Agriculture news in Marathi, Rajasthan in Pathardi - covering the reputation of the family | Page 2 ||| Agrowon

पाथर्डीत राजळे- ढाकणे परिवाराची प्रतिष्ठा पणाला

टीम अॅग्रोवन
शुक्रवार, 18 ऑक्टोबर 2019

नगर ः नगर जिल्ह्यामधील शेवगाव-पाथर्डी विधानसभा मतदारसंघात विकासापेक्षा जातीय समीकरणासह अन्य मुद्देच प्रभावी आहेत. त्यामुळे विकासाचे मुद्दे येथे काही अंशी बाजूला पडल्याचे पाहायला मिळत आहेत. माजी केंद्रीय मंत्री बबनराव ढाकणे यांचे चिरंजीव प्रताप ढाकणे आणि विद्यमान आमदार मोनिका राजळे यांच्यात लढत होत असून, या वेळी ढाकणे आणि राजळे परिवाराची प्रतिष्ठा येथे पणाला लागली आहे. 

नगर ः नगर जिल्ह्यामधील शेवगाव-पाथर्डी विधानसभा मतदारसंघात विकासापेक्षा जातीय समीकरणासह अन्य मुद्देच प्रभावी आहेत. त्यामुळे विकासाचे मुद्दे येथे काही अंशी बाजूला पडल्याचे पाहायला मिळत आहेत. माजी केंद्रीय मंत्री बबनराव ढाकणे यांचे चिरंजीव प्रताप ढाकणे आणि विद्यमान आमदार मोनिका राजळे यांच्यात लढत होत असून, या वेळी ढाकणे आणि राजळे परिवाराची प्रतिष्ठा येथे पणाला लागली आहे. 

मराठवाड्यातील बीड, औरंगाबाद जिल्ह्यांना लागून असलेल्या शेवगाव- पाथर्डी विधानसभा मतदारसंघावर दिवंगत ज्येष्ठ नेते गोपीनाथ मुंडे यांचे कायम वर्चस्व राहिलेले आहे. मुंडे यांच्या प्रभावामुळेच ऊसतोड कामगारांचे नेते दगडू पाटील बडे यांना विधानसभेत जाण्याची संधी मिळाली होती. आताही मंत्री पंकजा मुंडे यांचा या मतदारसंघावर मोठा प्रभाव आहे. पंकजा पालवे येथूनच विधानसभेची निवडणूक लढवणार, अशी कित्येक दिवस चर्चा होती. 

माजी केंद्रीय मंत्री बबनराव ढाकणे यांनी अनेक वर्षे तसेच आमदार मोनिका राजळे यांचे सासरे अप्पासाहेब राजळे, पती राजीव राजळे यांनीही प्रतिनिधित्व केले. राजीव राजळे यांचा तर उत्कृष्ट संसदपटू म्हणूनही गौरव झाला होता. मागील निवडणुकीत उमेदवारी मिळवून अचानक रिंगणात आलेल्या मोनिका राजळे ही मोठ्या मताने निवडून आल्या. आता राजीव राजळे यांच्या निधनानंतर त्यांची पहिलीच निवडणूक आहे. 

या वेळी मात्र राजळे यांना उमेदवारी देण्याला विरोध झाला. गेल्या काही दिवसांपासून या मतदारसंघात विकासापेक्षा जातीय समीकरणाचा मुद्दा पुढे आला आणि आता निवडणुकीतही तोच मुद्दा चर्चिला जात असल्याचे दिसत असल्याचे पाहायला मिळत आहे. मागील निवडणुकीत माजी आमदार चंद्रशेखर घुले रिंगणात होते. त्या वेळी त्याचा पराभव झाला. या वेळी घुले यांनी प्रताप ढाकणे यांना उमेदवारी देऊ केली. ढाकणे यांना याआधीही या मतदारसंघातून पराभव पत्करावा लागला होता.

 ‘‘विकासापेक्षा काही लोक जातीयवाद पेरत असल्याचा जाहीर आरोप करताना पाच वर्षांत केलेल्‍या कामावर जिंकणार,’’ असा दावा मोनिका राजळे यांनी केला आहे. मतदानाला चार दिवसांचा अवधी असल्याने जातीय समीकरणे यशस्वी होतात, की राजळे यांनी पाच वर्षांत केलेले काम आणि सहानुभूती कामी येते याकडे लोकांचे लक्ष लागले आहे. ढाकणे यांनी या वेळी जिंकायचेच असा चंग बांधला असून, त्या अनुषंगाने आखणी केली आहे. त्यामुळे नेत्यांसह राजकीय जाणकारांचेही पाथर्डी- शेवगाव मतदारसंघाकडे लक्ष लागले आहे. 
 


इतर बातम्या
माळशिरस, करमाळ्यात मक्याची ३० हजार...सोलापूर  ः अकलूज कृषी उत्पन्न बाजार समिती...
रत्नागिरी जिल्ह्यात मुसळधार पाऊसरत्नागिरी : जिल्ह्यात वेगवान वाऱ्यासह पडणाऱ्या...
शेतीचे अर्थशास्त्र समजून गट शेतीची कास...वाशीम ः शेती ही गटामार्फत एकत्रित येऊन...
चंद्रपूर कृषी विभाग देणार रानभाज्यांची...गोंडपिपरी, जि. चंद्रपूर ः अळू, काटवल, सूरण, टरोटा...
कोल्हापूर जिल्ह्यात पावसाला सुरुवातकोल्हापूर : जिल्ह्यात सोमवारी सायंकाळपासून...
धान खरेदीत मोठी अनियमिततागोंदिया: जिल्हा मार्केटिंग फेडरेशनच्या माध्यमातून...
मराठवाड्यात खरिपाची ४८ लाख हेक्टरवर...औरंगाबाद: मराठवाड्यात यंदा ऊस वगळता खरिपाच्या...
शेतकरी न्याय प्राधिकरणासाठी हालचालींना...नागपूर : शेतकऱ्यांच्या फसवणुकीला चाप बसावा...
राज्यात बीएस्सी कृषीची प्रवेश प्रक्रिया...अकोला ः यंदा कोरोनामुळे बीएससी कृषी प्रवेश...
कोकण, मध्य महाराष्ट्राला झोडपलेपुणे ः अरबी समुद्र व उत्तर महाराष्ट्राच्या...
टोमॅटो हंगामावर संभ्रमाचे ढगनाशिक: जिल्ह्यात दरवर्षी पश्चिम पट्ट्यात खरीप...
बुलडाणा जिल्ह्यातील १४ हजार शेतकरी मका...बुलडाणा ः जिल्ह्यातील १८ हजार ६८० शेतकऱ्यांनी मका...
दूध दरप्रश्‍नी राज्याचे केंद्र सरकारला...मुंबई: राज्यातील दूध दराचा तिढा सोडवण्यासाठी...
नांदेड, परभणी, हिंगोलीत जून, जुलैमध्ये...नांदेड : नांदेड, परभणी, हिंगोली जिल्ह्यातील ६९...
औरंगाबाद, जालन्यातील दोन मंडळांत...औरंगाबाद : औरंगाबाद व जालना जिल्ह्यातील दोन...
नांदेडमधील आठ केंद्रांत अडीच लाख...नांदेड : जिल्ह्यातील सात केंद्रांवरील शेतकऱ्यांची...
सोयाबीनमध्ये एकात्मिक कीड व्यवस्थापनाचा...अंबड, जि. जालना  ः ‘‘सर्व शेतकऱ्यांनी...
नगर जिल्ह्यात १३२ टक्के पेरणीनगर ः नगर जिल्ह्यात यंदा चांगला पाऊस झाला....
खानदेशात ‘किसान सन्मान’चे अर्ज प्रलंबित...जळगाव  ः खानदेशात सुमारे सव्वालाख शेतकरी...
शेतकऱ्यांची कृषिमंत्र्यांना दोन हजार...जळगाव : केंद्र सरकारच्या हवामानावर आधारित फळ...