Agriculture news in marathi, The rate of pomegranate shrimp in Solapur | Agrowon

सोलापुरात डाळिंबाच्या दराची उसळी
सुदर्शन सुतार
मंगळवार, 20 ऑगस्ट 2019

सोलापूर : सोलापूर कृषी उत्पन्न बाजार समितीच्या आवारात गतसप्ताहात डाळिंबाच्या आवकेत काहीशी घट झाली. तरी मागणी असल्याने डाळिंबाच्या दराने चांगलीच उसळी घेतली आहे. डाळिंबाचा प्रतिक्विंटलचा दर सर्वाधिक १४ हजार रुपयांवर पोचला आहे. साधारण, प्रतिकिलोला सर्वाधिक १४० रुपयांपर्यंत दर मिळाला. 

सोलापूर : सोलापूर कृषी उत्पन्न बाजार समितीच्या आवारात गतसप्ताहात डाळिंबाच्या आवकेत काहीशी घट झाली. तरी मागणी असल्याने डाळिंबाच्या दराने चांगलीच उसळी घेतली आहे. डाळिंबाचा प्रतिक्विंटलचा दर सर्वाधिक १४ हजार रुपयांवर पोचला आहे. साधारण, प्रतिकिलोला सर्वाधिक १४० रुपयांपर्यंत दर मिळाला. 

बाजार समितीच्या आवारात गतसप्ताहात डाळिंबाची आवक रोज ५०० क्विंटल ते दीड टनापर्यंत राहिली. डाळिंबाची सर्व आवक सांगोला, मंगळवेढा, माढा भागांतून झाली. बाहेरील आवक तुलनेने कमीच होती. पण मागणी होती, शिवाय त्यात सातत्य होते. परिणामी, डाळिंबाच्या दरात तेजी राहिली. गेल्या दोन आठवड्यांपासून डाळिंबाच्या दरातील तेजी आहे. या सप्ताहात डाळिंबाच्या दराने मात्र चांगलीच उसळी घेतली.

डाळिंबाला प्रतिक्विंटलला किमान १५०० रुपये, सरासरी ५००० रुपये, तर सर्वाधिक १४ हजार रुपये दर मिळाला. अर्थात, प्रतिकिलोला ५० रुपये ते १४० रुपये असा दर मिळाला. 
सध्या पूरपरिस्थिती आणि पाण्याच्या टंचाईमुळे डाळिंबाची आवक मागणीच्या तुलनेत कमीच आहे. शिवाय गुणवत्ताही नाही. त्यामुळे चांगल्या डाळिंबाला हा दर मिळाला. त्याशिवाय वांगी, कोबी, ढोबळी मिरची, गवार, भेंडी यांच्या दरातील तेजी या सप्ताहातही पुन्हा टिकून होती.

वांग्याची आवक रोज २० ते ३० क्विंटल, कोबीची ८ ते १० क्विंटल, ढोबळी मिरचीची २० ते ४० क्विंटल आणि गवार, भेंडीची प्रत्येकी ६ ते १० क्विंटलपर्यंत आवक राहिली. या फळभाज्यांची सगळी आवक स्थानिक भागातून झाली. 

वांग्याला प्रतिक्विंटलला किमान २००० रुपये, सरासरी ५००० रुपये आणि सर्वाधिक ६५०० रुपये, कोबीला किमान ८०० रुपये, सरासरी १००० रुपये आणि सर्वाधिक १२०० रुपये, ढोबळी मिरचीला ११०० ते २००० रुपये, गवारला किमान २००० रुपये, सरासरी २५०० रुपये आणि सर्वाधिक ३५०० रुपये तर भेंडीला किमान १००० रुपये, सरासरी २००० रुपये आणि सर्वाधिक २८०० रुपये असा दर मिळाला.

भाज्यांचे दर मात्र पुन्हा स्थिर राहिले. भाज्यांची आवक मात्र तशीच आठ ते दहा हजार पेंढ्या रोज अशी कायम राहिली. भाज्यांची आवक स्थानिक भागातूनच झाली. मेथीला शंभर पेंढ्यासाठी ६०० ते १००० रुपये, शेपूला २०० ते ४०० रुपये आणि कोथिंबिरीला २०० ते ३०० रुपये असा दर मिळाला.

इतर बाजारभाव बातम्या
पुण्यात टोमॅटो, फ्लॉवरची आवक कमी; दरात...पुणे ः गुलटेकडी येथील कृषी उत्पन्न बाजार...
औरंगाबादमध्ये कांदा १५०० ते ४४०० रुपये...औरंगाबाद : येथील कृषी उत्पन्न बाजार समितीमध्ये...
उन्हाळ कांद्याचा आलेख चढाचनाशिक : मागील दोन आठवड्यांपासून उन्हाळ कांद्याची...
परभणीत शेवगा ३५०० ते ५००० रुपये...परभणी : येथील पाथरी रस्त्यावरील फळे भाजीपाला...
राज्यात लिंबांना प्रतिक्विंटल १५०० ते...सोलापुरात प्रतिक्विंटल सर्वाधिक १० हजार रुपये...
जळगावात वांगी १५०० ते २८०० रुपये...जळगाव : कृषी उत्पन्न बाजार समितीत बुधवारी (ता.१८...
अकोल्यात उडीद प्रतिक्विंटल सरासरी ४६००...अकोला ः येथील कृषी उत्पन्न बाजार समितीत आवक...
खानदेशात मुगाचे दर स्थिर, उडदाच्या...जळगाव ः खानदेशातील प्रमुख बाजार समित्यांमध्ये...
औरंगाबादेत कोबी १००० ते १२०० रुपये...औरंगाबाद : येथील कृषी उत्पन्न बाजार समितीमध्ये...
नाशिकमध्ये कांद्याची आवक घटली; दरात वाढनाशिक : नाशिक कृषी उत्पन्न बाजार समितीमध्ये चालू...
पितृपंधरवाड्यामुळे पुण्यात भाज्यांना...पुणे ः गुलटेकडी येथील कृषी उत्पन्न बाजार...
सांगली येथे गूळ ३२०० ते ३८७५ रुपये...सांगली  : येथील बाजार समितीत शनिवारी (ता. १४...
परभणीत काकडी प्रतिक्विंटल ३०० ते ६००...परभणी ः येथील पाथरी रस्त्यावरील फळे भाजीपाला...
नाशिकमध्ये गवार २५०० ते ४५०० रूपये...नाशिक : येथील कृषी उत्पन्न बाजार समितीमध्ये...
जळगावात डाळिंब २१०० ते ४८०० रुपये...जळगाव : कृषी उत्पन्न बाजार समितीत मंगळवारी (ता....
केळीच्या मध्य प्रदेशातील आवकेत घट;...जळगाव : मध्य प्रदेशातील बऱ्हाणपूर येथील बाजारातील...
सोलापुरात वांगी, गवार, भेंडीच्या दरांत...सोलापूर : सोलापूर कृषी उत्पन्न बाजार...
औरंगाबादमध्ये लिंबू २५०० ते ४५०० रुपये...औरंगाबाद : येथील कृषी उत्पन्न बाजार...
कोल्हापुरात नवीन गुळाला साडेतीन ते सहा...कोल्हापूर : कृषी उत्पन्न बाजार समितीच्या शाहू...
राज्यात घेवडा प्रतिक्विंटल ८०० ते ५५००...सोलापुरात प्रतिक्विंटलला सर्वाधिक ४५०० रुपये...