सांगली जिल्ह्यात बेदाणा उत्पादन ६० हजार टनांनी घटण्याचा अंदाज

पावसाने द्राक्षबागांचे खूप मोठे नुकसान झाले आहे. त्याचा परिणाम बेदाणा उत्पादनावर होणार आहे. आर्थिक नुकसान झाले आहे. शासनाने द्राक्ष उत्पादकांना कोणतेही निकष न लावता पंचनामे करून आर्थिक मदत द्यावी. पंचनामे करण्यासाठी आमच्याकडे अद्याप कोणीही आलेले नाही. - संजय बरगाले, बेदाणा उत्पादक शेतकरी, मालगाव, जि. सांगली
संग्रहित छायाचित्र
संग्रहित छायाचित्र

सांगली  ः यंदा मॉन्सूनोत्तर पावसाने जिल्ह्यातील द्राक्ष बागांना फटका बसला आहे. त्यामुळे बेदाण्याचे उत्पादन ५० टक्के म्हणजे गेल्यावर्षीच्या तुलनेत सुमारे ६० हजार मेट्रिक टनांनी घटणार असल्याचा अंदाज बेदाणा उत्पादकांनी व्यक्त केला आहे. 

राज्यात गेल्यावर्षी बेदाण्याचे १ लाख ९० हजार तर सांगली जिल्ह्यात १ लाख २० हजार मेट्रिक टन उत्पादन झाले होते. बेदाण्याला सरासरी १२० ते १३० रुपये किलो असा दर होता. या दराप्रमाणे जिल्ह्यातील बेदाण्याची उलाढाल अंदाजे १२०० ते १५०० कोटी इतकी होते. पावसाने द्राक्ष बागांचे मोठ्या प्रमाणात नुकसान झाले आहे. त्याचा परिणाम बेदाणा उत्पादनावर होण्याची शक्यता आहे. त्यामुळे ५०० ते ६०० कोटींनी उलाढाल कमी होईल अशी शक्यता असून भविष्यात हा आकडा अधिक वाढण्याचा अंदाज आहे. जिल्ह्यात सुमारे ६० ते ७० हजार एकर क्षेत्रांवरील द्राक्षबागांची छाटणी झाली आहे. मिरज, तासगाव, कवठेमहांकाळ आणि जत तालुक्यांतील शेतकरी बेदाण्याचे उत्पादन घेतात. पावसामुळे जिल्ह्यातील सुमारे ६० हजार एकरांवरील द्राक्षबागांना फटका बसला आहे. द्राक्षबागायतदारांचे हजारो कोटींचे नुकसान झाले आहे. 

गेल्या आठवडाभरात पावसाने कधी नव्हे एवढे झोडपून काढले. दुष्काळी पट्ट्यातही मुसळधार पाऊस झाला. या पावसामुळे सप्टेंबर आणि ऑक्टोबर महिन्यात पीक छाटणी घेतलेल्या द्राक्षबागांना मोठा फटका बसला. या दरम्यान, फुलोरा अवस्थेत असलेल्या बागा पावसाने बाधित झाल्या आहेत. डाऊनीचा प्रादुर्भाव झाला असून घडकूजही झाली आहे. ऑक्टोबर छाटणी घेतलेल्या बागांमध्ये डाऊनीचा प्रादुर्भाव मोठ्या प्रमाणात आहे, तसेच घड जिरण्याचे प्रमाण जास्त आहे. त्यामुळे शेतकरी हतबल झाले आहेत. अनेक द्राक्षबागायतदारांनी बागा सोडून दिल्या आहेत. आता बागा वाचल्या तर पुढील वर्षी फळ येईल. त्यामुळे बागा जगविण्यासाठी धडपड सुरू आहे. त्यामुळे खर्चात वाढ होत आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com