agriculture news in marathi, raju shetty gives ultimatum to government for frp, sangli, maharashtra | Agrowon

एफआरपी तुकड्यात घेणार नाही : खासदार राजू शेट्टी
टीम अॅग्रोवन
बुधवार, 23 जानेवारी 2019

राज्य शासनाने गायीच्या दुधाला अनुदान देण्याची घोषणा केली. मात्र, गेल्या तीन महिन्यांपासून दुधाचे अनुदान मिळालेच नाही. हे सरकार केवळ घोषणबाजी करणारे सरकार आहे.
- राजू शेट्टी, खासदार

सांगली : राज्यातील साखर कारखाने सुरू होऊन ८० दिवस झाले, तरीही साखर कारखान्यांनी एक रकमी एफआरपी अद्यापही दिलेली नाही. कारखान्यांनी एफआरपीचे तुकडे केले आहेत. एफआरपी तुकड्यात घेतली जाणार नाही. एकरकमी एफआरपीसाठी सोमवारी (ता. २८) पुणे येथील साखर आयुक्त कार्यालयावर हल्लाबोल मोर्चा काढणार आहे. तिथे आम्हाला अडवतील, तिथूनच आंदोलन करू, आंदोलन दडपण्याचा प्रयत्न केला तर २०१३ सारखा उद्रेक होईल, असा इशारा स्वाभिमानी शेतकरी संघटनेचे खासदार राजू शेट्टी यांनी दिला.

सांगली येथे मंगळवारी (ता. २२) आयोजित पत्रकार परिषदेत खासदार शेट्टी बोलत होते. ते म्हणाले, की उसाला एकरकमी एफआरपी मिळावी, यासाठी गेले पंधरा दिवसांपासून आंदोलन करीत आहोत. राज्यातील साखर कारखान्यांनी ५ हजार ५०० कोटींची एफआरपी थकवलेली आहे. उत्तर प्रदेशात ९ हजार कोटींची थकबाकी आहे. अशीच स्थिती देशातील आहे. एफआरपीबाबत केंद्र सरकारने धोरणात्मक निर्णय घेणे अपेक्षित होते. पण तसा धोरणात्मक निर्णय शासनाने घेतलेला नाही. पंतप्रधान नरेंद्र मोदी यांनी महाराष्ट्र आणि गोवा राज्यांतील कार्यकर्त्यांशी संवाद साधला. त्या वेळी धोरणात्मक निर्णयामुळे ९९ टक्के शेतकऱ्यांना संपूर्ण एफआरपी दिली आहे, असे त्यांनी सांगितले. त्यामुळे खोटं बोला पण रेटून बोला अशी स्थिती पंतप्रधानांची आहे.

ते पुढे म्हणाले, की उत्तरप्रदेशमधील २०१७-१८ मधील साखर कारखान्यांची दोन हजार कोटींची थकबाकी होती, त्या वेळी साखर कारखान्यांच्या दोन कार्यकारी संचालकांना नोटीस देऊन अटक केली होती. मात्र, राज्यात सहकारमंत्रीच थकबाकीदार आहेत. त्यांच्यावर कारवाई कोण करणार असा प्रश्न या वेळी त्यांनी उपस्थित केला. आमचा केंद्र, राज्य आणि साखर कारखान्यांवर विश्वास राहिलेला नाही. राज्यात सुमारे १८० साखर कारखाने सुरू आहेत. त्यापैकी ११ साखर कारखान्यांनी एकरकमी एफआरपी दिली आहे. उर्वरित साखर कारखान्यांनी अद्यापही एकरकमी एफआरपी दिलेली नाही, त्यामुळे आम्ही पुण्यात राज्यातील शेतकऱ्यांना एकत्र बरोबर घेऊन हल्लाबोल मोर्चा काढणार आहे. ही आरपारची लढाई आहे.
 

इतर अॅग्रो विशेष
राज्य बॅंकेच्या दारात जिल्हा बॅंकांचे...सोलापूर : राज्यात १९७२ ची आठवण करून देणारा भयावह...
विदर्भ, उत्तर महाराष्ट्रात तुरळक ठिकाणी...पुणे  : कमी दाबाच्या क्षेत्रामुळे मध्य...
पूर संकटाचा नव्याने अभ्यास पुणे  : कृष्णा व भीमा खोऱ्यात यंदा आलेल्या...
शेतजमीन मोजणीचा गोंधळ सुरूचपुणे : ड्रोनच्या माध्यमातून गावांचे डिजिटल नकाशे...
तंत्रज्ञानाच्या अतिरेकी वापराने शेतकरी...नागपूर ः ‘संकरित बियाण्यांचा करा पेरा, लक्ष्मी...
जलसमस्येच्या आढाव्यासाठी औरंगाबादेत...औरंगाबाद  : मराठवाडा आणि संपूर्ण...
कृषिसेवक भरती प्रक्रियेवरील बंदी...अकोला ः कृषी खात्याने १४१६ जागांसाठी राबवलेल्या...
यंदा ५० साखर कारखाने बंद राहण्याची...पुणे ः राज्यातील उसाचे क्षेत्र आधीच्या...
पन्नास लाख शेतकऱ्यांच्या खात्यात २४...मुंबई : शेतकऱ्यांना दुष्काळाच्या चक्रातून बाहेर...
कोकण, मध्य महाराष्ट्र, विदर्भात तुरळक...पुणे  : ओडिशाच्या किनाऱ्यालगत तयार झालेल्या...
झाडांच्या गोलाईच्या आकारानुसार...पुणे: दुष्काळावर मात करण्यासाठी शेतातील आणि...
राज्य बँक घोटाळाप्रकरणी दोषींवर कारवाई...जळगाव  ः महाराष्ट्र राज्य सहकारी बँक...
पीकविमा योजनेतील झारीतील ...मुंबई : शेतकऱ्यांसाठीच्या पीकविमा योजनेवरून...
मध्य प्रदेश भावांतर योजना बंद करणारनवी दिल्ली : शेतीमालाचे दर कमी झाल्यानंतर...
वाशीम बाजारपेठेत डंका मापारी यांच्या...वाशीम जिल्ह्यातील सोमठाणा येथील विश्वनाथ मापारी...
बोगस खतप्रकरणी ‘लोकमंगल’वर गुन्हापुणे : राज्याचे सहकारमंत्री सुभाष देशमुख यांना...
कोकण, विदर्भात पावसाची शक्यतापुणे : तापमानात झालेली वाढ आणि ढगाळ हवामान...
डाळी, प्रक्रिया उद्योगातील ‘यशस्विनी’...बोरामणी (ता. दक्षिण सोलापूर) परिसरातील तब्बल ८८५...