agriculture news in marathi, Rapid reduction of dams in Pune district | Agrowon

पुणे जिल्ह्यातील धरणांच्या पाणीसाठ्यात वेगाने घट
टीम अॅग्रोवन
मंगळवार, 30 ऑक्टोबर 2018

पुणे : धरण क्षेत्रात झालेल्या पावसाने ऑगस्ट महिन्यात ओसंडून वाहणारी धरणे सप्टेंबरमधील पावसाची ओढ आणि ऑक्टोबर हीटमुळे वाढलेली मागणी यामुळे वेगाने रिकामी होऊ लागली आहेत. सोमवारी (ता. २९) उजनीसह जिल्ह्यातील सर्व २५ धरणांमध्ये मिळून १८५.४१ टीएमसी उपयुक्त पाणीसाठा शिल्लक राहिला आहे. पिण्यासाठी आणि शेतीसाठी पाण्याची मागणी वाढल्याने धरणांच्या कालव्यातून सिंचनासाठी पाणी सोडण्यात येत आहे.

पुणे : धरण क्षेत्रात झालेल्या पावसाने ऑगस्ट महिन्यात ओसंडून वाहणारी धरणे सप्टेंबरमधील पावसाची ओढ आणि ऑक्टोबर हीटमुळे वाढलेली मागणी यामुळे वेगाने रिकामी होऊ लागली आहेत. सोमवारी (ता. २९) उजनीसह जिल्ह्यातील सर्व २५ धरणांमध्ये मिळून १८५.४१ टीएमसी उपयुक्त पाणीसाठा शिल्लक राहिला आहे. पिण्यासाठी आणि शेतीसाठी पाण्याची मागणी वाढल्याने धरणांच्या कालव्यातून सिंचनासाठी पाणी सोडण्यात येत आहे.

उजनीसह जिल्ह्यातील सर्व २५ धरणांची उपयुक्त पाणीसाठ्याची क्षमता २१६.८४ टीएमसी आहे. सप्टेंबर महिन्याच्या पहिल्या आठवड्यात (ता. ८) सर्व धरणांमध्ये २०१.१३ टीएमसी (९३ टक्के) पाणीसाठा होता. मात्र, त्यानंतरच्या दोन महिन्यांच्या आतच धरणांच्या पाणीसाठ्यात तब्बल १६ टीएमसीची घट झाल्याचे दिसून येत आहे. उजनी धरणातील अचल (६३.६५ टीएमसी) आणि उपयुक्त (४६.९७ टीएमसी) पाणीसाठ्याचा विचार करता धरणामध्ये एकूण ११०.६२ टीएमसी (९४ टक्के) पाणीसाठा शिल्लक आहे.

खडकवासला कालव्याला भिंत फुटल्यानंतर कालव्यातून बंद करण्यात आलेला पाणीपुरवठा पुन्हा सुरू झाला आहे. कालव्यातून ७०२ क्युसेक वेगाने पाणी सोडण्यात आले. पिंपळगाव जोगे, येडगाव, डिंभे, घोड, खडकवासला, वीर या धरणांच्या कालव्यातून पाणी सोडण्यात येत आहे. तर माणिकडोह, आंद्रा, पवना, टेमघर, उजनी धरणातून नदीपात्रात पाण्याचा विसर्ग सुरू आहे. पाणीसाठा वेगाने कमी होत असल्याने उपलब्ध पाणीसाठ्याचे काटेकोर नियोजन करावे लागणार आहे.

सोमवारी (ता. २९) जिल्ह्यातील धरणांचा पाणीसाठा (टीएमसीमध्ये) कंसात टक्केवारी : टेमघर ०.५२ (१४), वरसगाव १२.७४(९९), पानशेत १०.०४ (९४), खडकवासला १.२८ (६५), पवना ७.५८ (८९), कासारसाई ०.५० (८९), मुळशी १५.८४ (८६), कलमोडी १.५१ (१००), चासकमान ६.२९ (८४), भामा आसखेड ७.५० (९८), आंद्रा २.८५ (९७), वडिवळे १.०२ (९५), गुंजवणी ३.०८ (८३), भाटघर २३.४० (९९), नीरा देवघर ११.५० (९८), वीर ५.३७ (५७), नाझरे ०.०, माणिकडोह ७.३६ (६३), पिंपळगाव जोगे २.४१ (६२), येडगाव १.८५ (६६), वडज ०. ७७ (६६), डिंभे ११.०४ (८८), घोड ४.०३ (७४).

 

इतर बातम्या
वणव्यामुळे पतंग, वनस्पतींच्या प्रजाती...जंगलामध्ये लागणाऱ्या वणव्याचे परागीकरण करणाऱ्या...
दुष्काळी स्थितीमुळे संत्रा बागांचे...शेलूबाजार जि. वाशीम ः निसर्गाच्या दुष्टचक्रामुळे...
नांदेड, परभणी जिल्ह्यांतील अकरा मंडळांत...नांदेड :  नांदेड, परभणी जिल्ह्यांतील ११...
कोल्हापूर जिल्ह्यातील धरणे निम्मी भरली कोल्हापूर : जिल्ह्यात पावसाचा जोर कमी झाला असला...
सांगली जिल्हा दुष्काळाच्या छायेतसांगली : पावसाळ्याचा दीड महिन्याचा कालावधी लोटला...
नाशिक जिल्ह्यात पावसाचे पुनरागमननाशिक : जिल्ह्यात पावसाने उघडीप दिल्यामुळे...
वाशीम जिल्ह्यात ‘सुजलाम सुफलाम’मधून २९७...वाशीम ः सुजलाम सुफलाम दुष्काळमुक्त महाराष्ट्र...
रत्नागिरीतील आठ धरणांची होणार तपासणीरत्नागिरी : ‘‘तिवरे धरण फुटल्यानंतर जिल्ह्यातील...
साक्री तालुक्यात दुष्काळाची शक्यतासाक्री, जि. धुळे : पाण्याचे स्रोत आटत आहेत. पाऊस...
मराठवाड्यातील २६६ मंडळांमध्ये पाऊसऔरंगाबाद/नांदेड ः मराठवाड्यातील ८ जिल्ह्यांतील ६३...
पावसाच्या आगमनाने नाशिकमधील शेतकरी...नाशिक : जिल्ह्यात पावसाने दडी मारल्याने...
पशुसंवर्धन विकासासाठी ७०० कोटींचा निधी...कोल्हापूर  : राज्यातील पशुसंवर्धन विकासाला...
मराठवाड्यातील पावणेनऊ लाखांवर शेतकरी...औरंगाबाद : मराठवाड्यातील आठही जिल्ह्यांतील...
विद्यार्थी, शेतकरीप्रश्नी ‘स्वाभिमानी’...बुलडाणा  : जिल्ह्यातील शेतकरी अनेक समस्यांना...
बारामतीत मुसळधार पाऊसपुणे  : जिल्ह्याच्या कोरडवाहू भागात असलेल्या...
नगर जिल्ह्यातील सहा महसूल मंडळांत...नगर : जिल्ह्यातील ३५ महसूल मंडळांत शनिवारी जोरदार...
कोणत्याही तंत्रज्ञानाचा डोळस स्वीकार...औरंगाबाद   : कोणत्याही तंत्रज्ञानाचा...
विधानसभा निवडणुकीत महायुतीने  २२० जागा...मुंबई  : आगामी विधानसभा निवडणुकीत महायुतीने...
सोलापूर जिल्ह्यात १७ हजार हेक्टर...सोलापूर ः गेल्या दोन वर्षांपासून सोलापूर जिल्हा...
नाशिक जिल्ह्यातील ४१ हजार हेक्टरवरील...नाशिक : जिल्ह्यात लष्करी अळीचा प्रादुर्भाव...