Agriculture News in Marathi Rains threaten soybean, cotton growers | Agrowon

अकोला : पावसामुळे सोयाबीन, कापूस उत्पादकांमध्ये धास्ती 

टीम अॅग्रोवन
गुरुवार, 23 सप्टेंबर 2021

आठवडाभराच्या विश्रांतीनंतर या भागात बहुतांश तालुक्यात मागील दोन दिवसांत पाऊस झालेला आहे. अद्यापही पावसाचे वातावरण कायम असल्याने सोयाबीन काढणीला आलेल्या शेतकऱ्यांचा जीव टांगणीला लागला आहे.

अकोला : आठवडाभराच्या विश्रांतीनंतर या भागात बहुतांश तालुक्यात मागील दोन दिवसांत पाऊस झालेला आहे. अद्यापही पावसाचे वातावरण कायम असल्याने सोयाबीन काढणीला आलेल्या शेतकऱ्यांचा जीव टांगणीला लागला आहे. काही शेतकऱ्यांनी सोयाबीनची सोंगणी करून ठेवली असून, पीक ओले होत असल्याने शेतकरी चिंतातूर झालेले आहेत. गेल्या २४ तासांत अकोला जिल्ह्यात बार्शी टाकळी तालुका वगळता इतर सर्व तालुक्यांमध्ये पावसाची नोंद झालेली आहे. 

सध्या सोयाबीन काढणीचा हंगाम सुरू होत आहे. जूनच्या सुरुवातीला लागवड असलेले सोयाबीन काढणीस आलेले आहे. काही शेतकऱ्यांनी आताचा पाऊस सुरू होण्यापूर्वी सोयाबीन काढणीही केली. परंतु बहुतांश शेतकऱ्यांचे सोयाबीन काढणीसाठी तयार होत आहे. शेंगा वाळण्याची प्रक्रिया सुरू झालेली असतानाच पाऊस येत आहे. मागील ४८ तासांत या भागात चांगला पाऊस झाला.

आणखी दोन दिवस पावसाचा अंदाज हवामान खात्याने वर्तविलेला आहे. त्यामुळे तयार असलेले सोयाबीन सोंगणी, मळणी करण्यासाठी शेतकऱ्यांची एकच लगबग सुरू होती. त्यातच पावसाने हजेरी दिल्याने हे काम अनेक ठिकाणी थांबले आहे. सोंगणी केलेले सोयाबीन अनेक शेतकऱ्यांना खराब होण्याची भीती वाटत आहे. पाऊस हलका ते मध्यम स्वरूपाचा असला, तरी यामुळे सोंगणीचे काम प्रभावित होत आहे. वाळलेल्या शेंगावर सुद्धा बुरशी निर्माण होण्याची शक्यता आहे. 

सोयाबीनमध्ये ओलावा अधिक, दर कमी 
काढणी केलेले सोयाबीन ओलसर असल्याने या मालाला बाजारात सध्या जेमतेम दर व्यापारी देत आहेत. तयार सोयाबीन सुकवण्यासाठी पुरेसा सूर्यप्रकाशही सध्या मिळेनासा झालेला आहे. अशा स्थितीत शेतकरी तयार असलेले सोयाबीन मिळेल, त्या दरात व्यापाऱ्यांना विकून मोकळे होत आहेत. ओलसर सोयाबीनचा दर अवघा तीन ते साडेतीन हजारांपासून सुरू होत आहे. तर कमाल दरही ५५००च्या आतच बाजारात मिळत आहे. 

कापूस पट्ट्यातही नुकसान 
पावसामुळे कापूस उत्पादक शेतकऱ्यांनाही फटका बसत आहे. सलग तीन ते चार दिवसांपासून कधी पाऊस तर कधी दिवसभर ढगाळ वातावरण तयार झालेले असते. यामुळे वेचणीला आलेला कापूस खराब होत आहे. प्री-मॉन्सून क्षेत्रात यंदा दसऱ्याच्या आधीच काही भागात कापसाची वेचणी सुरू झालेली आहे. हा ओलसर कापूस सुकविण्यासाठी शेतकऱ्यांना कसरत करावी लागत आहे.


इतर ताज्या घडामोडी
पांगरीत पीक विमा कंपनीचे प्रतिनिधी फोन...पांगरी, ता. बार्शी ः पीक नुकसानीची तक्रार...
जोरदार पावसाने जेवळी परिसरात तलाव भरले जेवळी, जि. उस्मानाबाद : जेवळी व परिसरात दोन- तीन...
कुसुंबामध्ये शंभर क्विंटल कांदा चाळीतून...कुसुंबा, जि. धुळे ः कुसुंबा येथील शेतकरी सुभाष...
पीकविम्याप्रश्‍नी केंद्र सरकार म्हणणे...उस्मानाबाद : गेल्या वर्षी पीकविमा कंपन्यांनी...
गिरणा पट्ट्यात ओला दुष्काळ जाहीर कराभडगाव/पाचोरा, जि. जळगाव : तालुक्यात अतिवृष्टीमुळे...
हिंगोली जिल्ह्यात बासष्ट हजार क्विंटलवर...हिंगोली ः जिल्ह्यात यंदाच्या (२०२१-२२) रब्बी...
साठा मर्यादा निर्णयाची  राज्यात... हिंगणघाट, जि. वर्धा :  केंद्र सरकारने गरज...
`ई-पीक पाहणी चौदा ऑक्टोबरपर्यंत पूर्ण...नाशिक : ‘‘शेतकऱ्यांच्या सहभागाने मोबाईल ॲपच्या...
भारनियमन केले जाणार नाही; वीजनिर्मिती...मुंबई : कोळसा टंचाईमुळे राज्यातील वीजनिर्मिती कमी...
पीक पेरा नोंदणीत नांदेड मराठवाड्यात...नांदेड : ‘‘ई पीक पाहणी कार्यक्रमांतर्गत...
मराठवाड्यात ओला दुष्काळ जाहीर करून...औरंगाबाद : मराठवाड्यात ओला दुष्काळ जाहीर करून...
गूळ सौदे बंदचे विघ्न कोल्हापुरात कायमकोल्हापूर : गुळाच्या बॉक्सचे वजन सौद्यात धरले...
वाशीम जिल्ह्यात नुकसानग्रस्तांना ६.७७...वाशीम : जिल्ह्यात यंदा मार्च, एप्रिल आणि मे या...
संकरित वाणाची होणार सधन पद्धतीने लागवड  नागपूर : सरळ वाणाचा उपयोग करून कापसाची...
द्राक्षबागेत फळछाटणीनंतर उडद्या...द्राक्ष बागेत ऑक्टोबर फळछाटणीनंतर उडद्या...
झेंडू, शेवंतीच्या फुलांना पुण्यात मागणी...पुणे ः फुलांना विशेष मागणी असणारा दसरा सण अवघ्या...
`कुरनूर’मधून २१०० क्युसेकचा विसर्गसोलापूर ः अक्कलकोट तालुक्यातील कुरनूर मध्यम बोरी...
सोलापूर जिल्हा दूध संघावरील प्रशासकाची...सोलापूर ः सोलापूर जिल्हा सहकारी दूध उत्पादक...
कापूस वेचणीचा खर्च सात रुपये प्रतिकिलोजळगाव ः खानदेशात पावसामुळे पिकांची हानी सुरूच आहे...
खानदेशात एकच केळी दर जाहीर करावाजळगाव ः खानदेशात केळीचे वेगवेगळे दर रोज जाहीर...