाळिंब बागांची...सांगोला, जि. सोलापूर : वातावरणात होणारे बदल आणि...
पशुसंवर्धन विकासासाठी पशुपालक,...नाशिक : ‘‘आत्मनिर्भर भारत अंतर्गत २०२०-२१...
खानदेशात भिज पाऊसजळगाव : खानदेशात गेले दोन दिवस अनेक भागात हलका ते...
पशुचिकित्साकांच्या कामबंद  आंदोलनाचा...रिसोड, जि. वाशीम : पशुचिकित्सा व्यावसायिकांनी १६...
हिंगोलीत विमा कंपनीचा अनागोंदी कारभारहिंगोली ः जिल्ह्यात पंतप्रधान पीकविमा योजना...
नाशिक विभागात मिळाल्या १६३१ भूमिहीनांना...नाशिक : कर्मवीर दादासाहेब गायकवाड सबलीकरण व...
नुकसानभरपाईपोटी मिळाले २७० रुपयेपाचोरा, जि. जळगाव : खडकदेवळा (ता. पाचोरा) येथील...