अवजार घोटाळ्याची चौकशी करा : राजू शेट्टी

राज्यात कृषी अवजारवाटपात मोठा घोटाळा झाला आहे. या प्रकरणाची गंभीर दखल करून चौकशी करून दोषी अधिकाऱ्यांवर तातडीने कारवाई करावी, अशी मागणी राजू शेट्टी यांनी कृषिमंत्री दादा भुसे यांच्याकडे केली आहे.
अवजार घोटाळ्याची चौकशी करा : राजू शेट्टी
अवजार घोटाळ्याची चौकशी करा : राजू शेट्टी

पुणे : राज्यात कृषी अवजारवाटपात मोठा घोटाळा झाला आहे. या प्रकरणाची गंभीर दखल करून चौकशी करून दोषी अधिकाऱ्यांवर तातडीने कारवाई करावी, अशी मागणी स्वाभिमानी शेतकरी संघटनेचे नेते राजू शेट्टी यांनी कृषिमंत्री दादा भुसे यांच्याकडे केली आहे.  ‘अॅग्रोवन’ने एका विशेष वृत्तमालिकेतून अवजार वाटपाताली सावळागोंधळ चव्हाट्यावर आणला होता. याबाबत ‘स्वाभिमानी’ राज्य सरकारकडे चौकशीची मागणी केली आहे. “राज्यातील कृषी विभागात सर्वत्र सावळा गोंधळ सुरू आहे. शासनाने विकत घेतलेली सुमारे ८५ हजार अवजारे राज्यातील कृषी अधीक्षकांनी संबंधित शेतकऱ्यांना वाटलेली नाहीत.  या अवजारांमध्ये एचडीपीई पाइप, सिंचन पंप, मळणी यंत्र, स्वयंचलित यंत्र, पॉवर ट्रिलर, ट्रॅक्टरचलित अवजारे आदी अवजारांचा समावेश आहे. मुळात अत्यल्प भूधारक, आदिवासी तसेच मागासवर्गीय व साधारण गटातील शेतकऱ्यांना यांत्रिकीकरणाची मदतीची गरज असते. ही अवजारे त्यांच्यासाठीच मंजूर केलेली होती. त्यासाठी जिल्हानिहाय अनुदानदेखील वाटले गेले आहे. मात्र काही जिल्ह्यात ठेकेदारांनी कृषी विभागाच्या ताब्यात दिलेली अवजारे शेतकऱ्यांना मिळालीच नाहीत,” असे शेट्टी यांनी कृषिमंत्र्यांच्या निदर्शनास दिले.   

“अवजारांमध्ये मोठ्या प्रमाणात बोगस व्यवहार झाले आहेत. शेतकऱ्यांना वाटप न करता अनेक वर्षांपासून अवजारे गंजत ठेवण्यात आली. ही बाब निश्‍चितच धक्कादायक आहे. संबंधित अधिकाऱ्यांमध्ये कोणताही ताळमेळ नाही. क्षेत्रीय अधिकाऱ्यांच्या मनमानी कारभारामुळे कृषी विभागात सावळागोंधळ व बोगसगिरी उघड झालेली आहे. ही अवजारे शेतकऱ्यांसाठी होती, की अधिकारी तसेच ठेकेदारांनी पोसण्यासाठी होती, असा प्रश्‍न निर्माण झाला आहे,” अशा शब्दांत शेट्टी यांनी टीकास्त्र सोडले आहे.  प्रतिमा मलिन होतेय “बोगस बिले घेऊन अनुदान लाटल्याचे धक्कादायक प्रकार अनेक जिल्ह्यांत घडलेले आहेत. काही ठिकाणी अवजारे चोरीस गेल्याचे अहवालात नमूद केले आहे. या बाबी धक्कादायक असून राज्य शासनाची प्रतिमा मलिन होताना दिसत आहे. सदर प्रकरणाकडे आपण गांभीर्याने लक्ष घालून या प्रकरणाची सखोल तपासणी करून दोषी व्यक्तींवर कडक कारवाई केली जावी. अवजारे वाटपामध्ये पारदर्शकता आणावी,”अशी मागणी शेट्टी यांनी केली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com