Agriculture news in Marathi Rapid increase in water storage of projects in Marathwada | Page 3 ||| Agrowon

मराठवाड्यातील प्रकल्पांच्या जलसाठ्यात झपाट्याने वाढ

टीम अॅग्रोवन
सोमवार, 26 जुलै 2021

मराठवाड्यातील ८७९ लघू, मध्यम, मोठ्या प्रकल्पांसह बंधाऱ्यांमध्ये अलीकडे झालेल्या पावसामुळे बऱ्यापैकी पाणीसाठा वाढतो आहे. शिवाय कोरड्या प्रकल्पांचीही संख्या घटत असून, सर्व प्रकल्पांमधील उपयुक्‍त पाणीसाठा ४३ टक्‍क्‍यांवर पोहचला आहे. 

औरंगाबाद : मराठवाड्यातील ८७९ लघू, मध्यम, मोठ्या प्रकल्पांसह बंधाऱ्यांमध्ये अलीकडे झालेल्या पावसामुळे बऱ्यापैकी पाणीसाठा वाढतो आहे. शिवाय कोरड्या प्रकल्पांचीही संख्या घटत असून, सर्व प्रकल्पांमधील उपयुक्‍त पाणीसाठा ४३ टक्‍क्‍यांवर पोहचला आहे. 

गत आठवड्याच्या तुलनेत प्रकल्पांमधील उपयुक्‍त पाणीसाठा २३ जुलै अखेरपर्यंत जवळपास ६ टक्‍क्‍यांनी वाढला आहे. मोठ्या ११ प्रकल्पांमध्ये ४९ टक्‍के उपयुक्‍त पाणीसाठा झाला आहे. पावसाचे तेवढे प्रमाण नसल्याने जायकवाडीत अजून आवक सुरू नाही. जायकवाडीत सद्यःस्थितीत ३६ टक्‍के उपयुक्‍त साठा आहे. 

हिंगोलीतील सिद्धेश्‍वर प्रकल्पांत ६९ टक्‍के, नांदेड यवतमाळच्या सीमेवरील ऊर्ध्व पैनगंगा प्रकल्पांत ६३ टक्‍के, येलदरीत ७० टक्‍के, निम्न मनारमध्ये ८२ टक्‍के, विष्णुपुरीत ७५ टक्‍के, निम्न दुधनामध्ये ८३ टक्‍के निम्न तेरणामध्ये ५७ टक्‍के उपयुक्‍त पाणीसाठा झाला आहे. बीड जिल्ह्यातील माजलगाव व मांजरा या दोन मोठ्या प्रकल्पांत अजून अनुक्रमे ३० व २२ टक्‍केच उपयुक्‍त पाणीसाठा आहे. तर सीनाकोळेगाव प्रकल्पात अजून उपयुक्‍त पाण्याचा थेंब नाही. ७५ मध्यम प्रकल्पांपैकी परभणी जिल्ह्यातील २ प्रकल्पांत ६८ टक्‍के, नांदेडमधील ९ प्रकल्पांत ६१ टक्‍के, जालन्यातील ७ व बीडमधील १६ प्रकल्पांत प्रत्येकी ४० टक्‍के, औरंगाबादमधील १६ प्रकल्पांत २३ टक्‍के, उस्मानाबादमधील १७ प्रकल्पांत २१ टक्‍के, लातूरमधील ८ प्रकल्पांत १८ टक्‍केच उपयुक्‍त पाणीसाठा आहे. ७५३ लघू प्रकल्पांची अवस्था अजूनही चांगली सुधारली असे म्हणता येणार नाही. ७५३ लघू प्रकल्पांमध्ये २५ टक्‍केच उपयुक्‍त पाणीसाठा शिल्लक आहे. 

त्यामध्ये औरंगाबाद जिल्ह्यातील ९६ लघू प्रकल्पांत केवळ ८ टक्‍के उपयुक्‍त पाणी आहे. जालन्यातील ५७ प्रकल्पांत २७ टक्‍के, बीडमधील १२६ प्रकल्पांत २२ टक्‍के, लातूरमधील १३२ प्रकल्पांत २५ टक्‍के, उस्मानाबादमधील २०६ प्रकल्पांत १७ टक्‍के, हिंगोलीतील २६ प्रकल्पांत ३१ टक्‍के, नांदेडमधील ८८ प्रकल्पांत ५८ टक्‍के तर परभणीतील २२ मध्यम प्रकल्पांतील ५२ टक्‍के उपयुक्‍त पाणीसाठ्याचा समावेश आहे.

३१ लघू प्रकल्प अजूनही कोरडे
मराठवाड्यातील ७५३ लघू प्रकल्पांपैकी अजूनही ३१ प्रकल्प कोरडेच आहेत. त्यामध्ये औरंगाबादमधील ७, बीडमधील ८, लातूरमधील ९ व उस्मानाबादमधील ७ लघू प्रकल्पांचा समावेश आहे. दुसरीकडे २२२ लघू प्रकल्पांमधील पाणीसाठा जोत्याखाली आहे. त्यामध्ये औरंगाबादमधील ४८, जालन्यातील २४, बीडमधील ४९, लातूरमधील २६, उस्मानाबादमधील ६५, नांदेडमधील ७, हिंगोलीतील २ व परभणीतील एका लघू प्रकल्पाचा समावेश आहे.


इतर बातम्या
पोषक आहाराबद्दल जागरूकता महत्त्वाची :...सोलापूर ः ‘‘आपल्या सर्वांसाठी पोषक आहार आवश्यक...
‘रोहयो’तून विहिरी, शेतरस्त्यांची कामे...पांगरी, जि. सोलापूर ः ‘‘महाराष्ट्र ग्रामीण रोजगार...
सेंद्रिय परसबाग उभारून कुटुंबाची गरज...नाशिक : ‘‘कोरोनाच्या पार्श्वभूमीवर प्रत्येकाने...
‘दुधना’च्या पुरामुळे हजारो हेक्टरवरील...परभणी ः परभणी, हिंगोली जिल्ह्यांतील ८२...
परभणी जिल्ह्यात पीक नुकसानीच्या विमा...परभणी ः पंतप्रधान पीकविमा योजनेअंतर्गंत...
जोरदार वारे, मेघगर्जना, विजांसह पावसाचा...पुणे : राज्यात पुढील दोन दिवस जोरदार वारे,...
पुण्यात साकारतेय देशी गाय संशोधन आणि...पुणे ः देशी गायींच्या संवर्धनातून त्यांची...
विमा कंपन्यांना आठ हंगामांत १२ हजार...पुणे ः देशातील खासगी विमा कंपन्यांनी गेल्या आठ...
द्राक्ष हंगामात नियोजन आणि बाजारपेठेचे...अधिक परतावा देणारी पिके म्हणजे जोखीमही मोठी असते...
मागणीमुळे हरभरा दर हमीभावाच्या वर टिकूनपुणे : गेल्या आठवडाभरात हरभऱ्याला चांगली मागणी...
गुन्हा दाखल करण्याऐवजी पुन्हा चौकशीचा...पुणे ः जलयुक्त शिवार योजनेच्या नावाखाली मृद व...
शेतकरी आंदोलन लोकसभा  निवडणुकीपर्यंत...नगर : केंद्रातील भाजप सरकारने ठरविलेल्या...
सोयाबीन कापणीचा दर  एकरी तीन...अकोला : या हंगामात लागवड केलेले कमी कालावधीचे...
महुद ग्रामस्थांची एकजूट कौतुकास्पद :...सोलापूर ः वसुंधरा आणि पृथ्वीच्या रक्षणासाठी...
सिंचनाचे क्षेत्र वाढविण्यासह  दर्जेदार...अमरावती : राजुरा बृहत लघु पाटबंधारे योजनेप्रमाणेच...
पारनेर कारखाना विक्रीतील  दोषींवर...नगर : नगर जिल्ह्यातील पारनेर सहकारी साखर...
वालचंदनगर (जि.पुणे) : लाळ्या खुरकूत...वालचंदनगर, जि. पुणे : गेल्या अनेक दिवसांपासून...
सांगली : रब्बीचे पावणे तीन लाख हेक्टरवर...सांगली : जिल्ह्यात रब्बी हंगामात युरियासह खते,...
खतांची कृत्रिम टंचाई निर्माण करणाऱ्या ...चंद्रपूर : कृत्रिम टंचाई निर्माण करून शेतकऱ्यांना...
सांगलीतील पूरग्रस्तांच्या  मदतीसाठी...सांगली : जिल्ह्यात जुलै महिन्यात आलेल्या...