agriculture news in Marathi rapeseed rate over MSP Maharashtra | Page 3 ||| Agrowon

मोहरीला दराचा ‘तडका’ 

टीम अॅग्रोवन
गुरुवार, 18 मार्च 2021

राजस्थानमध्ये मोहरीच्या दराने हमीभावाचा टप्पा ओलांडला. राजस्थानमधील मोहरीच्या प्रमुख बाजारपेठा असलेल्या अलवर, बारण, आणि टोंक बाजारात सरासरी दर ५००० ते ५३०० रुपये दर मिळाले.

पुणे ः राजस्थानमध्ये मोहरीच्या दराने हमीभावाचा टप्पा ओलांडला. राजस्थानमधील मोहरीच्या प्रमुख बाजारपेठा असलेल्या अलवर, बारण, आणि टोंक बाजारात सरासरी दर ५००० ते ५३०० रुपये दर मिळाले. मोहरीला यंदा ४६५० रुपये हमीभाव जाहीर करण्यात आला आहे. आवक वाढत असतानाही मोहरीला यंदा हमीभावापेक्षा अधिक दर मिळत आहे. 

राजस्थानमधील बाजारांत मोहरीची आवक वाढत आहे. सोमवारपासून बाजारांतील आवक १००० टनांच्या वर राहिली आहे. सध्या जागतिक पातळीवर खाद्यतेल आणि तेलबियांना चांगला दर मिळतोय. त्यामुळे ऐन आवक वाढल्याच्या काळातही मोहरीला आधार मिळत असल्याचे पाहायला मिळते आहे. यंदा मोहरीच्या उत्पादनात वाढ होण्याचा अंदाज वर्तविला जातोय. तर सोंगणीचा हंगाम आता सुरू झालाय. असे असले तरी खाद्यतेलातील तेजीमुळे मोहरीचे दर टिकून आहेत. 

‘‘यंदा लागवड क्षेत्र वाढले आहे. तसेच वाढीव उत्पादकतेमुळे मोहरीचे पिकही मोठे राहील,’’ असे सॉल्व्हंट एक्स्ट्रॅक्टर्स असोसिएशन ऑफ इंडियाचे व्यवस्थापकीय संचालक भारत मेहता यांनी सांगितले. ‘‘यंदा चांगल्या पावसामुळे जमिनीत ओलावा टिकून राहिला. तसेच उत्पादक राज्यांमध्ये हवामानही पोषक होते. त्यामुळे उत्पादन वाढीच्या सरकारी आणि खासगी अंदाजात फरक असला गेल्या वर्षीच्या तुलनेत १५ टक्के वाढ होणार हे मात्र निश्‍चित आहे,’’ असेही मेहता म्हणाले. 

दरात सुधारणा 
देशातील मोहरीची प्रमुख बाजारपेठ असलेल्या जयपूरमध्येही चांगल्या दर्जाच्या मोहरीला ५८७२ रुपयांचा कमाल भाव मिळाला आहे. तर इतर बाजार समित्यांमध्ये ५००० ते ५३०० रुपये दर मिळत आहेत. त्यामुळे देशातील मोहरीच्या सर्व बाजारपेठांमध्ये किमान आधारभूत किमतीपेक्षा १००० ते १२०० रुपये जास्त भाव मिळत असल्याचे चित्र आहे. 

व्यापाऱ्यांचा उत्पादनात घटीचा अंदाज 
केंद्रीय कृषी मंत्रालयाने जाहीर केलेल्या उत्पादनाच्या दुसऱ्या आगाऊ अंदाजांनुसार देशात मोहरीचे १ कोटी ४ लाख ३० हजार टन उत्पादन होण्याची शक्यता आहे. तर व्यापारी सूत्रांच्या अंदाजानुसार देशात ८५ ते ९० लाख टन उत्पादन होऊ शकते. राजस्थान हे मोहरीचे सर्वांत मोठे उत्पादक राज्य आहे. मोहरीच्या मोठ्या उत्पादक राज्यांमध्ये समावेश असलेल्या मध्य प्रदेश आणि गुजरातमध्ये आवकेला सुरुवात झाली आहे. पुढील महिन्याच्या सुरुवातीला मोठी आवक सुरू होईल, तेव्हा किमतीत काही प्रमाणात घट येण्याची शक्यता नाकारता येत नाही. 

प्रतिक्रिया
मोहरीच्या दरांवर सहसा होळीनंतर दबाव येत असतो. यंदा होळीच लांबणीवर पडली आहे. मोहरीच्या तेलाचा एक ठरलेला ग्राहक वर्ग आहे. त्यात एकूणच खाद्यतेलाला चांगला दर मिळत असल्याने दरांना आधार कायम आहे. परंतु पुढील महिन्यात दर काही प्रमाणात दबावात येऊ शकतात. 
- भारत मेहता, व्यवस्थापकीय संचालक, सॉल्व्हंट एक्स्ट्रॅक्टर्स असोसिएशन ऑफ इंडिया 


इतर अॅग्रोमनी
सोयाबीन दराची पुन्हा दहा हजारी; दर...पुणे ः गेल्या सप्ताहात सोयाबीन दरात मोठी सुधारणा...
कडधान्याचे गणित पावसावरच अवलंबूनमुंबई : देशात यंदा मॅान्सूनची सुरुवात चांगली झाली...
साखरदराचा वारू चौखूर उधळला; ३५०० चा...कोल्हापूर : गेल्या पंधरा दिवसांपासून स्थानिक...
पंढरपुरात बेदाण्यास सर्वाधिक ३०५ रुपये...सोलापूर : पंढरपूर कृषी उत्पन्न बाजार समितीमध्ये...
सोयापेंड आयात थांबवा : राज्य सरकारचे...पुणे : जनुकीय परावर्तित (जीएम) सोयाबीनपेंडच्या...
साखर दराला झळाळी; दोन वर्षांतील...कोल्हापूर : साखरेच्या आंतरराष्ट्रीय बाजारात...
ब्राझीलला दणका; भारतीय साखर उद्योगास...जगात घडणाऱ्या प्रत्येक छोट्या-मोठ्या घटनांमुळे...
ग्लोबल एक्सलन्स ॲवॉर्डने अनिल जैन यांचा...जळगाव : पाणी क्षेत्रातील उत्तम कामगिरीबद्दल ‘...
साखरच्या दरात २०० रुपयांनी वाढकोल्हापूर : आंतरराष्ट्रीय बाजारात साखरेचे दर वाढत...
कच्ची साखरनिर्यात यंदा फायदेशीर कोल्हापूर ः येत्या साखर हंगामात आंतरराष्ट्रीय...
उत्पादक कंपनीच्या संचालक मंडळाचे कार्यप्रत्येक ‘एफपीओ’चे संचालक मंडळ पाचपेक्षा कमी...
राज्यात हंगामावर यंदा जादा साखरेचे ओझेकोल्हापूर : यंदाच्या हंगामापूर्वी देशात गेल्या...
भारतीय साखरेला थायलंडचे आव्हानकोल्हापूर : येत्या हंगामात साखरनिर्यातीसाठी...
जागतिक बाजारात साखर दरात घटकोल्हापूर : जगातील सर्वांत जास्त साखर उत्पादन...
मध्य प्रदेशात सोयाबीनचे क्षेत्र कमी...नागपूर : मध्य प्रदेशात पिवळं सोनं म्हणून ओळखल्या...
देशात सव्वादोन लाख हेक्टरवर हळद लागवडसांगली ः यंदा देशात हळदीची लागवड अंतिम टप्प्यात...
शेतकरी कंपन्यांसाठी अर्थसंकल्पाची गरजशेतकरी कंपनी सुरू करण्यापूर्वी जसे व्यवसायाची...
सोयाबीन लागवड क्षेत्रात दहा टक्के...नागपूर : देशात सोयाबीन लागवड क्षेत्र आणि...
मोहरीतील तेजीची कारणे  वेगळीच ः विजय...नागपूर : बाजारात हमीभावापेक्षा मोहरीला जास्त दर...
प्रक्रियायुक्‍त खाद्यपदार्थांच्या...नवी दिल्ली : कोरोनाकाळात सर्वच क्षेत्रांना मोठ्या...