Agriculture news in marathi; range growers eyes in Nagpur district seek help | Page 2 ||| Agrowon

नागपूर जिल्ह्यातील संत्रा उत्पादकांचे डोळे लागले मदतीकडे
टीम अॅग्रोवन
बुधवार, 9 ऑक्टोबर 2019

नागपूर  ः जिल्ह्यातील नरखेड व काटोल तालुक्‍यातील अतिउष्ण तापमानामुळे वाळलेल्या संत्रा व मोसंबी झाडांचे अनुदान मिळावे, ही मागणी शेतकरी मागील चार महिन्यांपासून करीत आहेत. मात्र, निवडणूक लागल्यावरही काहीच निर्णय न झाल्याने शेतकऱ्यांचा हिरमोड झाला आहे.

नागपूर  ः जिल्ह्यातील नरखेड व काटोल तालुक्‍यातील अतिउष्ण तापमानामुळे वाळलेल्या संत्रा व मोसंबी झाडांचे अनुदान मिळावे, ही मागणी शेतकरी मागील चार महिन्यांपासून करीत आहेत. मात्र, निवडणूक लागल्यावरही काहीच निर्णय न झाल्याने शेतकऱ्यांचा हिरमोड झाला आहे.

मार्च ते जुलैअखेरपर्यंत उष्णतेचा पारा ४८ अंशावर गेला होता. नरखेड व काटोल तालुक्‍यातील पाण्याची पातळी बाराशे फूट खोलवर गेली. विहीर, बोर, सिंचन, प्रकल्पाने तळ गाठला असतानाच या दोन तालुक्‍यांतील शेतकऱ्यांची संत्रा व मोसंबीची झाडे वाळली. झाडे जगविण्यासाठी प्रयत्न केले. मात्र, हाती काहीच शिल्लक राहिले नाही. पैसा व झाडे दोन्ही गेले. कृषी विभागाच्या नजर अंदाज अहवालानुसार नरखेड तालुक्‍यात १० हजार १४० हेक्‍टरमध्ये संत्र्याची झाडे आहेत. यापैकी ३ हजार ९३७.५ हेक्‍टरमधील झाडे वाळलेली आहेत. त्यात ६ हजार २०० शेतकऱ्यांचे नुकसान झाले. मोसंबीच्या २ हजार ५३४ हेक्‍टरमधील झाडांपैकी ८४०.२ हेक्‍टरमधील वाळलेली असून, यात ७५४ शेतकऱ्यांचे नुकसान झाले. आंबा पिकांची ५ हेक्‍टरमधील झाडांपैकी ३ हेक्‍टरमधील झाडे वाळली असून, पाच शेतकऱ्यांचे नुकसान झाले. तसेच, २५ हेक्‍टरमधील लिंबूच्या बागांपैकी दहा हेक्‍टरमधील झाडे वाळली. यात १२ शेतकऱ्यांचे नुकसान झाले आहे.

नरखेड तालुक्‍यात १२ हजार ७०४ हेक्‍टरमध्ये फळपिकांची झाडे असून, ४ हजार ७९०.७ हेक्‍टरमधील फळपिकांची झाडे वाळल्याने सहा हजार ७९१ हेक्‍टरमधील बागायतदारांचे नुकसान झाले आहे. कृषी विभागाने काहीच फळपिकांच्या झाडांचे पंचनामे केले आहेत. हजारो झाडे मृतावस्थेत शेतात उभी आहेत, तर काहींनी काढून टाकली आहे. यामुळे त्यांच्या झाडांचा पंचनामा झाला नसल्याचा आरोप शेतकरी करीत आहेत. दुसरीकडे महसूल विभाग, पंचायत समिती व कृषी विभागाने सर्वेक्षण करून अहवाल तयार केला असून, त्यानुसार ३७.७ टक्‍के फळपिकांची झाडे या उन्हाळ्यात वाळली आहेत व यात ६ हजार ७९१ शेतकऱ्यांचे नुकसान झाल्याची माहिती आहे.
 

एप्रिल ते मे महिन्यात अतिउष्ण तामानामुळे संत्रा, मोसंबी बागांचे नुकसान झाले होते. त्या बागांचे सर्वेक्षण करून तसा अहवाल शासनाला पाठविण्यात आला होता. महसूल, कृषी विभागाकडून हे सर्वेक्षण करण्यात आले आहे.
- मिलिंद शेंडे,  जिल्हा अधीक्षक कृषी अधिकारी, नागपूर

माझ्याकडे विहीर हा एकमेव पाण्याचा स्रोत होता. जाम प्रकल्पाचे पाणीदेखील मिळाले नाही. त्यामुळे अडचणीत वाढ झाली. परिणामी, ७०० झाडे जळाली होती. ही संपूर्ण बागेतील झाडे काढून टाकावी लागली. नव्याने ९०० संत्रारोपांची लागवड केली होती. त्यामुळे ती वाचविण्याकरिता पाण्याचे नियोजन करणे गरजेचे होते. ठिबकच्या माध्यमातून कशीबशी ही बाग वाचविली. परंतु, जळालेल्या बागेपोटी शासनाकडून अद्यापही मदत मिळाली नाही. शासनाने ती दिल्यास संत्रा बागायतदारांना दिलासा मिळेल.
-  अशोक खराडे, फेटरी, ता. काटोल, जि. नागपूर

इतर ताज्या घडामोडी
नांदेड, परभणी, हिंगोली जिल्ह्यांत...नांदेड  : विधानसभा निवडणुकीसाठी नांदेड,...
मनमाड बाजार समितीमध्ये नवीन मका विक्री...नाशिक : नांदगाव तालुक्यात मका काढणीला सुरवात झाली...
खरीप मळण्यांना पावसाचा फटकाकोल्हापूर : गेल्या काही दिवसांपासून जिल्ह्यात...
शेतकरीकन्या मंजूषा पगारची भारतीय बेसबॉल...नाशिक : मालेगाव तालुक्यातील विराणे येथील शेतकरी...
खानदेशात ज्वारीची दिवाळीपूर्वी कापणी...जळगाव ः शासनाकडून भरडधान्य म्हणजेच ज्वारी, मका...
व्यापाऱ्यांकडून मुगाची कमी भावाने खरेदीनांदुरा, जि. बुलडाणा : पावसाने उघडीप दिल्याने...
‘पंदेकृवि’मध्ये जागतिक कापूस दिन साजराअकोला ः डॉ. पंजाबराव देशमुख कृषी विद्यापीठात...
को-मार्केटिंगची पायाभरणी करणारा माजी...पुणे : "राज्यातील शेतकऱ्यांना को-मार्केटिंगच्या...
ग्रामपंचायत केंद्रचालकांचे मानधन...पुणे : राज्यातील हजारो ग्रामपंचायतींमधील...
मूल्यवर्धनासह पीकनिहाय गुंतवणुकीची गरज...ग्रामीण अर्थव्यवस्था कृषी क्षेत्रावर अवलंबून आहे...
ग्रामीण भागातील सांडपाण्याचे व्यवस्थापन शहर वा गाव कोणतंही असो, सांडपाणी व्यवस्थापनाचे...
कोकण, पश्‍चिम महाराष्ट्रात पावसाची शक्‍...महाराष्ट्राच्या पश्‍चिम किनारपट्टीवरील हवेचा दाब...
बार्शीटाकळी तहसील कार्यालयात पीकविमा...अकोला  ः खरीप हंगामात राबविल्या जात असलेल्या...
ताप, अंगदुखीवर चुंच उपयुक्त स्थानिक नाव      चुंच,...
गुलाबी बोंड अळीच्या नियंत्रणासाठी ...सध्या कापूस पीक हे फुलोरा ते बोंडे लागण्याच्या...
खानदेशात उडदाचे एकरी एक क्विंटलपर्यंत...जळगाव ः खानदेशातील शेतकऱ्यांसाठी उडदाचे पीक यंदा...
समुद्रात जाणारे पाणी वळवून वाद मिटवणारः...नगर : नगर-नाशिक जिल्ह्यामध्ये पाण्यासाठी...
वाया जाणाऱ्या उष्णतेपासून विद्युत ऊर्जा...कारचा एक्झॉस्ट पाइप, औद्योगिक प्रक्रियामध्ये...
पुणे जिल्ह्यात वादळी पावसाचा दणका सुरूचपुणे : पुणे जिल्ह्याच्या विविध भागांत...
नाशिक जिल्ह्यातील वागदर्डी धरण चार...नाशिक : मागील महिन्यापासून होत असलेल्या पावसामुळे...