agriculture news in marathi, Rainfall in Solapur district | Agrowon

सोलापूर जिल्ह्यात पावसाची संततधार
टीम अॅग्रोवन
बुधवार, 22 ऑगस्ट 2018
सोलापूर : सोलापूर जिल्ह्यात सलग दुसऱ्या दिवशी मंगळवारी (ता. २१) पावसाची सर्वदूर रिपरिप सुरूच होती. त्यामुळे शेतकऱ्यांना काहीसा दिलासा मिळाला असला, तरी जलसाठे होण्याच्यादृष्टीने आणखी मोठ्या पावसाची गरज आहे. दरम्यान, पुणे जिल्ह्यातील धरणाकडून येणाऱ्या पाण्याचा विसर्ग अखंडपणे सुरूच असल्याने उजनी धरणाची पाणीपातळी ६३ टक्‍क्‍यांपर्यंत पोचली आहे.
सोलापूर : सोलापूर जिल्ह्यात सलग दुसऱ्या दिवशी मंगळवारी (ता. २१) पावसाची सर्वदूर रिपरिप सुरूच होती. त्यामुळे शेतकऱ्यांना काहीसा दिलासा मिळाला असला, तरी जलसाठे होण्याच्यादृष्टीने आणखी मोठ्या पावसाची गरज आहे. दरम्यान, पुणे जिल्ह्यातील धरणाकडून येणाऱ्या पाण्याचा विसर्ग अखंडपणे सुरूच असल्याने उजनी धरणाची पाणीपातळी ६३ टक्‍क्‍यांपर्यंत पोचली आहे.
गेल्या आठवड्यापासून पावसाने पुन्हा सुरवात केली आहे. सध्या खरिपातील पिकांना या पावसाने दिलासा दिला आहे. विशेषतः सोयाबीन, तुरीला या पावसाचा चांगला फायदा झाला आहे. मूग, उडीद, मटकी मात्र आता हातच्या गेल्या आहेत; पण उशिरा का होईना पावसाने सुरवात केल्याने समाधान आहे. सोमवारच्या दिवसभराच्या रिपरिपीनंतरही मंगळवारी पुन्हा पावसाने आपली रिपरिप कायम ठेवली. सकाळी सूर्यदर्शनही काहीसे उशिराच झाले; पण पुन्हा पावसाने सुरवात केली.
जिल्ह्यतील मोहोळ, बार्शी, पंढरपूर, उत्तर सोलापूर, दक्षिण सोलापूर, मंगळवेढा, माळशिरस असा सर्वदूर हा पाऊस पडत होता. पण त्यात जोर नव्हता. सध्या पावसामुळे शेतीची कामेही थांबली आहेत. पडणारा हा पाऊस आणखी मोठा हवा आहे, त्याशिवाय विहिरी आणि बोअरच्या पाणी पातळीत वाढ होणार नाही.
 
दरम्यान, पुणे जिल्ह्याकडील धरणातून येणारे पाणी अखंडपणे सुरू असल्याने सोलापूर जिल्ह्याची वरदायिनी उजनी धरणाची पाणी पातळी झपाट्याने वाढत आहे. मंगळवारी दुपारी उजनी धरणाची पाणी पातळी ६३ टक्‍क्‍यांपर्यंत पोचली. धरणाची एकूण पाणी पातळी ४९५.१० मीटरपर्यंत राहिली. धरणातील एकूण साठा २७५१.५१ दशलक्ष घनमीटर आणि त्यापैकी उपयुक्त पाणीसाठा ९५१.७० दशलक्षघनमीटर एवढा होता. दौंडकडील ३५२१६ क्‍युसेक इतका होता. तो आणखी वाढण्याची शक्‍यता आहे. त्यामुळे धरण लवकरच ७५ टक्‍क्‍यांपर्यंत जाणार आहे.

इतर बातम्या
पुण्यात हिरवी मिरची, गाजराच्या दरात वाढपुणे ः गुलटेकडी येथील पुणे कृषी उत्पन्न बाजार...
रब्बी हंगामासाठी ‘काटेपूर्णा’चे पाणी...अकोला ः यंदा तुडुंब भरलेल्या काटेपूर्णा...
शेतीमाल वाहतूकदारांची वाहने अडवीत पोलिस...अमरावती ः मॉन्सूनोत्तर पावसाच्या नुकसानीमुळे आधीच...
रब्बी हंगामासाठी कुळीथ, हरभरा बियाणे...रत्नागिरी ः अतिवृष्टी आणि अवकाळी पावसामुळे...
कर्जमाफीच्या याद्या करण्यासाठी...कोल्हापूर : पूरग्रस्त पंचनाम्यांची माहिती तातडीने...
आपत्तीचा सामना सकारात्मकतेने करा ः...नाशिक : ‘‘मुश्किलो से भाग जाना आसाँ होता है, हर...
पंचनाम्याच्या तुलनेत तीस टक्क्यांपेक्षा...रत्नागिरी ः अतिवृष्टीत रत्नागिरी जिल्ह्यातील भात...
सातारा : पावणेदोन लाख शेतकऱ्यांना...सातारा  : जिल्ह्यात अतिवृष्टीमुळे पिकांचे...
गडचिरोली : दुर्गंधीमुळे पोल्ट्री बंदचा...गडचिरोली ः मोठ्या प्रमाणात वातावरणात पसरणाऱ्या...
लष्करी अळीच्या भीतीने मका लागवडी...जळगाव ः खानदेशात हरभऱ्यानंतर महत्त्वाचे मानल्या...
खानदेशात कांदा लागवडी वाढण्याचे संकेतजळगाव ः रब्बी हंगामातील कांद्याची खानदेशात यंदा...
'पणन'ची २७ पासून कापूस खरेदी नागपूर ः सिसिआयची खरेदी सुरूच असली तरी कापूस पणन...
पुणे बाजार समितीतील बेकायदा हमाली,...पुणे  ः पुणे बाजार समितीमधील डाळिंब...
नगर जिल्ह्यात ‘जलयुक्त’मधून सहा...नगर  ः जलयुक्त शिवार अभियानातून करण्यात...
तीन जिल्ह्यांत दीड हजार क्विंटल मूग...नांदेड  ः किंमत समर्थन मूल्य योजनेअंतर्गत...
शेतीला व्यावसायिक दर्जा आवश्यक: सुहास...पुणे: भावनिकतेच्या आधारे शेती न करता शेतकरी...
किसान सभेच्या दणक्यानंतर; परळीतील...पुणे ः परळी (जि. बीड) तालुक्यातील खरीप २०१८ मध्ये...
परभणी जिल्ह्यात रब्बीत चार; तर उन्हाळी...परभणी : यंदा परभणी जिल्ह्यातील दोन मध्यम आणि...
परभणी जिल्ह्यात रब्बीसाठी ४० हजार ९१७...परभणी ः जिल्ह्यात यंदाच्या रब्बी हंगामातील...
नगर जिल्ह्यात पावसाने ९४ टक्के कापसाचे...नगर ः आक्टोबर महिन्यात पावसाने झालेल्या नुकसानीची...