agriculture news in marathi Rainy weather in Ratnagiri | Agrowon

रत्नागिरीत पावसाचे थैमान

टीम अॅग्रोवन
शुक्रवार, 23 जुलै 2021

रत्नागिरी ः जिल्ह्यात अनेक ठिकाणी ढगफुटीसारख्या पावसाने थैमान घातले आहे. खेड, चिपळूण, रत्नागिरी, लांजा आणि राजापूर पाण्यात गेले आहे. नद्यांवरील छोटे-मोठे पूल पाण्याखाली आहेत.

रत्नागिरी ः जिल्ह्यात अनेक ठिकाणी ढगफुटीसारख्या पावसाने थैमान घातले आहे. खेड, चिपळूण, रत्नागिरी, लांजा आणि राजापूर पाण्यात गेले आहे. नद्यांवरील छोटे-मोठे पूल पाण्याखाली आहेत. अनेक गावांचा संपर्क तुटला आहे. जिल्ह्यातील जनजीवन विस्कळित झाले आहे. नदीकिनारी भागातील हजारो हेक्टर भातशेती पाण्याखाली गेली आहे. रत्नागिरीत टेंभे येथे एक महिला पुराच्या पाण्यात वाहून गेली. चिपळूणमध्ये २००५ प्रमाणे पूरस्थिती आहे. अनेक कुटुंब पुरामध्ये अडकून पडली आहेत.

बुधवारी रात्रभर झालेल्या ढगफुटीने वाशिष्ठी आणि शिव नदीला पुर आला. चिपळूण शहरासह आजूबाजूची गावे जलमय झाली. शहरातील बाजारपेठ, खेर्डीमध्ये सात फुटांपेक्षा जास्त पाणी शिरले आहे. शेकडो घरांमध्ये पुराचे पाणी शिरले. मुंबई- गोवा महामार्ग, कराड रोड मार्गावरील वाहतूक ठप्प झाली आहे.

चिपळूण शहरातील जुना बाजार पूल, बाजारपेठ, जुने बस स्टॅन्ड, चिंचनाका मार्कंडी, बेंदरकर आळी, मुरादपूर रोड, एसटी स्टँड , भोगाळे , परशुराम नगर, रॉयल नगर, राधाकृष्ण नगरमधील घरे पाण्याखाली आहेत. अतिवृष्टी, हायटाईड आणि कोयनेचे पाणी यामुळे ही परिस्थिती निर्माण झाल्याचे नागरिकांचे म्हणणे आहे. 
बचावकार्यासाठी स्थानिक चिपळूण नगरपालिका २ बोटीद्वारे रेस्क्यू ऑपरेशन सुरु केले आहे.

रत्नागिरीमधून १, पोलिस विभागाकडील १ व कोस्टगार्डची १ बोट अश्या ३ बोटी रेस्क्यू ऑपरेशनसाठी पाठविण्यात आल्या. पुणे येथून एनडीआरएफची दोन पथके आणि रेस्क्यू ऑपरेशनसाठी तटरक्षक रक्षक दलाचे हेलिकॉप्टर दाखल झाले होते.

जगबुडी नदीच्या पुराचे पाणी खेड शहरात शिरले. संगमेश्वर  निवदेकडे जाण्यासाठीचा बावनदीवरील पूल वाहून गेला. रत्नागिरीत चांदराई बाजारपेठेत पाणी शिरल्याने शंभरहून अधिक दुकानांचे अंशतः नुकसान झाले. टेंभ्ये बौध्दवाडी येथील आशा प्रदीप पोवार (वय ५४) कोरोना लस घेण्यास जात असताना वाहून गेल्या. 

नद्यांनी ओलांडली धोक्याची पातळी

उक्षी येथे पुराचे पाणी घरात भरल्याने अंशतः नुकसान झाले. वाशिष्ठी पुलाला पाणी लागल्यामुळे कोकण रेल्वेची वाहतूकही बंद ठेवण्यात आली. जगबुडी, वाशिष्ठी, बावनदी, कोदवली, काजळी, अर्जुना, कोदवली, सोनवी या नद्यांनी धोक्याची पातळी ओलांडली आहे. 
 


इतर अॅग्रो विशेष
देशभरात सोयाबीन ५५०० ते ७३००च्या दरम्यानपुणे : सध्या बाजारात येणाऱ्या सोयाबीनपैकी ज्या...
राज्यात पावसाचा जोर वाढणारपुणे : काहीशा विश्रांतीनंतर राज्यात पावसाला...
द्राक्ष बागायतदार संघाचे आजपासून ६१ वे...नाशिक : महाराष्ट्र राज्य द्राक्ष बागायतदार संघाचे...
मूग, सोयाबीन पिकाला कोंब फुटण्याची...पुणे : राज्यात काही दिवसांच्या विश्रांतीनंतर...
साखरनिर्यातीचे १८०० कोटींचे अनुदान मंजूरकोल्हापूर : केंद्राने २०२०-२१ या हंगामात निर्यात...
सामाजिक, मानसिक स्वास्थ्यासाठी...पुणे ः ‘‘बदलत्या परिस्थितीत सामाजिक आणि मानसिक...
द्राक्ष पिकातील कलम वर्षभर यशस्वी...महाराष्ट्रात द्राक्ष, आंबा व अन्य फळपिकांचे कलम...
दोन आठवडे अगोदरच खरीप कांदा बाजारातनाशिक : जिल्ह्यातील चांदवड,देवळा, मालेगाव, येवला...
‘व्हीएसआय’च्या जालना केंद्रासाठी ३० कोटीपुणे ः विदर्भ, मराठवाड्याला मार्गदर्शक ठरणाऱ्या...
पेरणी ते काढणी- जपला यांत्रिकीकरणाचा वसागरज ही शोधाचा जननी असते. त्यातूनच निंभोरा बोडखा (...
जोरदार वारे, मेघगर्जना, विजांसह पावसाचा...पुणे : राज्यात पुढील दोन दिवस जोरदार वारे,...
पुण्यात साकारतेय देशी गाय संशोधन आणि...पुणे ः देशी गायींच्या संवर्धनातून त्यांची...
विमा कंपन्यांना आठ हंगामांत १२ हजार...पुणे ः देशातील खासगी विमा कंपन्यांनी गेल्या आठ...
द्राक्ष हंगामात नियोजन आणि बाजारपेठेचे...अधिक परतावा देणारी पिके म्हणजे जोखीमही मोठी असते...
मागणीमुळे हरभरा दर हमीभावाच्या वर टिकूनपुणे : गेल्या आठवडाभरात हरभऱ्याला चांगली मागणी...
महुद ग्रामस्थांची एकजूट कौतुकास्पद :...सोलापूर ः वसुंधरा आणि पृथ्वीच्या रक्षणासाठी...
उच्चशिक्षित दांपत्याची पोल्‍ट्रीत...वाशीम जिल्हयात मुठ्ठा या छोट्या गावात नीलेश व...
भरीताच्या वांग्यासह केळी अन कांद्याची...नशिराबाद (ता.. जि.. जळगाव) येथील लालचंद व यशवंत...
मध केंद्र योजनेंतर्गत साहित्य  स्वरूपात...नाशिक : महाराष्ट्र राज्य खादी व ग्रामोद्योग...
ठिबक अनुदान वाटपाच्या  प्रक्रियेवर...पुणे : प्रधानमंत्री कृषी सिंचन योजनेतून अनुदान...