माेदी सरकारसाठी पाकपेक्षाही शेतकरी माेठा शत्रू : राजू शेट्टी

शेतकरी सन्मान योजना नसून ही शेतकरी अपमान योजना असल्याचे वक्तव्य त्यांनी केले. मोदींनी अच्छे दिनचे खोटे आश्वासन देत तीन वर्षांपूर्वी फुललेले कमळ आता चुरगाळून टाकण्याची वेळ आली आहे. - राजू शेट्टी, खासदार
राजू शेट्टी
राजू शेट्टी

निफाड, जि. नाशिक : पाकिस्तानात आज टोमॅटो तीनशे रुपयांवर पोचला आहे. अशा परिस्थितीत भारताकडून टोमॅटो आयात करायचे नाही, असा निर्णय त्यांनी घेतला आहे. मात्र, कांद्याचे भाव घसरले की भाजप सरकार पाकिस्तानातून कांदा मागवून शेतकऱ्यांचे भाव पाडते. यावरून पाकिस्तानपेक्षा माेठा शत्रू शेतकरी असल्याची भावना मोदी सरकारची असल्याची टीका खासदार राजू शेट्टी यांनी केली. त्यामुळे संघर्ष करण्याची वेळ आल्याचे आवाहन त्यांनी शेतकऱ्यांना केले.  निफाडमधील कोठुरे येथे स्वाभिमानी शेतकरी संघटनेतर्फे हल्लाबोल सभेचे आयोजन करण्यात आले होते. यावेळी खासदार राजू शेट्टी बोलत होते. व्यासपीठावर प्रदेशाध्यक्ष डॉ. प्रकाश पोपळे, युवा प्रदेशाध्यक्ष हंसराज वडघुले, जिल्हाध्यक्ष गोविंद पगार, रविकांत तुपकर यांच्यासह संघटनेचे पदाधिकारी उपस्थित होते. खासदार शेट्टी म्हणाले, की कर्जमाफीचे किचकट अर्ज शेतकऱ्यांच्या माथी मारून सरकारने शेतकऱ्यांमध्ये असंतोष निर्माण केला. शेतकरी सन्मान योजना नसून ही शेतकरी अपमान योजना असल्याचे वक्तव्य त्यांनी केले. मोदींनी अच्छे दिनचे खोटे आश्वासन देत तीन वर्षांपूर्वी फुललेले कमळ आता चुरगाळून टाकण्याची वेळ आली आहे.  निफाड कारखाना शेतकऱ्यांच्या ताब्यात द्या. आर्थिक मदत करा. पुन्हा हा कारखाना पुनर्जन्म घेईल. ‘मन की बात’मधून मोदी उत्पादन वाढवायला सांगतात. दुसरीकडे शेतीमाल आयात करतात. हा मोदी सरकारचा खोटारडेपणा शेतकऱ्यांसमोर आलाय. मोदींना हलविण्याची ताकद फक्त शेतकऱ्यांमध्ये असल्याचे त्यांनी सांगितले. यावेळी हंसराज वडघुले, गोविंद पगार, रविकांत तुपकर यांनीही सरकारवर कडाडून टीका केली. 

नगरसूलचे शेतकरी कृष्णा डोंगरे यांनी कांद्याला भाव नसल्यामुळे पाच एकर कांदे जाळले होते. त्यानंतरही कुठलीही सुधारणा झालेली नव्हती. त्यांनी गौण खनिज चोरी करण्याची परवानगी मागितली होती. अशा परिस्थितीत भाव नसल्याने वैतागलेल्या शेतकऱ्याने या सभेत अर्धनग्न होत सरकारच्या विरोधात फलकबाजी करत आपला निषेध नोंदवला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com