Agriculture news in Marathi Rates stabilize as currants rise | Agrowon

बेदाण्याला उठाव असल्याने दर स्थिर

टीम अॅग्रोवन
गुरुवार, 23 सप्टेंबर 2021

सणांमुळे बेदाण्याला चांगली मागणी आहे. त्यामुळे बेदाण्याचा उठाव होत आहे. गेल्या महिनाभरापासून बेदाण्याचे दर स्थिर आहेत. सध्या बेदाण्याला प्रति किलोस १७५ ते २४० रुपये असा दर मिळत आहे.

सांगली ः सणांमुळे बेदाण्याला चांगली मागणी आहे. त्यामुळे बेदाण्याचा उठाव होत आहे. गेल्या महिनाभरापासून बेदाण्याचे दर स्थिर आहेत. सध्या बेदाण्याला प्रति किलोस १७५ ते २४० रुपये असा दर मिळत आहे. दसरा आणि दिवाळीसाठी देशभरातून बेदाण्याची खरेदी सुरू झाली असून, दर टिकून राहतील, असा अंदाज बेदाणा उद्योगातील जाणकारांनी व्यक्त केला आहे.

जुलै, ऑगस्ट महिन्यात कोरोनाची तिसरी लाट येणाऱ्याची जोरदार चर्चा सुरू झाली होती. त्यामुळे व्यापाऱ्यांनी परिस्थिती पाहूनच बेदाण्याच्या खरेदीला सुरुवात केली होती. देशातून बेदाण्याला मागणी वाढली आहे. त्यामुळे जुलै-ऑगस्ट महिन्यांपासून बेदाण्याच्या दरात वाढ होण्यास प्रारंभ झाला. त्यानंतर येणारा उत्सवामुळे पुन्हा बाजारात बेदाणा खरेदीसाठी व्यापाऱ्यांची पुढे आले. 

ऑगस्ट महिन्यापासून गोकुळ अष्टमी आणि गणपती उत्सवामुळे बेदाण्याची विक्री सुरू झाली आहे. त्यादरम्यान बेदाण्याला प्रति किलोस १६० ते २१० रुपये असा दर होता. मात्र सप्टेंबरच्या पहिल्या आठवड्यात अफगाणिस्तान देशावर तालिबान्यांनी कब्जा केला होता. त्याचा परिणाम देशातील बेदाण्याच्या दरावर झाला होता. अर्थात, बेदाण्याच्या दरात वाढ झाली होती. वास्तविक पाहता, एका महिन्यात बेदाण्याच्या दरात प्रति किलोस २५ ते ३० रुपयांनी वाढ वाढ झाली होती.

ऑगस्टच्या अखेरी ६० ते ६५ हजार टन बेदाणा शीतगृहात होता. आता दसरा आणि दिवाळी सणानिमित्त बाजारात बेदाण्याची खरेदी सुरू झाली आहे. बहुतांश व्यापाऱ्यांनी अगोदरच बेदाणा खरेदी केला आहे. गतवर्षी याच दरम्यान, राज्यात ९० ते ९५ हजार टन बेदाणा शीतगृहात होता. सप्टेंबरच्या शेवटच्या आठवड्यात ५० ते ६० हजार टन बेदाणा शीतगृहात आहे. अर्थात, गतवर्षीपेक्षा यंदा बेदाण्याला देशभरातून मागणी वाढली आहे. गेल्या वर्षीपेक्षा ३५ ते ४० हजार हजार टनांनी बेदाण्याची अधिक विक्री झाली आहे. बेदाण्याला मागणी आणि उठाव असला तरी बेदाण्याचे दर टिकून आहेत. त्यामुळे याचा फायदा बेदाणा उत्पादक शेतकऱ्यांना होता आहे.

 व्यापाऱ्यांचा मार्केटिंगचा नवा फंडा
सध्या बेदाण्याचे सौदे सुरू आहेत. गेल्या दोन दिवसांपूर्वी तासगाव येथील सौद्यात प्रति किलोस ३२१ रुपये असा दर मिळाला. परंतु हा दर बेदाण्याचे प्रती १५ किलोचे २५ बॉक्सला मिळाला होता. अर्थात एकूण बेदाणा ३७५ किलो होता. त्याची प्रसिद्धी व्यापाऱ्यांकडून केली गेली. तसेच हा दर शेतकऱ्यांपर्यंत पोहोचवला गेला. बेदाण्याला अधिक दर मिळत असल्याने शेतकरी विक्रीस पुढे येतो. पण प्रत्यक्षात बेदाण्याला सरासरी १७५ ते २४० असा दर असतो. म्हणजे व्यापाऱ्यांनी मार्केटिंगचा नवा फंडा सुरू केल्याने याचा फटका शेतकऱ्यांना बसतो आहे. त्यामुळे अशा व्यापाऱ्यांवर बाजार समिती नियंत्रण आणणार का, असा प्रश्‍न उपस्थित होऊ लागला आहे.


इतर अॅग्रोमनी
गुजरातमधून गुळाला मागणी वाढलीकोल्हापूर : यंदा गुजरातमधून गुळाला मागणी वाढत आहे...
खाद्यतेलाच्या दराऐवजी सोयाबीन दरात मोठी...पुणे : निवडणुका आणि सणांच्या पार्श्‍वभूमीवर...
मोदीजी, तुमच्यासारख्या व्यक्तीकडून ही...अहमदाबाद, गुजरात : खरिपातील तेलबिया बाजारात...
मागणीमुळे कापसाला यंदा दराची झळाळीपुणे : कोरोनानंतरच्या काळात वाढलेली मागणी आणि...
खाद्यतेलाच्या वाढत्या दरामुळे मोहरीच्या...पुणे : खाद्यतेलाच्या वाढत्या दर आणि...
देशांतर्गत कडधान्य उत्पादनवाढ गरजेचीपुणे : गेल्या तीन दशकांत कडधान्य लागवड आणि...
भारतीय साखरेसाठी यंदा ‘फिलगुड’गेल्या महिन्याच्या कालावधीत साखर उद्योगासाठी...
‘महानंद’ला बदनाम करण्याचे प्रयत्न : ...मुंबई : कोरोनाची भयंकर परिस्थिती असताना ‘महानंद’...
‘एम’ अध्यक्षपदी राजकुमार धुरगुडे पाटील...पुणे ः देशपातळीवर कृषी निविष्ठा निर्मिती...
भारतात होणारी सोयापेंड निर्यात...पुणे : भारत सरकारने जणुकीय सुधारित सोयापेंड...
बेदाण्याला उठाव असल्याने दर स्थिरसांगली ः सणांमुळे बेदाण्याला चांगली मागणी आहे....
खरिपात तेलबिया उत्पादनात घट होणारपुणे : खरीप हंगाम २०२१-२२ मध्ये तेलबिया...
साखरनिर्यातीचे १८०० कोटींचे अनुदान मंजूरकोल्हापूर : केंद्राने २०२०-२१ या हंगामात निर्यात...
देशभरात सोयाबीन ५५०० ते ७३००च्या दरम्यानपुणे : सध्या बाजारात येणाऱ्या सोयाबीनपैकी ज्या...
खाद्यतेल आयात शुल्क  कपातीचा ग्राहकांना...पुणे : केंद्र सरकारने देशांतर्गत वाढत्या...
तूर, उडीद आयात कालावधी वाढविल्याचा होईल...पुणे : केंद्र सरकारने तूर आणि उडीद आयातीसाठीचा...
हळद निर्यात ऑगस्टमध्ये ११ टक्क्यांनी...पुणे : देशात निर्यातयोग्य हळदीचा साठा उपलब्ध आहे...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
केंद्राच्या निर्य़ातीनंतर सोयाबीनच्या...पुणे : केंद्र सरकारने खाद्यतेल आयात शुल्कात कपात...
केंद्र सरकारकडून खाद्यतेल आयात शुल्कात...नवी दिल्ली ः देशात खाद्यतेलाच्या वाढत्या किमतीवर...