agriculture news in marathi Raisin price hike of Rs 25 to 30 per kg | Agrowon

बेदाणा दरात प्रतिकिलो २५ ते ३० रुपयांची वाढ

अभिजित डाके : ॲग्रोवन वृत्तसेवा
मंगळवार, 7 सप्टेंबर 2021

अफगाणिस्तानात तालिबानी राजवट आल्यामुळे सध्या भारताबरोबरची आयात-निर्यात बंद आहे. परिणामी, अफगाणिस्तानातून बेदाणा येत नसल्याने देशांतर्गत उद्योगात ‘फील गुड’ निर्माण झाले आहे.

सांगली : अफगाणिस्तानात तालिबानी राजवट आल्यामुळे सध्या भारताबरोबरची आयात-निर्यात बंद आहे. परिणामी, अफगाणिस्तानातून बेदाणा येत नसल्याने देशांतर्गत उद्योगात ‘फील गुड’ निर्माण झाले आहे. त्यामुळे देशातील बाजारपेठेत राज्यातील बेदाण्याच्या मागणीत वाढ झाली आहे. गेल्या पंधरा दिवसांत बेदाण्याच्या दरात २५ ते ३० प्रति किलोस वाढ झाली आहे.

सध्या बेदाण्याला सरासरी १५० ते २४० प्रति किलो असा दर मिळत आहे. येत्या काळात बेदाण्याची आवक वाढून दरातही वाढ होईल, अशी माहिती बेदाणा उद्योगातील जाणकारांनी दिली. अफगाणिस्तानातून वाघा बॉर्डरमार्गे भारतात इतर देशांतून बेदाणा आयात होतो. मात्र तालिबान्यांनी अफगाणिस्तानवर कब्जा करताच अंदाधुंद परिस्थिती निर्माण झाली आहे.

अफगाणिस्तान-पाकिस्तानमार्गे दळणवळणाची सर्व साधने बंद झाली. अनेक ठिकाणी असणारे चेक पोस्ट उद्ध्वस्त करण्यात आल्याने आयात होणारा माल पूर्णपणे बंद झाला आहे. त्यामुळे अफगाणिस्तानमार्गे भारतात येणाऱ्या बेदाण्याची आयात बंद झाली आहे. त्यामुळे राज्यात तयार होणाऱ्या बेदाण्याला देशांतर्गत बाजारपेठेत मागणी वाढली आहे. कोरोना प्रादुर्भाव काळात बेदाणा खाल्याने प्रतिकारशक्तीत वाढ होत असल्याने बेदाण्याच्या विक्रीत वाढ झाली आहे.

ऑगस्ट महिन्याच्या मध्यावर सुमारे ६५ ते ७० हजार टन बेदाणा शीतगृहात शेतकऱ्यांनी ठेवला होता. गेल्या पंधरा दिवसांत अंदाजे १७ ते २० हजार टनांची विक्री झाली आहे. सध्या राज्यात ४८ ते ५० हजार टन बेदाणा शीतगृहात शिल्लक आहे. गणेशोत्सव आणि दसरा, दिवाळी सणानिमित्त बाजारात बेदाण्याची विक्री होऊ लागली आहे. 

शेतकऱ्यांत समाधान
सांगली, तासगाव, पंढरपूर बाजार समितीत बेदाण्याच्या सौद्यात आवक एक हजार ते १२५० टन बेदाण्याची आवक होते. त्यापैकी सुमारे ८० टक्के बेदाण्याची विक्री होते. शासनाने देशांतर्गत बाजारपेठांच्या वेळेत वाढ केली आहे. त्याचा फायदा बेदाणा विक्रीस होऊ लागला आहे. गेल्या वर्षीपेक्षा यंदा बेदाण्याला चांगले दर मिळत असल्याने शेतकऱ्यांत समाधानाचे वातावरण निर्माण झाले आहे. 

प्रतिक्रिया...
केंद्र सरकार अफगाणिस्तानला देत असलेल्या सवलतीचा गैरफायदा तिथल्या निर्यातदारांनी घेतला आहे. त्यामुळे भारतातील बेदाण्याच्या दरावर परिणाम होत होता. भारतातील बेदाणा उत्पादकांना अपेक्षित दर मिळत नव्हते. सद्यःस्थितीत अफगाणिस्तानातील आयात थांबली असल्याने बेदाणा उत्पादकांना याचा फायदा होत आहे. शासनाने याचे अवलोकन करून भविष्यात अफगाणिस्तानावरुन येणाऱ्या बेदाण्यावर निर्बंध लादावेत.
- सुशील हडदरे, 
बेदाणा व्यापारी, सांगली


इतर अॅग्रोमनी
भारतात होणारी सोयापेंड निर्यात...पुणे : भारत सरकारने जणुकीय सुधारित सोयापेंड...
बेदाण्याला उठाव असल्याने दर स्थिरसांगली ः सणांमुळे बेदाण्याला चांगली मागणी आहे....
खरिपात तेलबिया उत्पादनात घट होणारपुणे : खरीप हंगाम २०२१-२२ मध्ये तेलबिया...
साखरनिर्यातीचे १८०० कोटींचे अनुदान मंजूरकोल्हापूर : केंद्राने २०२०-२१ या हंगामात निर्यात...
देशभरात सोयाबीन ५५०० ते ७३००च्या दरम्यानपुणे : सध्या बाजारात येणाऱ्या सोयाबीनपैकी ज्या...
खाद्यतेल आयात शुल्क  कपातीचा ग्राहकांना...पुणे : केंद्र सरकारने देशांतर्गत वाढत्या...
तूर, उडीद आयात कालावधी वाढविल्याचा होईल...पुणे : केंद्र सरकारने तूर आणि उडीद आयातीसाठीचा...
हळद निर्यात ऑगस्टमध्ये ११ टक्क्यांनी...पुणे : देशात निर्यातयोग्य हळदीचा साठा उपलब्ध आहे...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
केंद्राच्या निर्य़ातीनंतर सोयाबीनच्या...पुणे : केंद्र सरकारने खाद्यतेल आयात शुल्कात कपात...
केंद्र सरकारकडून खाद्यतेल आयात शुल्कात...नवी दिल्ली ः देशात खाद्यतेलाच्या वाढत्या किमतीवर...
वाढत्या मागणीने हरभरा दरात सुधारणापुणे : साठेबाज, व्यापारी आणि मिलर्सवर असलेली...
तूर, मूग, उडीद आयातीची प्रक्रिया सुरू;...पुणे : केंद्र सरकारने पंचवार्षिक करार करून...
रब्बीचे हमीभाव जाहीर : गव्हात ४०; हरभरा...नवी दिल्ली : केंद्र सरकारने रबी हंगामासाठी...
उडीद दरात सुधारणेची चिन्हेपुणे ः गेल्या हंगामात देशात उडदाचे उत्पादन कमी...
बेदाणा दरात प्रतिकिलो २५ ते ३० रुपयांची...सांगली : अफगाणिस्तानात तालिबानी राजवट आल्यामुळे...
जालन्यात रेशीम कोषाला उच्चांकी ५१...जालना : जालना कृषी उत्पन्न बाजार समिती अंतर्गत...
साखरेच्या किमान विक्री दरात वाढ करावी...नागपूर : एफआरपीत वाढ झाली असतानाच साखरेच्या...
सोयाबीन दराची पुन्हा दहा हजारी; दर...पुणे ः गेल्या सप्ताहात सोयाबीन दरात मोठी सुधारणा...
कडधान्याचे गणित पावसावरच अवलंबूनमुंबई : देशात यंदा मॅान्सूनची सुरुवात चांगली झाली...