Agriculture news in Marathi Rains continue to fall in Khandesh | Agrowon

खानदेशात पावसाने दाणादाण सुरूच

टीम अॅग्रोवन
शनिवार, 24 ऑक्टोबर 2020

खानदेशात गेले दोन दिवस अनेक भागात मध्यम ते हलका पाऊस पडला आहे. यामुळे पेरणीयोग्य क्षेत्रातील पेरणी रखडली आहे. तसेच ज्वारी, वेचणीवरील कापूस या पिकांची नासाडी सुरूच आहे.

जळगाव ः खानदेशात गेले दोन दिवस अनेक भागात मध्यम ते हलका पाऊस पडला आहे. यामुळे पेरणीयोग्य क्षेत्रातील पेरणी रखडली आहे. तसेच ज्वारी, वेचणीवरील कापूस या पिकांची नासाडी सुरूच आहे.

पेरणीसाठी शेतकऱ्यांनी मूग, उडीद, सोयाबीनखाली रिकाम्या झालेल्या क्षेत्रात पूर्वमशागत सुरू केली होती. काही भागात ही मशागत पूर्ण झाली. कोरडवाहू ज्वारी, हरभऱ्याची पेरणी जळगाव, अमळनेर, चोपडा, धुळ्यातील शिंदखेडा, शिरपूर, नंदुरबारमधील शहादा भागात झालीदेखील आहे. काही शेतकऱ्यांनी हरभऱ्याची पेरणी केली आहे. परंतु गेले दोन दिवस झालेला पाऊस व ढगाळ वातावरण यामुळे पेरणीचे काम रखडले आहे. स्वच्छ सूर्यप्रकाशीत वातावरण गेले १० ते ११ दिवस कुठेही नाही. यामुळे शेतकरी पेरणी लांबणीवर टाकत आहेत.

गेले दोन दिवस खानदेशातील चोपडा, यावल, जळगाव, धरणगाव, एरंडोल, शिंदखेडा, शिरपूर, तळोदा, नवापूर या भागात मध्यम ते हलक्या स्वरूपाचा पाऊस झाला आहे. या पावसामुळे वेचणीवरील कापूस, कापणीवरील ज्वारीचे नुकसान झाले आहे. शेतकऱ्यांची मळणीसाठी सतत धावपळ सुरू आहे. सततच्या पावसाळी वातावरणामुळे शेतकरी संकटात आहेत. रब्बीची पेरणी केल्यास पुढे नुकसान  होवू शकते. कारण पेरणीनंतर पाऊस आल्यास बिजांकुरण व्यवस्थित होणार नाही, याची भीती शेतकऱ्यांना आहे.

गुरुवारी (ता. २२) रात्री जळगाव, चोपडा, धरणगाव भागात सुमारे १० ते १५ मिनिटे जोरदार पाऊस झाला. या पावसाने उघड्यावरील पिके, जिनींग प्रेसिंग कारखान्यांमधील कापूस यांचे नुकसान झाले. कापसाला पोषक वातावरण नसल्याने बोंडे उमलत नसल्याची समस्या वाढली आहे. तसेच रोगराईदेखील आली आहे. या प्रतिकूल स्थितीमुळे शेतीकामे ठप्प होत असल्याचे चित्र खानदेशात आहे. पावसाळी वातावरण व प्रकल्पातील आवक सुरूच असल्याने जळगाव जिल्ह्यात हतनूर, गिरणा व वाघूर धरणातून पाण्याचा विसर्ग सुरूच आहे.


इतर बातम्या
कृषी प्रवेशासाठी सीईटीचा निकाल जाहीरपुणे : महाराष्ट्र शासनाच्या ‘स्टेट कॉमन...
बहिरम यात्रा अखेर रद्दअमरावती : लाखो भाविकांचे कुलदैवत आणि विदर्भात...
महाद्वार काल्याने कार्तिकी यात्रेची...सोलापूर : कोरोनाच्या पार्श्वभूमीवर पंढरपुरात...
विधान परिषदेच्या सहा जागांचा आज निकालमुंबई : महाराष्ट्र विधान परिषदेच्या तीन पदवीधर,...
सरसकट पीकविम्यासाठी महाजनआंदोलन उभारणारनांदेड : खरिपातील पिकांचा सरसकट विमा...
पुण्यातील रायफल एक्स्पर्ट काढणार...आष्टी, जि. बीड : बिबट्यांच्या उच्छादाने आष्टी...
‘गंगाखेड’ला परवाना देण्यासाठी...परभणी : गंगाखेड शुगर कारखान्यास यंदाच्या हंगामात...
शेतीला रात्रीची नको, दिवसा वीज द्यापुणे : दौंड तालुक्यातील केडगाव येथील महावितरण...
नगर जिल्ह्यात हमीभाव खरेदी केंद्राकडे...नगर : हमीभावाने मूग, सोयाबीन, उडदाची खरेदी...
सरकारी गोदामे भरली; संग्रामपूर,...बुलडाणा : जिल्ह्यात या हंगामात सुरू केलेली...
माणमध्ये रब्बीची ४३ हजार हेक्‍टरवर...कुकुडवाड, जि. सातारा : माण तालुक्‍यात यंदा...
सिंधुदुर्गमध्ये ३७५ बंधारे पूर्णसिंधुदुर्ग : जिल्ह्यातील संभाव्य पाणीटंचाई...
सागंलीत दिवाळीपूर्वी नाही मिळाली मदत सांगली : जिल्ह्यात गेल्या दोन महिन्यांपूर्वी...
अमरावतीत ८८ हजार हेक्‍टरवर रब्बीची लागवडअमरावती : संततधार पाऊस, अतिवृष्टी आणि त्यानंतर...
पीककर्जासाठी बँकेतच आत्महत्येचा प्रयत्नघाटबोरी, जि. बुलडाणा : पीककर्ज मिळावे यासाठी...
गडहिंग्लज, आजऱ्यात पुरेसा पाणीसाठाआजरा, जि. कोल्हापूर : दर वर्षीप्रमाणे यंदाही...
गोंदियात ३५ कोटींवर धान खरेदी गोंदिया : जिल्ह्यात दिवाळीनंतर हमीभाव केंद्रांवर...
धान बारदानाचे २५ कोटी थकीतगडचिरोली :  शेतकऱ्यांकडून घेतलेल्या...
‘बुरेवी’ चक्रीवादळाची तीव्रता वाढली;...पुणे : बंगालच्या उपसागरात काही दिवसांपासून...
शेतकऱ्यांचे आंदोलन अधिक तीव्र होणारनवी दिल्ली : केंद्र सरकारचे तीन मंत्री आणि शेतकरी...