agriculture news in marathi Rains hit 43,000 hectares of crops in Nagar district | Agrowon

नगर जिल्ह्यात पावसाचा ४३ हजार हेक्टर पिकांना फटका

टीम अॅग्रोवन
रविवार, 18 ऑक्टोबर 2020

नगर ः जिल्ह्यात गेल्या दहा ते बारा दिवसांच्या काळात जोरदार पाऊस झाला. त्यामुळे शेतपिकांचे मोठे नुकसान झाले.

नगर ः जिल्ह्यात गेल्या दहा ते बारा दिवसांच्या काळात जोरदार पाऊस झाला. त्यामुळे शेतपिकांचे मोठे नुकसान झाले. जिल्हाभरात साधारण २१६ गावांतील ६३ हजार शेतकऱ्यांच्या ४३ हजार हेक्टर क्षेत्रावरील पिकांचे नुकसान झाले, असा प्राथमिक अंदाज प्रशासनाने व्यक्त केला आहे. १३ आक्टोबरपर्यंतचे हे नुकसान असून त्यानंतरही दोन दिवस जोरदार पाऊस झाला. त्यामुळे नुकसानीचे क्षेत्र वाढण्याची शक्यता आहे. 

नुकसानीचे पंचनामे सुरु असून अतिवृष्टीची नोंद झालेल्या मंडळांत पंचनामे केले जात आहेत. शेवगाव, पाथर्डी, कर्जत तालुक्याला सर्वाधिक फटका बसला आहे. जिल्ह्यामध्ये सप्टेंबर महिन्यात सलग वीस दिवस पाऊस झाला. त्यामुळे खरिपांच्या पिकांचे मोठ्या प्रमाणात नुकसान झाले. त्यानंतर चार- पाच दिवसांच्या विश्रांतीनंतर पुन्हा मागील आठवड्यात पाऊस झाला. विशेष करून शेवगाव, पाथर्डी, कर्जत तालुक्यात ढगफुटीसदृष्य जोरदार पाऊस झाला. 

मिळालेल्या माहितीनुसार, आक्टोबर महिन्यात शेवगाव, पाथर्डी, कर्जत १३ तारखेपर्यंत तीन तालुक्यातील २१६ गावांतील ६३ हजार शेतकऱ्यांच्या ४३ हजार हेक्टर क्षेत्रावरील पिकांचे नुकसान झाले. पाथर्डी तालुक्यात ३३, कर्जत तालुक्यात ७०, तर शेवगाव तालुक्यात ११३ गावांना या अतिपावसाचा फटका बसला. यानंतरही १४ व १५ आक्टोबरला जिल्हाभरातील अनेक भागात जोरदार पाऊस झाला. नुकसानीचे क्षेत्र आणि पावसाने प्रभावित शेतकरी व गावांची संख्याही मोठ्या प्रमाणात वाढण्याची शक्यता आहे. 

दरम्यान, सप्टेंबर महिन्यात पावसाने झालेल्या नुकसानीचे पंचनामे केले जात आहेत. ३ आक्टोबरपर्यंत वरिष्ठ पातळीवर अहवाल मागितला होता. मात्र, १५ दिवसांचा कालावधी उलटून गेला तरी अजूनही कृषी विभागाकडे अहवाल आलेला नाही. आताही ज्या भागात स्वयंचलित हवामान केंद्रातील नोंदीनुसार अतिवृष्टी (६५ मिलीमीटरपेक्षा अधिक पावसाची नोंद) झाली आहे. त्याच महसुल मंडळांत पंचनामे केले जात आहेत.   लवकरात लवकर भरपाई देण्याची शेतकऱ्यांची मागणी आहे.

शेतकरी पूर्णतः उध्वस्त झाले आहेत. मोठा आर्थिक फटका बसला आहे. कर्जबाजारी होण्याची वेळ आली आहे. त्यामुळे तातडीने प्रत्यक्ष पाहणी करून सरसकट पंचनामे करा. शेतकऱ्यांना तत्काळ नुकसान भरपाई मिळणे गरजेचे आहे.
- हरिभाऊ केसभट, राज्य समन्वय, शिवबा संघटना. 


इतर बातम्या
इगतपुरी, सिन्नर तालुक्यात पावसामुळे...नाशिक : दसरा व दिवाळी सणाची बाजारपेठ समोर ठेऊन...
सांगली जिल्ह्यात अतिवृष्टीचा १७ हजार...सांगली : जिल्ह्यात गेल्या पंधरा दिवसांपूर्वी...
खानदेशात दुष्काळी भागात मुबलक जलसाठा जळगाव ः खानदेशातील आवर्षप्रवण भागातील  ...
सिंधुदुर्ग जिल्ह्यात साडेसहा हजार...सिंधुदुर्ग : जिल्ह्यात परतीच्या पावसाने नुकसान...
सांगली जिल्ह्यात द्राक्षबागा...सांगली : गेल्या वर्षी झालेल्या अतिवष्टीमुळे...
शेतकऱ्यांना नुकसान भरपाईची प्रतीक्षाअकोला ः शासनाने शुक्रवारी (ता.२३) जाहीर...
‘पाटबंधारे’च्या मनमानीमुळे शेतकऱ्यांचे...नाशिक : गेल्या २५ वर्षांपासून बागलाण तालुक्यातील...
सातारा जिल्ह्यास पावसाने पुन्हा झोडपलेसातारा ः जिल्ह्यातील माण, खटाव, कऱ्हाड,...
पिंपळगावला आडत्याकडून शेतकऱ्याला मारहाण नाशिक: निफाड तालुक्यातील कारसूळ येथील शेतकरी...
अवजारे अनुदानाचे निकष वाढवलेपुणे : राज्यात कृषी अवजारे अनुदानासाठी...
तुरळक ठिकाणी पावसाची शक्यता पुणे ः कोकण व मध्य महाराष्ट्रात तुरळक ठिकाणी हलका...
बदल्या, मारहाण, लाचखोरीने गाजतेय राहुरी...पुणे: महात्मा फुले कृषी विद्यापीठाच्या आवारात...
कापूस, मका हमीभावाकडे दुर्लक्षः...जळगाव ः कापूस, मका हे राज्यात महत्त्वाचे पीक...
मॉन्सूनच्या माघारीस पोषक वातावरण पुणे : मॉन्सून दोन दिवसांत उत्तर महाराष्ट्र व...
काही ठिकाणी जोरदार सरीपुणे ः राज्यातील काही भागांत पावसाचा जोर कमी झाला...
व्यापाऱ्यांवरील कांदा साठा...पुणे/नाशिक: पुरवठा कमी असल्याने देशभरात कांद्याची...
वनाधिपती विनायकदादा पाटील यांचे निधन नाशिक: स्थानिक पातळीवरून थेट राज्याच्या राजकारणात...
पावसानं पांढऱ्या सोन्याची झाली माती !औरंगाबाद: यंदा पाऊस चांगला सांगितल्याने शेतीच्या...
चौथ्या बैठकीतही ऊसतोडणी दरवाढीवर तोडगा...नगर ः ऊसतोडणी मजुरांच्या तोडणी दरात वाढ करावी...
राज्यात पाऊस कमी होणारसोमवारपासून ढगाळ हवामानासह पावसाची उघडीप राहणार...