सागंली जिल्ह्यातील पाणीसाठ्यात झपाट्याने घट

वाढती उष्णता आणि शेतीसाठी लागणाऱ्या पाण्यामुळे जिल्ह्यातील पाटबंधारे विभागाकडील मध्यम व लघू प्रकल्पांतील पाणीसाठा झपाट्याने कमी होताना दिसत आहे.
Rapid decline in water supply in Saganli district
Rapid decline in water supply in Saganli district

सांगली : गेल्या वर्षी चांगले पाऊसमान झाल्याने जिल्ह्यातील सर्व जलसाठे समाधानकारक भरले. त्यामुळे आतापर्यंत पाणीटंचाई भासली नाही. मात्र वाढती उष्णता आणि शेतीसाठी लागणाऱ्या पाण्यामुळे जिल्ह्यातील पाटबंधारे विभागाकडील मध्यम व लघू प्रकल्पांतील पाणीसाठा झपाट्याने कमी होताना दिसत आहे. गेल्या वीस दिवसांत १२ टक्क्यांनी पाणीसाठा कमी झाला असून, पाणीटंचाईची चाहूल लागली असल्याने पाणी योजनांची आवर्तने महत्त्वाची ठरणार आहेत.

जिल्ह्याच्या पूर्व भागात मार्च महिन्याच्या सुरुवातीपासूनच पाणीटंचाईसदृश परिस्थिती निर्माण होते. गेल्या वर्षी अपेक्षित झाला. त्यामुळे अनेक ठिकाणेच तलाव पाण्याने फुल्ल झाले होते. त्यातच योजना सुरू करून दुष्काळी पट्ट्यातील तलाव भरून दिले होते. त्यात परतीचा चांगला पाऊस झाला. त्यामुळे काही तलाव भरलेले आहेत, तर काही तलावात पन्नास टक्के पाणीसाठा शिल्लक आहे. जिल्ह्यातील चार तलावांतील पाणीसाठा मृतसंचयाखाली गेला आहे. तर ३२ तलावांमध्ये २५ ते ५० टक्के इतका पाणीसाठा आहे. जत, आटपाडी, खानापूर, कवठेमहांकाळ तालुक्यातील तलावात २५ टक्के जलसाठा आहे.

गेल्या पंधरा दिवसांपासून ताकारी उपसा सिंचन योजनेचे आवर्तन सुरू आहे. तर म्हैसाळ योजनेचे आवर्तन नुकतेच सुरू झाले आहे. त्यामुळे या दोन्ही लाभ क्षेत्रातील गावांना याचा लाभ मिळणार आहे. परंतु टेंभूच्या पाण्याची प्रतीक्षा असणार आहे.

या वर्षी विशेष म्हणजे दरवर्षी सर्वाधिक टंचाई भासणाऱ्या जत, कवठेमहांकाळ आणि आटपाडी तालुक्यात समाधानकारक जलसाठे आहेत. आटपाडी तालुक्यात ६८ टक्के पाणीसाठा आहेत. तर कवठेमहांकाळ तालुक्यातही ६४ टक्के पाणीसाठा आहे. त्यामुळे दिलासा मिळाला आहे. मात्र जत तालुक्याच्या पूर्व भागात काही प्रमाणात पाणीटंचाई जाणवू लागली असल्याचे चित्र आहे. जत तालुक्यात पंधरा दिवसांपूर्वी ५९ टक्के पाणीसाठा होता. तर अवघ्या पंधरा दिवसांत १४ टक्क्यांनी पाणीसाठा कमी झाला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com