agriculture news in marathi, Rainfall in Sangli district | Agrowon

सांगली जिल्ह्यात पावसाचा खंड

टीम अॅग्रोवन
शुक्रवार, 3 ऑगस्ट 2018

सांगली ः पावसानं उघडीप दिली हाय... शेतात पीक वाळू लागल्याती... पाऊस झाला नाय तर खरीप हंगाम वाया जाईल... पेरणीला घातलेला खर्चबी मिळणार नाय... मुलांचं शिक्षण, घरचा खर्च कसा चालायचा असा प्रश्न पडला हाय... असे पिंपरी बुद्रुक येथील शेतकरी हताश होऊन सांगत होते.

सांगली ः पावसानं उघडीप दिली हाय... शेतात पीक वाळू लागल्याती... पाऊस झाला नाय तर खरीप हंगाम वाया जाईल... पेरणीला घातलेला खर्चबी मिळणार नाय... मुलांचं शिक्षण, घरचा खर्च कसा चालायचा असा प्रश्न पडला हाय... असे पिंपरी बुद्रुक येथील शेतकरी हताश होऊन सांगत होते.

सांगली जिल्ह्यात सुमारे ८० टक्के पेरणी झाली आहे. वाळवा, पलूस, मिरज, कडेगाव तालुक्यांत चांगला पाऊस झाल्याने या भागातील पिके जोमाने वाढली आहेत. मात्र, दुष्काळी पट्ट्यातील आटपाडी, जत कवठेमहांकाळ तालुक्‍यात अपेक्षित पाऊस झालाच नाही. त्यामुळे विहिरी, कूपनलिका, तलावांच्या पाणीसाठ्यात वाढ झाली नाही. परिमाणी खरीप हंगामातील पिकांना याचा फटका बसू लागला आहे. पाणी नसल्याने पिके सुकू लागली आहेत. अपेक्षित पाऊस झाला नाही, तर खरीप हंगाम वाया जाण्याची भीती शेतकऱ्यांतून व्यक्त होत आहे.

दुष्काळी भागाला सर्वाधिक पावसाची गरज असताना त्या ठिकाणी पावसाने अपेक्षाभंग केला आहे. गतवर्षी मान्सूनपूर्व पावसाने दुष्काळी भागास मोठा दिलासा दिला होता. यंदा मान्सूनपूर्व पावसाने हजेरी लावली होती, तरीही ती पुरेशी ठरली नाही. आटपाडी तालुक्‍याला सर्वाधिक फटका यंदाच्या पावसाळ्यात बसला आहे. आटपाडी तालुक्यात गतवर्षी ३० जुलैपर्यंत झालेल्या पावसाची आकडेवारी पाहता यंदा ७९ टक्के कमी पाऊस नोंदला गेला आहे. त्या खालोखाल जत तालुक्‍याची स्थिती आहे. या ठिकाणी ४९ टक्के कमी पावसाचे चित्र आहे. कवठेमहांकाळ तालुक्‍यातही गतवर्षीपेक्षा २३ टक्के कमी पाऊस नोंदला गेला आहे.

या भागाला कायमस्वरूपी पाणी योजना व्हावी. टेंभू योजनेबाबत राजकीय नेत्यांना आम्ही सतत भेटलो आहे. जिल्हाधिकारी यांनीच या भागाकडे लक्ष घालावे व कायमस्वरूपी शेतीचा पाण्याचा प्रश्न निकाली काढावा.
- विजय माने,
शेतकरी पिंपरी बुद्रुक, ता. आटपाडी
 
पाऊस नाही खरीप हंगाम वाया जाऊ लागला आहे. बी-बियाणे मशागत याचा शासनाने खर्च द्यावा. नाहीतर शासनाने शेतीसाठी कायमस्वरूपी पाणी योजना द्यावी.
- अण्णा मोटे,
शेतकरी, विभूतवाडी, ता. आटपाडी

 

तालुकानिहाय तुलनात्मक पाऊस
तालुका ३० जुलै २०१७ ३० जुलै २०१८
इस्लामपूर २५७ २१५
पलूस ८६.५ १६५.३
तासगाव १२८ १२०
शिराळा ३७९ ५६१
मिरज १३७ २२८
विटा १५९ २२५
आटपाडी १७३ ३७
कवठेमहांकाळ १८६ १४४
जत २६९ १३९
कडेगाव १९५ ३०६

 


इतर बातम्या
तोलाई मजुरीसाठी सांगली बाजार समितीच्या...सांगली : कृषी उत्पन्न बाजार समितीमध्ये तोलाई...
महिनाभरात पडणार नाशिक विभागातील साखर...नगर ः नगर, नाशिक जिल्ह्यामध्ये यंदा ३२ पैकी केवळ...
महिलांनी मालक बनले पाहिजे ः राज्यपालमुंबई ः महालक्ष्मी सरस प्रदर्शनातून महिलांचे...
परभणी जिल्ह्यात सिंचनाची ५० कोटींवर...परभणी : जिल्ह्यातील लघू, मध्यम, मोठ्या...
कर्जमाफीपासून वंचित शेतकऱ्यांसाठी...मुंबई ः दोन लाख रुपयांपेक्षा जास्त थकबाकी...
ग्रामीण कुटुंबांचे उत्पन्न का वाढत नाही...पुणे: देशात ५० टक्के रोजगार हा शेतीशी निगडित व...
नागपूर : थंडीची तीव्रता वाढली; अंडी...नागपूर ः थंडीच्या दिवसांत मागणी वाढत अंड्यांचे...
निफाडला २.४ अंश तापमान; राज्य थंडीने...पुणे : उत्तरेकडून वाहणाऱ्या थंड वाऱ्यांच्या...
शेतात नवे प्रयोग करणारे शेतकरी आमचे...मुंबई ः प्रत्यक्ष शेतात राबून नवनवीन प्रयोग...
चिखलदऱ्याच्या स्ट्राॅबेरीला हवाय...अमरावती ः लागवड खर्चाच्या दुप्पट उत्पन्न मिळवून...
मराठवाड्यातील पाच जिल्ह्यांत १८ लाख टन...औरंगाबाद: मराठवाड्यातील औरंगाबाद साखर सहसंचालक...
खानदेशात रब्बी ज्वारी, मक्यावर लष्करी...जळगाव : खानदेशात खरिपात शेतकऱ्यांना फटका बसलेला...
औरंगाबाद, जालना, बीड जिल्ह्यांत साडेआठ...औरंगाबाद : औरंगाबाद, जालना, बीड या तीन...
अमरावती विभागात सहा लाख ८३ हजार शेतकरी...अमरावती ः महात्मा जोतिराव फुले शेतकरी कर्जमुक्ती...
एम्प्रेस गार्डनच्या पुष्पप्रदर्शनाला...पुणे ः एम्प्रेस बोटॅनिकल गार्डनच्या वतीने आयोजित...
अकोल्यात भारिप, वाशीममध्ये...अकोला ः जिल्हा परिषदेच्या अध्यक्ष-उपाध्यक्ष...
पुणे जिल्ह्यात उद्या पल्स पोलिओ लसीकरण...पुणे : पोलिओच्या आजाराचे उच्चाटन करण्याच्या...
पत्नीच्या नावे कामकाजासाठी येणाऱ्या...बुलडाणा ः स्थानिक स्वराज्य संस्थांमध्ये महिलांना...
पाणी, शेती विकासासह समाजकारणाला...नगर : निवडणुकीत पराभव मी मानत नाही. लोकांचे...
पुणे जिल्ह्यात ज्वारी पिकावर चिकट्याचा...पुणे ः पुणे जिल्ह्याच्या पश्चिम जिरायत भागात...