agriculture news in Marathi rate of raisin packing box increased Maharashtra | Page 2 ||| Agrowon

बेदाणा पॅकिंगसाठीच्या बॉक्सच्या दरात वाढ 

अभिजित डाके
गुरुवार, 21 जानेवारी 2021

बेदाणा, डाळिंबासह अन्य फळभाज्यांच्या पॅकिंगसाठीचे कोरोगेटेड बॉक्सच्या दरात वाढ झाली आहे. गतवर्षी प्रति बॉक्सचा २२ ते २७ रुपये दर होता.

सांगली ः बेदाणा, डाळिंबासह अन्य फळभाज्यांच्या पॅकिंगसाठीचे कोरोगेटेड बॉक्सच्या दरात वाढ झाली आहे. गतवर्षी प्रति बॉक्सचा २२ ते २७ रुपये दर होता. यंदा हाच दर १० ते १२ रुपयांनी वाढून ३२ ते ३७ रुपयांपर्यंत पोहोचला आहे. भविष्यात अजून दरात वाढीची शक्यता आहे. त्यामुळे बेदाणा पॅकिंगच्या खर्चात वाढ होणार असल्याने अतिरिक्त खर्चाचा बोजा बेदाणा उत्पादक शेतकऱ्यांवर पडणार आहे. 

बॉक्स तयार करण्यासाठी युरोपातून इंपोर्टेड वेस्ट आयात केले जाते. या वेस्टच्या माध्यमातून बॉक्स तयार केले जातात. गेल्या वर्षी इंपोर्टेड वेस्टचा दर प्रति किलोस २० रुपये इतका होता. अगदी गेल्या तीन महिन्यांपर्यंत दर २२ रुपयांपर्यंत पोहोचला होता. त्यामुळे बॉक्सच्या दरात किंचित वाढ झाली होती. युरोपमधून इंपोर्टेड वेस्ट चीन जादा दराने खरेदी करत असल्याने भारतात आयात थांबली आहे. त्यामुळे दरात ५० टक्क्यांनी वाढ झाली आहे. 

जिल्ह्यात बॉक्स तयार करणारे ४० हून अधिक कारखाने आहेत. प्रामुख्याने जिल्ह्यात बेदाणा तयार होतो. त्यामुळे बेदाणा पॅकिंगसाठी कोरेगेटेड बॉक्सचा मोठा वापर केला जातो. सध्या बॉक्सला मागणी नाही. बेदाण्याचा हंगाम काही दिवसांतच सुरू होणार आहे. आतापासून त्यासाठी लागणाऱ्या बॉक्सची खरेदी केली जाते. परंतु बॉक्सच्या दरात वाढ झाली असल्याने बेदाणा उत्पादक शेतकरी हवालदिल झाला आहे. 

खर्च वाढणार 
एक टन बेदाणा तयार करण्यासाठी २३ ते २४ हजार रुपये खर्च येतो. ही रक्कम बॉक्सच्या खर्चासह आहे. परंतु आता बॉक्सच्या किमतीत वाढ झाल्याने बेदाणानिर्मितीच्या खर्चात प्रति टनाला दोन ते अडीच हजार रुपयांची वाढ होण्याची शक्यता आहे. त्यामुळे हा या अतिरिक्त खर्चाचा बोजा बेदाणा उत्पादक शेतकऱ्यांवर पडणार आहे. 

प्रतिक्रिया
बेदाणा तयार झाल्यानंतर पॅकिंगसाठी बॉक्स मोठ्या प्रमाणात लागतात. यंदा बॉक्सच्या दरात वाढ झाली असल्याने बेदाणा तयार करण्याच्या खर्चात देखील वाढ झाली. 
- सुनील माळी, बेदाणानिर्मिती व शेडमालक 

युरोप देशातून येणारा (इंपोर्टेड वेस्ट) कच्चा माल भारतात येणे थांबला आहे. त्यामुळे कच्च्या मालाच्या दरात ५० टक्क्यांनी वाढ झाली आहे. कच्चा माल देशात येण्यासाठी केंद्र शासनाने पुढाकार घेतला पाहिजे. तेव्हाच कच्च्या मालाचे दर कमी होतील. 
- सुहास कुलकर्णी, बॉक्स कारखानदार, सांगली 


इतर ताज्या घडामोडी
...आणि आम्ही वाममार्गावरून ढळलोभारताप्रमाणेच ब्रिटिशांच्या  गुलामीतून एकाच...
शासकीय हरभरा खरेदीच्या ऑनलाइन नोंदणीला...जळगाव : खानदेशातील प्रमुख बाजार समित्यांमध्ये...
बंद आठवडी बाजाराचा कांदा उत्पादकांना...जळगाव ः जळगाव जिल्ह्यात आठवडी बाजार ६ मार्चपर्यंत...
महिलांना रोजगार मिळवून देण्यासाठी ‘...रत्नागिरी ः पर्यटन व्यवसायातून महिलांना रोजगार...
कापडण्यात कांद्याला फटकाकापडणे, जि. धुळे : पावसाळ्यात सलग तीन महिने पाऊस...
परभणी जिल्ह्यात अवकाळीने हरभरा, ज्वारी...परभणी ः जिल्ह्यात या महिन्यात झालेला अवकाळी पाऊस...
मारुती माळ येथे टस्कराचे दर्शनकोल्हापूर ः बाळेघोल (ता. कागल) येथील जंगलातून...
मराठवाड्यात अवकाळीने ३३ टक्के पिकांचे...औरंगाबाद : अठरा व १९ फेब्रुवारी रोजी झालेल्या...
नांदेड जिल्ह्यात नुकसानग्रस्तांसाठी...नांदेड : जिल्ह्यात फेब्रुवारी ते मे २०२० या...
निम्न पेढी प्रकल्पाचे काम वेळेत पूर्ण...अमरावती : निम्न पेढी प्रकल्प हा अमरावती व अकोला...
...तर खंडणीचे गुन्हे दाखल करा ः गरडपुणे ः ‘‘पुणे कृषी उत्पन्न बाजार समितीमध्ये हमाली...
सहकारी संस्थांच्या निवडणुकांना पुन्हा...कोल्हापूर ः राज्याच्या राजकीय पटलाचे लक्ष लागून...
बाजार समित्यांनी पेट्रोल, सीएनजी पंप...परभणी ः उत्पन्नात वाढ होण्याच्या दृष्टीने जिल्हा...
जैन यांच्या मोजेक पोर्ट्रेटची ‘गिनेस...जळगाव :  जैन उद्योग समूहाचे संस्थापक अध्यक्ष...
सातारा जिल्ह्यात ५५ टक्के क्षेत्रावर...सातारा ः जिल्ह्यात २५ फेब्रुवारीअखेर तीन हजार १५४...
शेतकरी उत्पादक कंपन्यांसाठी योजनामहाराष्ट्र सहकार विकास महामंडळ आणि नाबार्डद्वारे...
कृषी सल्ला (परभणी विभाग)पाण्याची उपलब्धता असल्यास उन्हाळी भाजीपाला...
राज्यात टोमॅटो १५० ते १००० रुपयेऔरंगाबादमध्ये क्विंटलला ३०० ते ६०० रुपये दर...
वनशेतीमध्ये चारा पिकांची लागवड फायदेशीर...वनशेतीमध्ये वनीय कुरण, कृषी वनीयकुरण, उद्यान...
शेतीच्या उन्नतीसाठी ज्ञानच महत्त्वाचे...पुणे : कृषीप्रधान देश असलेल्या भारतात शेतीला...