संपूर्ण पीक कर्ज माफ करून पीकविमा सक्षम करावा : राजू शेट्टी

द्राक्ष बागांची पाहणी करताना माजी खासदार राजू शेट्टी
द्राक्ष बागांची पाहणी करताना माजी खासदार राजू शेट्टी

नाशिक  : ‘नाशिक जिल्ह्यातील द्राक्ष उत्पादकांचे पावसाने मोठ्या प्रमाणात नुकसान झाले असून सरकारने तातडीने संपूर्ण पीक कर्ज माफ करून पीकविमा सक्षम करावा’, अशी मागणी स्वाभिमानी शेतकरी संघटनेचे संस्थापक राजू शेट्टी यांनी केली. 

माजी खासदार राजू शेट्टी यांनी सोमवारी (ता.११) नाशिक जिल्ह्यातील सिन्नर, नाशिक, निफाड, दिंडोरी, कळवण, सटाणा तालुक्यांतील द्राक्ष बागांना भेटी देऊन द्राक्ष बागायतदार शेतकऱ्यांशी संवाद साधला. 

या वेळी राजू शेट्टी म्हणाले की, ‘‘शासन शेतकऱ्यांना तुटपुंजी मदत करत अहे. शेतकरी संपूर्ण उदध्वस्त झाल्यामुळे त्यांची संपूर्ण पीक कर्जमाफी करावी. ज्या शेतकऱ्यांवर कर्ज नसेल अशा शेतकऱ्यांना नुकसानभरपाई म्हणून एनडीआरफच्या तिप्पट मदत देण्यात यावी. अशी त्यांनी भूमिका मांडली. दौऱ्यामध्ये द्राक्ष पिकाचा विमा सक्षम करावा त्यामधील जाचक अटी शिथिल कराव्यात व नैसर्गिक आपत्ती, रोगराईला पर्याय म्हणून द्राक्षांच्या नवीन वाणांना मान्यता देऊन त्या वाणांची परिसरातील शेतकऱ्यांना देण्यात याव्यात, अशा मागण्या शेतकऱ्यांनी केल्या. परिसरातील द्राक्ष उत्पादक शेतकरी हवालदिल झालेला असून त्यांच्या डोक्यावर कर्जाचा डोंगर आहे. पुढील पीक कसे घ्यायचे ? या चिंतेने शेतकरी आत्महत्येस प्रवृत्त होत आहेत. याबद्दल वेळीच विचार करावा,’’ असे त्यांनी सांगितले.

दरम्यान, दिंडोरी तालुक्यातील चिंचखेड येथील देवराम पाटील यांनी आत्महत्या केली आहे. त्यांच्या कुटुंबास भेट देऊन शेट्टी यांनी त्या कुटुंबाचे सांत्वन केले.

अजून आमची काही मागणी नाही ! आम्ही पुरोगामी आघाडीत आहोत. भारतीय जनता पक्षाला आमचा विरोध आहे. पण ज्या काही नव्या घडामोडी होत आहेत. याबाबत अजून काही माहिती नाही. मी दौऱ्यात आहे. आमच्याशी कुणी संपर्क साधलेला नाही. नवीन आघाडी तयार झाली की काँग्रेस, राष्ट्रवादी, शिवसेनेची आघाडी झाली. याबाबत काहीच माहिती नाही. त्यामुळे अजून तरी काही मागणीचा प्रश्न येत नाही, अशी माहिती माजी खासदार राजू शेट्टी यांनी संपर्क साधल्यानंतर त्यांनी सकाळ - ॲग्रोवनशी बोलताना दिली. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com