Agriculture news in Marathi Rainfall will increase in Vidarbha | Page 2 ||| Agrowon

विदर्भात पावसाचा जोर वाढणार

टीम अॅग्रोवन
गुरुवार, 17 जून 2021

येत्या दोन ते तीन दिवस कोकण, विदर्भात काही ठिकाणी मेघगर्जना व विजांच्या कडकडाटासह जोरदार पाऊस पडणार असल्याचा इशारा हवामान विभागाने दिला आहे.

पुणे : राज्यातील बहुतांशी भागात उन्हासह अंशतः ढगाळ वातावरण आहे. कोकण व विदर्भाच्या काही भागांत मध्यम ते जोरदार स्वरूपाचा पाऊस पडत आहे. मध्य महाराष्ट्र व मराठवाड्यात पावसाची प्रतीक्षा असून, तुरळक ठिकाणी अधूनमधून हलक्या सरी बरसत आहेत. येत्या दोन ते तीन दिवस कोकण, विदर्भात काही ठिकाणी मेघगर्जना व विजांच्या कडकडाटासह जोरदार पाऊस पडणार असल्याचा इशारा हवामान विभागाने दिला आहे.  

गेल्या तीन ते चार दिवसांपासून कोकण ते अरबी समुद्राच्या दरम्यान कमी दाबाचा पट्टा काही प्रमाणात सक्रिय आहे. येते चार ते पाच दिवस ही स्थिती कायम राहण्याची शक्यता आहे. संपूर्ण कोकण व विदर्भात पाऊस पडेल. मध्य महाराष्ट्राचा पूर्व भाग, खानदेश, मराठवाड्यात ढगाळ वातावरण असून, काही वेळा ढगाळ वातावरण होत आहे. त्यामुळे कमाल तापमानात चांगलीच घट झाली आहे. बुधवारी (ता. १६) सकाळच्या आठ वाजेपर्यंत विदर्भातील अकोला येथे ३८.७ अंश सेल्सिअस कमाल तापमानाची नोंद झाली.

राज्यात पावसाचा प्रभाव कमी झाल्याने सकाळपासून उन्हाचा चटका वाढला आहे. त्यामुळे उकाड्यात वाढ होत असल्याने कमाल तापमान कमीअधिक होत आहे. विदर्भात पावसामुळे तापमानात सरासरीच्या तुलनेत पाच अंश सेल्सिअसपर्यंत घट झाली आहे. या भागात तापमान ३३ ते ३८ अंश सेल्सिअसच्या दरम्यान होते. मराठवाडा, मध्य महाराष्ट्र, कोकणात तापमान जवळपास सरासरीएवढे होते.

उत्तर भारतात मॉन्सून पुढे सरकेना
मॉन्सून पुढे सरकण्यासाठी पोषक वातावरण नसल्याने नैर्ऋत्य मोसमी वारे (मॉन्सून) अजूनही पुढे सरकलेले नाहीत. त्यामुळे राजस्थान, गुजरात, पंजाब, हरियाना आणि दिल्ली भागांत अजूनही मॉन्सून दाखल झालेला नाही. येत्या चार ते पाच दिवसांत उत्तर प्रदेशाच्या काही भागांत पोषक वातावरण झाल्यानंतर मॉन्सून पुढे सरकण्याची शक्यता हवामान विभागाच्या सूत्रांनी वर्तविली आहे. उत्तर भारतात वेगाने मजल मारलेला मॉन्सून मागील तीन दिवसांपासून रेंगाळलेला आहे. रविवारपासून मॉन्सून दीव, सुरत, नंदुरबार, भोपाळ, नाऊगाऊ, हमिरपूर, बाराबंकी, बरेली, शहारानपूर, अंबाला आणि अमृतसरच्या भागांतच आहे. बुधवारी उत्तर प्रदेश आणि परिसरात कमी दाबाचे क्षेत्र होते. हे क्षेत्र बिहारच्या दिशेने सरकत असून, उत्तर प्रदेशाच्या पूर्व भागात चक्रीय स्थिती आहे. त्यामुळे मॉन्सूनचा प्रवास काहीसा मंदावला आहे. दोन दिवसांपासून राजस्थानचा वायव्य भाग ते बंगालच्या उपसागराचा वायव्य भाग या दरम्यान असलेल्या पंजाब ते दक्षिण आसाम, हरियाना, उत्तर प्रदेश, बिहार, झारखंड, पश्‍चिम बंगाल या भागांत कमी दाबाचा पट्टा सक्रिय आहे. हा पट्टा समुद्रसपाटीपासून नऊशे मीटर उंचीवर आहे. तसेच पंजाब व परिसरात, राजस्थानाचा वायव्य भाग आणि हरियाना परिसरात चक्रीय वाऱ्याची स्थिती आहे. त्यामुळे मॉन्सूनला पुढे सरकण्यासाठी पोषक वातावरण नसल्याने मॉन्सूनमध्ये तीन ते चार दिवसांपासून प्रगती झालेली नाही.

या जिल्ह्यांमध्ये होणार पाऊस
गुरुवार ः
मुंबई, ठाणे, पालघर, रायगड, रत्नागिरी, सिंधुदुर्ग, पुणे, सातारा, कोल्हापूर, संपूर्ण विदर्भ  
शुक्रवार ः मुंबई, ठाणे, पालघर, रायगड, रत्नागिरी, सिंधुदुर्ग, पुणे, सातारा, कोल्हापूर, संपूर्ण विदर्भ  
शनिवार ः मुंबई, ठाणे, पालघर, रायगड, रत्नागिरी, सिंधुदुर्ग, पुणे, सातारा, कोल्हापूर, संपूर्ण विदर्भ  
रविवार ः रत्नागिरी, सिंधुदुर्ग, संपूर्ण विदर्भ
 


इतर अॅग्रो विशेष
राज्यात दीड महिन्यांत धरणांत ३७३ टीएमसी...पुणे : राज्यातील बहुतांश भागात जुलैमध्ये पावसाने...
हजारो नुकसानग्रस्त दाव्यापासून वंचित नांदेड : अतिवृष्टी तसेच संततधार पावसामुळे...
कोल्हापुरात पुराचे पाणी ओसरू लागले कोल्हापूर : जिल्ह्यात पावसाने पूर्णपणे उघडीप दिली...
राज्याची फळबाग लागवड योजना बंद नगर ः फळबागेचे क्षेत्र वाढीसाठी राज्यात सध्या...
विना नांगरणी तंत्राने कपाशी, तुरीची शेतीदेवगाव (ता. पैठण, जि. औरंगाबाद) येथील प्रयोगशील,...
हिंमत, परिश्रमातून पूर्णाबाईंनी साधली...शिरेगाव (जि. नगर) येथील अल्पभूधारक पूर्णाबाई होन...
मानवनिर्मित आपत्ती!राज्यात बेफामपणे कोसळणाऱ्या पावसाने सगळीकडे एकच...
दोन लाख हेक्टरवरील पिकांचे नुकसानपुणे : राज्यातील बहुतांश भागांत पावसाने उघडीप...
मका पिकात अमेरिकन लष्करी अळीचा...शिरपूर, जि. धुळे : जिल्ह्यात अनेक भागांत मका...
कोकणात पावसाची शक्यता पुणे : बंगालचा उपसागरात तयार झालेल्या कमी दाब...
कोल्हापुरात नद्यांचे पाणी ओसरण्याऐवजी...कोल्हापूर : सलग दुसऱ्या दिवशी पावसाने विश्रांती...
शेतकरी संसदेत आज ‘महिला राज’ नवी दिल्ली ः मोदी सरकारचे तीन कृषी कायदे रद्द...
आंदोलनादरम्यान एकही शेतकरी मृत्यूची...नवी दिल्ली ः केंद्राच्या कृषी कायद्यांविरोधात...
थेट कृषिमंत्र्यांचीच केली दिशाभूल; ‘...अमरावती : विमा कंपनीच्या प्रतिनिधीने खोटी माहिती...
सर्वंकष आढावा घेऊन नुकसान भरपाई जाहीर...रत्नागिरी : ‘‘तुम्हाला पायावर उभे करण्यासाठी...
बहुपीक पद्धतीतून साधले नफ्याचे सूत्रकोल्हापूर जिल्ह्यातील शेंडूर (ता. कागल) येथील...
पावसाची उघडीप; पूरस्थिती कायम पुणे : कोकण, सातारा, कोल्हापूर, सांगली, पुण्यासह...
सांगलीत चौदा हजार जनावरांचे स्थलांतरसांगली : जिल्ह्यात अतिवृष्टीमुळे पूर पट्यातील...
कोसळलेला प्रसंग मोठा; तुमचं पुनर्वसन...मुंबई ः तुमच्यावर कोसळलेला प्रसंग मोठा आहे....
पावसाचा जोर पंधरा दिवस कमी राहण्याची...पुणे : मुसळधार पावसाने रत्नागिरी, रायगडसह,...