‘स्वाभिमानी’ ४९ जागा लढविण्याची तयारी : राजू शेट्टी

पुणे: विधानसभेच्या निवडणुका आम्ही महाआघाडीबरोबर लढण्यास इच्छुक आहोत. त्याची चर्चा पुढील महिन्यात होईल. मात्र, काहीही झाले तरी ४९ जागा लढविण्याची तयारी आम्ही केली आहे, असे स्वाभिमानी शेतकरी संघटनेचे अध्यक्ष, माजी खासदार राजू शेट्टी यांनी स्पष्ट केले. स्वाभिमानी शेतकरी संघटनेच्या दोन दिवसीय राज्य कार्यकारिणीच्या बैठकीनंतर बुधवारी (ता. ३) पत्रकारांशी ते बोलत होते. स्वाभिमानी पक्षाचे प्रदेशाध्यक्ष रविकांत तुपकर, संघटनेचे प्रदेशाध्यक्ष डॉ. प्रकाश पोपळे, प्रवक्ते अनिल पवार या वेळी उपस्थित होते. या वेळी श्री. शेट्टी म्हणाले, की मी स्वतः निवडणूक लढविणार नाही. आम्ही पुढील महिन्यात अंतिम यादी जाहीर करू. भाजप-शिवसेना सोडून इतरांशी चर्चा केली जाईल.एचटीबीटी बियाणे आणणाऱ्या यंत्रणेवर आधी गुन्हे दाखल करा. शेतकऱ्यांवर परस्पर कारवाई नको. अन्यथा आंदोलन करू, असे सांगून श्री. शेट्टी म्हणाले, की ‘स्वाभिमानी’ कार्यकारिणीतील सर्व ठरावांना एकमताने मंजुरी देण्यात आली. शासनाने कर्जमाफी व वीजबिलमाफी हे दोन्ही निर्णय त्वरित घ्यावेत.  ‘शेतकरीवर्गाचा भ्रमनिरास करू नका’ हातकणंगले लोकसभा मतदारसंघामध्ये पडल्याने फार काहीही झालेले नाही. तुम्ही ते मनातून काढून टाका आणि कामाला लागा. शेतकरीवर्गाचा भ्रमनिरास होईल असे वागू नका. आपली ही संघटना आपले मोठे घर आहे. भांड्याला भांडे लागून आवाज होतोच; पण आवाज इतका मोठा नको, की घराची शांतता भंग होईल, असा आदेश श्री. शेट्टी यांनी कार्यकारिणीच्या बैठकीत दिला. मंजूर झालेले महत्त्वाचे ठराव असे