agriculture news in Marathi rate will improve of soybean Maharashtra | Agrowon

सोयाबीन बाजारात तेजीचेच संकेत

अनिल जाधव
रविवार, 3 जानेवारी 2021

शेतकरी आणि व्यापाऱ्यांनी ८० टक्के सोयाबीन विकले आहे. बाजाराने मागील साडेसहा वर्षांचा विक्रम मोडत २०२० चा शेवट केला. 

पुणे ः शेतकरी आणि व्यापाऱ्यांनी ८० टक्के सोयाबीन विकले आहे. बाजाराने मागील साडेसहा वर्षांचा विक्रम मोडत २०२० चा शेवट केला. मिलर्सनी खरेदी वाढविल्याने प्लांटचे दर ४७४० रुपयांपर्यंत पोचले. आंतरराष्ट्रीय बाजारातील तेजी आणि भारतीय सोयाबीन स्वस्त असल्याने निर्यात वाढीची शक्यता असल्याने फेब्रुवारीत सोयाबीन पाच हजारांचा टप्पा गाठेल, असा अंदाज जाणकारांनी व्यक्त केली आहे.

देशातील मिल्सनी त्यांना गाळपासाठी लागणाऱ्या सोयाबीनचा वाढत्या दरामुळे साठा केला नव्हता. मागील दीड महिन्यात सोयाबीनचे दर ४४०० ते ४५०० रुपायांच्या आसपास होते. त्यामुळे मिल्सनी खेरदी करताना सावध भूमिका घेतली होती. त्या वेळी दर तुटतील आणि आपण ४१०० ते ४२०० रुपयांनी खरेदी करू, अशी त्यांची भूमिका होती.

परंतु सोयाबीन दरांनी वर्षाच्या शेवटच्या टप्प्यात ४५०० ची पातळी ओलांडली. तसेच आंतरराष्ट्रीय घटक बघता दर आणखी वाढतील असा अंदाज आल्याने मिलर्सनी आता खरेदी सुरू केली आहे. त्यामुळे दरात सुधारणा होत आहे. तसेच वायद्यांतील कव्हरिंग करण्यासाठी खरेदी वाढली आहे. 

सोयाबीन मार्केट ‘एनसीडीईएक्स’वर वर्षाच्या शेवटी गेल्या साडेसहा वर्षांतील उच्चांकी पातळीवर बंद झाले. मार्च २०१४ नंतरची ही उच्चांकी पातळी होती. गेल्या दोन दिवसांतील प्लांट डिलिव्हरीचे रेट हे ४६०० ते ४७४० रुपये आहेत. त्यामुळे यंदा सोयाबीनच्या दरात जानवेरीतही तेजी राहील, अशी शक्यता वर्तविण्यात आली आहे. खाद्यतेलही १२०० रुपयांवर गेले आहे. फेब्रुवारीत सोयाबीन पाच हजारांचा टप्पा ओलांडेल अशी शक्यता, जाणकरांनी व्यक्त केली. 

हंगामाच्या सुरुवातीला ‘सीबॉट’वर सोयाबीनचे ९४० वर असणारे दर हे शुक्रवारी (ता. १) १३१० डॉलर बुशेल्स होते. तर सोयामिल ४२९ डॉलरवर पोचले होते. त्यामुळे आंतरराष्ट्रीय पातळीवर सोयाबीन तेजीत आहेत. अर्जेंटिनात दुष्काळ स्थिती असल्याने तेथील सोयाबीन उत्पादनात घट होण्याची शक्यता आहे. ब्राझीलमध्येही उत्पादनात वाढ होण्याची शक्यता कमीच आहे. तेथील उत्पादन स्थिर राहण्याची शक्यता आहे. त्यामुळे आंतरराष्ट्रीय पातळीवर भारतीय सोयाबीनला मागणी वाढण्याची शक्यता आहे. 

सोयाबीनची ८० टक्के विक्री
सोयाबीनचे उत्पादन घटल्याने बाजारात आवक कमी राहिली. गेल्या वर्षीच्या तुलनेत दर अधिक असल्याने शेतकऱ्यांनी विक्रीला प्राधान्य दिले. मध्यंतरीच्या काळात गुणवत्तेच्या सोयाबीनला ४४५० रुपये दर मिळाल्याने व्यापारी आणि शेतकऱ्यांनी जवळपास ८० टक्के सोयाबीन विकले. आता केवळ २० टक्के माल शिल्लक आहे. त्यातच निर्यातीला संधी आणि मिलर्सची खरेदी वाढल्याने सोयाबीनचे दर तेजीत आहेत.

यामुळे दर तेजीत

  • केवळ २० टक्के माल शिल्लक
  • साठा करण्यासाठी मिलर्सची खरेदी
  • अर्जेंटिनातील उत्पादन घटीचा अंदाज
  • खाद्यतेल आयातशुल्क कपातीने आंतरराष्ट्रीय दर सुधारल्याचा अनुभव
  • ‘डीओसी’साठी सोयाबीनला मागणी
  • आंतरराष्ट्रीय दराच्या तुलनेत भारतीय सोयाबीन स्वस्त

प्रतिक्रिया
आंतरराष्ट्रीय पातळीवर सोयबीनचे दर वाढले, त्याप्रमाणात देशात वाढले नाहीत. त्यामुळे सोयाबीन निर्यातीला संधी आहे. डिसेंबरपर्यंत ८ लाख टन निर्यात झाल्याचा अंदाज आहे. तसेच जानेवारीत ५ लाख टन निर्यात होण्याची शक्यता आहे. ‘डीओसी’ची मागणी आहे. सध्या ३२ ते ३८ हजार टनांनी ‘डिओसी’चे सौदे होत आहेत. खाद्यतेल आयात शुल्कात कपात केली तरी त्याचा फारसा परिणाम बाजारवर होणार नाही.
- सुरेश मंत्री, शेतीमाल बाजार विश्‍लेषक

सध्या बाजारात तीन हजार ते सहा हजार क्विंटल सोयाबीनची आवक होत आहे. सध्या सोयाबीनला ४५०० ते ४६५० रुपेय दर मिळत आहे. पुढील दोन महिन्यांत हे दर पाच हजार रुपयांचा टप्पा गाठतील, असा अंदाज आहे. कारण सोयाबीनची कमतरता आहे आणि मागणी मजबूत आहे. 
- राघव झावर, सोयाबीन व्यापारी, निमूच, मध्य प्रदेश


इतर अॅग्रोमनी
जागतिक मका उत्पादनात घट वॉशिंग्टन ः जागतिक मका उत्पादनात घट होणार...
बेदाणा पॅकिंगसाठीच्या बॉक्सच्या दरात...सांगली ः बेदाणा, डाळिंबासह अन्य फळभाज्यांच्या...
सोयाबीन विक्रमी टप्पा गाठेल कमी उत्पादन, चांगली निर्यात आणि वाढलेला वापर हे...
दराचे संरक्षण देणाऱ्या योजना राबवाव्यात पुणे ः ‘एनसीडीईएक्स’ने ‘पुट ऑप्शन’मधून शेतकरी...
‘बासमती’ची तांदळाचा तुटवडाकोल्हापूर: गेल्या महिन्यापासून सुरु असलेल्या...
सोयाबीन बाजारात तेजीचेच संकेतपुणे ः शेतकरी आणि व्यापाऱ्यांनी ८० टक्के सोयाबीन...
तांदळाच्या विक्रमी निर्यातीची यंदा शक्‍...कोल्हापूर : देशात यंदा भाताचे चांगले उत्पादन...
कापसाच्या दरात सुधाराची चिन्हेपुणे ः ‘सीसीआयने’ कापसाला हमीभावापेक्षा  ३००...
केंद्रीय अर्थसंकल्पातून होणार सवलतींची...नवी दिल्ली ः कोरोनाच्या संसर्गामुळे...
मालविक्रीसाठी ३५ शेतकरी कंपन्या एकाच...शेतकऱ्यांना ‘शेतीमाल पिकवता येतो, मात्र विकता येत...
हंगामाच्या प्रारंभीच कोलम, आंबेमोहोर...कोल्हापूर: देशातील तांदळाचा हंगाम सुरु झाला आहे....
राष्ट्रीय सहकारी साखर कारखाना महासंघ...कोल्हापूर : राज्य सहकारी साखर कारखाना...
सुताच्या दरात मोठी वाढजळगाव ः जगभरातील प्रमुख आयातदारांकडून सुताची मोठी...
कारखान्यांपुढे साखर विक्रीचे आव्हानकोल्हापूर : गेल्या काही दिवसांत देशात वाढणारी...
हमीभावाने १८ टक्के अधिक धान्य खरेदी :...नवी दिल्ली : केंद्र सरकारने नोव्हेंबरअखेर खरीप...
कापूस गाठींच्या दरात सुधारणाजळगाव ः जगातील वस्त्रोद्योग ९५ ते ९७ टक्के...
आंतरराष्ट्रीय बाजारात साखरेला दराचा...कोल्हापूर : आंतरराष्ट्रीय बाजारात गेल्या पंधरा...
खाद्यतेल आयातीत १२ टक्के घटपुणे ः देशात २०१९-२० (नोव्हेंबर ते ऑक्टोबर) मध्ये...
चांगल्या बाजारभावासाठी ‘एनसीडीईएक्स’चा...शेतकऱ्यांसाठी दराचे संरक्षण (प्राइज इन्शुरन्स)...
‘जीआय’प्राप्त उत्पादनांच्या ब्रँडिंगवर...नाशिक : भारतीय शेतीमाल व खाद्यपदार्थांना जगभर...