नगर ः येथील दादा पाटील शेळके बाजार समितीत शेतमाल विक्रीला फारसा प्रतिसाद मिळेना गेला आहे. गुरुवारी (ता.२२) झालेल्या लिलावात तुरीच्या दरात तीनशे रुपयांनी वाढ झाली. बुधवारी प्रतिक्विंटल तुरीला ६ हजार ६०० ते ६ हजार ८०० रुपये व सरासरी ६ हजार ७०० रुपयांचा दर मिळाला. मागील आठवड्यात तुरीला नगरमध्ये ६ हजार ५०० रुपयांपर्यंतचा दर होता.
जिल्ह्यात गेल्या आठ दिवसापासून कोरोना संसर्गाची बाधा झालेल्या रुग्णांच्या संख्येत मोठी वाढ होत आहे. त्यामुळे भाजीपाल्याचे लिलाव बंद झाले आहेत. भुसार मालाचे लिलाव सुरु असले तरी फारसे शेतकरी शेतमाल घेऊन येईनात. गुरुवारी तूर, हरभरा, चिंच व गव्हाचे लिलाव झाले. आवक मात्र अल्प होती. बाजारात तुरीला गेल्या तीन ते चार महिन्यापासून हमीदरापेक्षा अधिक दर मिळत आहे.
गेल्या आठवड्यात आवक मात्र अवघी १५ क्विंटलची होती. गव्हाची आवकही अवघी सहा क्विंटल झाली. चिंचेची आवक एक हजार क्विंटल झाली. चिंचेला पाच हजारांपासून ते आठ हजारापर्यंत दर मिळाला.
हरभऱ्याच्या दरातही वाढ
बाजार समितीत हरभऱ्याची आवकही कमी झाली आहे. गुरुवारी ४५ क्विंटलची आवक होऊच ४ हजार ९०० ते ५ हजार ५० रुपये व सरासरी ४ हजार ९७५ रुपयांचा दर मिळाला. मागील आठवड्यात हा दर ४ हजार ६०० रुपयांपर्यंत होता.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.