agriculture news in marathi, rates of aambemohor rice is increase, pune, maharashtra | Agrowon

पुणे बाजार समितीत ‘आंबेमोहर’च्या दरात वाढ

टीम अॅग्रोवन
रविवार, 17 नोव्हेंबर 2019

सुगंधी आंबेमोहरची पुण्यात रोज सुमारे १५ टन इतकी विक्री होते. या तांदळाचा महिन्याला सुमारे ४०० टन एवढा खप आहे. मागील दीड ते दोन महिन्यात झालेल्या मोठ्या भाववाढीमुळे आंबेमोहर तांदळाचा खप कमी झालेला आहे.  
-राजेश शहा, तांदळाचे प्रमुख व्यापारी. 

पुणे  ः आंबेमोहर तांदळासाठी प्रसिद्ध असलेल्या जिल्ह्यातील भोर, वेल्हा, मावळ, मुळशीमध्ये वाढत्या शहरीकरणाने भाताचे क्षेत्र घटले आहे. शेतकऱ्यांनी आंबेमोहरपेक्षा कमी कालावधीच्या इंद्रायणी वाणाला पसंती दिल्याने आंबेमोहरसाठी ग्राहकांना मध्य प्रदेश आणि आंध्र प्रदेशातील आवकेवर अवलंबून राहावे लागत आहे. परिणामी, स्थानिक क्षेत्र आणि उत्पादन घटल्याने आंबेमोहर तांदळाच्या दरात किलोमागे २५ रुपयांनी वाढ झाली असल्याची माहिती पुणे बाजार समितीमधील तांदळाचे प्रमुख व्यापारी राजेश शहा यांनी दिली. जिल्ह्यातील तांदूळ स्थानिक बाजारातच विक्री होत असल्याने त्याची पुण्यातील आवकही नगण्य असल्याचे ते म्हणाले.

आंबेमोहर तांदळाला त्याच्या वैशिष्ट्यपूर्ण सुगंध आणि चवीमुळे ग्राहकांकडून मागणी वाढली आहे. सध्या तांदळाचा हंगाम सुरू झाला असून, घाऊक बाजारपेठेत यंदा प्रथमच क्विंटलचे दर ७५०० रुपयांपर्यंत वाढले आहेत. हेच दर गेल्या वर्षी साधारणतः ५ हजार रुपये होते. राज्यात आंबेमोहरची प्रामुख्याने आवक ही मध्य प्रदेशातून ८०, तर आंध्र प्रदेशातून २० टक्के होते. या दोन्ही राज्यांतील शेतकऱ्यांनी यंदा आंबेमोहरपेक्षा एक महिना अगोदर उत्पादन मिळत असल्याने लचकारी कोलम वाणाला पसंती दिली. यामुळे आंबेमोहरचे उत्पादन घटले आणि दरात वाढ झाली आहे. लचकारी कोलमचे दर ४२०० पर्यंत होते, तर आंबेमोहरचे दर ५ हजार रुपयांपर्यंत होते. आंबेमोहरला युरोप व अमेरिकेसह आखाती देश आणि बांग्लादेशातून मागणी वाढल्याने विक्रमी भाववाढ झाल्याचे शहा यांनी सांगितले.
 

असे आहेत दर (क्विंटल)

  • आंबेमोहर  :  ७ हजार ५०० 
  • बासमती  :  ७ हजार ५०० 
  • गावरान कोलम  :  ४ हजार 
  • इंद्रायणी  :  ४ हजार ५०० ते ५ हजार ५००
  • कोलम (एचएमटी, लचकारी) : ४ हजार ते ५ हजार

 


इतर बातम्या
भविष्यात देशी कपाशीला गतवैभव प्राप्त...परभणी: देशी कपाशीचे वाण रसशोषण करणाऱ्या किडीसाठी...
शेती उत्पादन वाढीसाठी मधमाश्‍यांचा मोठा...नाशिक: मधमाश्‍यांचे संगोपन करून त्यांच्या...
कृत्रिम रेतनावर नियंत्रण योग्यचपुणे : कृत्रिम रेतन करताना शास्त्रोक्त...
नुकसानग्रस्त शेतकऱ्यांसाठी २२७ कोटी...मुंबई: राज्यात जुलै ते ऑक्टोबर दरम्यान...
बेदाणा दरात वाढीचे संकेतसांगली ः दिवाळीनंतर बेदाण्याचे सौदे सुरु झाले...
पीकविमा कंपन्यांच्या नफेखोरीला चाप लावा...पुणे: कृषी विभागाच्या कामकाजाची माहिती...
द्राक्षाचे ४० वाण आयात करणार : डॉ. ए....पुणेः शेतकऱ्यांचे उत्पन्न दुप्पट करण्याच्या...
सुटीच्या दिवशीही बाजार समित्या सुरू ठेवापुणे: अवकाळी पावसाने लांबलेल्या शेतमालाच्या...
विदर्भापाठोपाठ खानदेशात थंडी वाढतेयपुणे ः राज्यातील अनेक भागांत हवामान कोरडे...
पणन महासंघाकडून ९ कोटी रुपयांचे चुकारेअमरावती ः राज्यात महाराष्ट्र राज्य सहकारी कापूस...
कडधान्यवर्गीय बियाणे उत्पादकांना अनुदान...अकोला  ः कडधान्यवर्गीय पिकांच्या पायाभूत...
नुकसानग्रस्तांना ५,३०० कोटींचा दुसरा...मुंबई : देवेंद्र फडणवीस यांनी दुसऱ्यांदा...
अमरावती ‘एसआयटी’कडूनही अजित पवार निर्दोषमुंबई : नागपूर विभागातील सिंचन घोटाळ्यापाठोपाठ...
साहेब, शेतीसाठी दिवसा वीज द्या हो...अकोला  ः रब्बी हंगामात सिंचनाचे काम सुरू...
नांदेड जिल्ह्यात कृषी योजनेंतर्गत १...नांदेड : जिल्हा परिषदेच्या कृषी...
पुणे विभागात गळीत हंगामात १८ साखर...पुणे : गळीत हंगाम सुरू होऊन जवळपास दीड महिना होत...
खानदेशात ज्वारीची आवक नगण्य, दरही...जळगाव  ः खानदेशातील प्रमुख बाजार...
नगर जिल्ह्यात पाण्याअभावी २४० पाणी...नगर : आक्टोबर महिन्यात जिल्हाभर जोरदार पाऊस...
जळगाव जिल्ह्यात सिंचनासाठी धरणांतून पाच...जळगाव  ः पावसाळ्यात सरासरीच्या तीस टक्के...
नगर जिल्ह्यात सरासरीच्या ३१ टक्के...नगर : जिल्ह्यामध्ये यंदा चांगला पाऊस झाल्याने...