पूरग्रस्तांसह अतिवृष्टीत पिके गेलेल्यांना सरसकट कर्जमाफी द्या : राजू शेट्टी

संग्रहित छायाचित्र
संग्रहित छायाचित्र

कोल्हापूर   : पूरग्रस्तांसह अतिवृष्टीत पीक गेलेल्या शेतकऱ्यांना सरसकट कर्जमाफी द्यावी; अन्यथा बुधवारी (ता. २८) स्वाभिमानी शेतकरी संघटनेतर्फे जिल्हाधिकारी कार्यालयावर धडक मोर्चा काढणार असल्याची माहिती माजी खासदार राजू शेट्टी यांनी दिली.

कोल्हापुरात मंगळवारी (ता.२०) आयोजित पत्रकार परिषदेत श्री. शेट्टी बोलत होते. ते म्हणाले, की वीजपंपांची बिले माफ करावीत. कर्जमाफीचे परिपत्रक तत्काळ काढावे, महाराष्ट्र व कर्नाटकातील कृष्णा नदी व उपनद्यांच्या जलाशयाच्या विसर्गाचे नियमन केंद्रीय जल आयोगामार्फत करावे याबरोबरच कोल्हापूर-सांगली जिल्ह्याला २५०० हजार कोटी रुपयांचे पॅकेज देऊन राष्ट्रीय आपत्ती जाहीर करावी, अशी आमच्या मागण्या आहेत.

श्री. शेट्टी म्हणाले, की कोल्हापूर जिल्ह्यातील ७५ हजार हेक्‍टरवरील ऊस कुजला आहे. याची नुकसानभरपाई म्हणून शासनाने पूरग्रस्त शेतकऱ्यांना कर्जमाफी जाहीर केली आहे. मात्र, दोन वर्षांपूर्वी जाहीर केलेल्या कर्जमाफीची रक्कम अद्यापही शेतकऱ्यांच्या खात्यावर जमा झालेली नाही. शासनाच्या भूलथापांना आता बळी पडणार नाही. वास्तविक इतक्‍या मोठ्या प्रमाणात पाऊस झाला असताना शासन, प्रशासनाला काहीही समजले नाही, हे दुदैवी आहे. १ ऑगस्टला धरणे रिकामी केली असती तर पुराची परिस्थिती ओढवली नसती. या महापुराला प्रशासन जबाबदार आहे. या वेळी प्रा. जालंदर पाटील, भगवान काटे, सावकार मादनाईक आदी उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com