agriculture news in Marathi ration shopkeepers on strike for various demand Maharashtra | Agrowon

विविध मागण्यांसाठी रेशन दुकानदार  संपावर 

टीम अॅग्रोवन
बुधवार, 3 जून 2020

राज्यातील स्वस्त धान्य दुकानदार व त्यांच्यासोबत काम करणाऱ्या मदतनिसांना विमा मिळावा या मागणीसाठी सातत्याने पाठपुरावा केला आहे. याबाबत संबंधित खात्याने सदर प्रस्ताव अर्थ खात्याकडे पाठविल्याचे वारंवार सांगण्यात आले आहे. 

नाशिक: राज्यातील स्वस्त धान्य दुकानदार व त्यांच्यासोबत काम करणाऱ्या मदतनिसांना विमा मिळावा या मागणीसाठी सातत्याने पाठपुरावा केला आहे. याबाबत संबंधित खात्याने सदर प्रस्ताव अर्थ खात्याकडे पाठविल्याचे वारंवार सांगण्यात आले आहे. मात्र रेशन दुकानदारांना विम्याचे संरक्षण मिळावे त्याचबरोबर अन्य मागण्या मान्य होत नाहीत तोपर्यंत संपावर जाण्याचा निर्णय ऑल महाराष्ट्र फेअर प्राईज शॉप किपर्स फेडरेशनने घेतला आहे. त्यानुसार राज्यातील ५२ हजार रेशन दुकाने सोमवार (ता.१) पासून बेमुदत बंद ठेवण्यात आले आहेत. 

राज्यातील रेशन दुकानदारांचे अनेक प्रश्न प्रलंबित आहेत. त्यातच आता कोरोनाच्या पार्श्वभूमीवर रेशन वितरणाचे कामकाज सुरू आहे. मात्र शासन मागण्यांबाबत सकारात्मक निर्णय घेत नाही तोपर्यंत बंद सुरू ठेवण्याचा निर्णय फेडरेशनने घेतला आहे. राज्यात कोरोनाचा संसर्ग वाढत असताना रेशन दुकानदार लाभार्थी शिधा पत्रिका धारकांना रेशनचे वितरण करत आहे. त्यामुळे संसर्ग होण्याची शक्यता नाकारता येत नाही. त्यामुळे त्यांचा परिमाण त्यांच्या कुटुंबीयांवर होऊ शकतो, असे मुख्यमंत्री उद्धव ठाकरे व उपमुख्यमंत्री अजित पवार यांना पाठवलेल्या पत्रात नमूद करण्यात आले आहे. 

सरकारने मागण्या मान्य न केल्यास ३१ मेपासून दुकानदारांनी जून महिन्याचे धान्य उचलण्यासाठी चलन भरणे बंद केले. त्याचाच भाग म्हणून सोमवारपासून बेमुदत रेशन दुकानदारांनी बंद पुकारला आहे. संपूर्ण राज्यात कोरोनाचा प्रादुर्भाव असताना जीव धोक्यात घालून काम करणाऱ्या रेशन दुकानदारांना सरकारने विमा संरक्षण द्यावे. शासनाने परवानाधारक रास्त भाव दुकानदार व मदतनीस यांच्याकडे दुर्लक्ष करू नये. शासनाने या घटकांकडे मानवतावादी दृष्टिकोनातून पाहावे, अशी मागणी करण्यात आली आहे. 

आम्ही पण सरकारचे घटक म्हणून काम करतो 
राज्यातील नागरिकांना वेळेवर रेशन मिळावे यासाठी जीव धोक्यात घालून राज्यातील ५२ हजार रेशन दुकानदार काम करत आहेत. एकीकडे सरकार कोरोनाच्या पार्श्वभूमीवर काम करणाऱ्या राज्य परिवहन महामंडळ, होमगार्ड, आरोग्य कर्मचारी यांचा विमा उतरवत आहे. आम्ही जोखीम पत्करून काम करतोय, मग आम्हांला जीव नाही का? आम्ही पण सरकारचे घटक म्हणून काम करतोय मग अशी सापत्न वागणूक का? असा सवाल फेडरेशनचे अध्यक्ष माजी खासदार गजानन बाबर यांनी उपस्थित केला आहे. 
 


इतर बातम्या
दुभत्या जनावरांच्या किमतीतही चाळीस...नगर ः दुधाचे दर कमी-जास्ती झाले की दुभत्या...
‘कृषी अधिकारीच म्हणतात, खतांसंदर्भात...पुणे ः शेतकऱ्यांना खतांची टंचाई भासत आहे. कृषी...
सिंधुदुर्गात मुसळधार सुरूच, पुरस्थिती...सिंधुदुर्ग  ः जिल्ह्यात मुसळधार पाऊस सुरूच...
कोल्हापुरातील छोटे प्रकल्प भरू लागलेकोल्हापूर :  जिल्ह्याच्या पश्चिम भागात पाऊस...
हमाल, मापाडी तोलणारांचे प्रश्‍न सोडवा ः...पुणे ः राज्यातील अनेक भागांत हमाल तोलाईदारांना...
रत्नागिरीत नऊ हजार हेक्टरवर फळबाग...रत्नागिरी  ः कोरोनाच्या सावटातही जिल्ह्यात...
फळपीक विमा योजना शेतकऱ्यांसाठी की कंपन्...नगर : नवीन निकषांप्रमाणे फळपीक विमा योजनेचा लाभ...
‘सारथी’ बंद होणार नाही, आठ कोटींचा निधी...मुंबई : राज्य सरकारने मराठी तरुणांच्या व्यावसायिक...
खते, बी- बियाणे विक्रेत्यांची दुकाने...कोल्हापूर : निकृष्ट बियाणे प्रकरणी बियाणे...
हिंगोली जिल्ह्यात आतापर्यंत ७१.२० टक्के...हिंगोली : जिल्ह्यात यंदाच्या खरीप हंगामात बुधवार...
वऱ्हाडातील अडीच हजारांवर कृषी...अकोला ः कृषी विक्रेत्यांच्या विविध मागण्यांसाठी...
कृषी योजनांचे उद्दिष्ट तीन...नगर ः कृषी विभागातून शेतकऱ्यांसाठी देण्यात...
सोलापूर जिल्ह्याच्या वाट्याला ५६७ कोटी...सोलापूर : महात्मा जोतिराव फुले शेतकरी कर्जमुक्ती...
पीकपद्धतीमधील बदल अधिक लाभदायक ः...अकोला ः रासायनिक खतांचा अवाजवी वापर, मशागतीच्या...
सोलापुरात निकृष्ट सोयाबीन...सोलापूर  ः जिल्ह्यात निकृष्ठ सोयाबीनबाबत...
सोयाबीनची पेरणी खानदेशात वाढलीजळगाव  ः खानदेशात तेलबियांमध्ये सोयाबीनचे...
यवतमाळ जिल्ह्यात कर्जमुक्तीसाठी...यवतमाळ : महात्मा जोतिराव फुले कर्जमाफी योजनेतील...
शेतकऱ्यांच्या प्रश्नी रयत क्रांती...नाशिक : खरिपाच्या तोंडावर सध्या शेती कामांना वेग...
राज्यातील २५ लाख खातेदारांना साडेसोळा...मुंबई : महात्मा जोतिराव फुले शेतकरी कर्जमुक्ती...
बागलाण तालुक्यात खत पुरवठा करून पिळवणूक...सटाणा, जि. नाशिक : बागलाण तालुक्यात गेल्या...