Agriculture news in marathi Ratnagiri, Sangameshwar, Rajapur was lashed by rains | Agrowon

रत्नागिरी, संगमेश्‍वर, राजापूरला पावसाने झोडपले 

टीम अॅग्रोवन
मंगळवार, 15 जून 2021

सलग दुसऱ्या दिवशी रत्नागिरी तालुक्यासह राजापूरला मुसळधार पावसाचा तडाखा बसला. काजळी नदीला पूर आला आहे. हातखंबा, निवळी, चांदेराई यासह रत्नागिरी शहरामध्ये अनेक घरांमध्ये पाणी घुसले.

रत्नागिरी : सलग दुसऱ्या दिवशी रत्नागिरी तालुक्यासह राजापूरला मुसळधार पावसाचा तडाखा बसला. काजळी नदीला पूर आला आहे. हातखंबा, निवळी, चांदेराई यासह रत्नागिरी शहरामध्ये अनेक घरांमध्ये पाणी घुसले. यामध्ये लाखोंचे नुकसान झाले. टेंभ्ये आणि पोमेंडी या गावांना जोडणाऱ्या पुलावरून दुचाकीसह आणि एक चार चाकी गाडी वाहून गेली. सुदैवाने गाडीतील प्रवाशांना वेळीच बाहेर काढण्यात आले होते. 

जिल्ह्यात मागील चोवीस तासांत सरासरी ९८.६९ मिमी नोंद झाली. मंडणगड ५१, दापोली ९९.७०, खेड ७९.८०, गुहागर ९७.९०, चिपळूण ३२.४०, संगमेश्वर १२३.९०, रत्नागिरी १९३.३०, राजापूर ११४.८०, लांजा ९५.४० मिमी पाऊस झाला. रविवारी दुपारनंतर मुसळधार पावसाला सुरुवात झाली. वेगवान वाऱ्या‍बरोबर पावसाचा जोरही वाढत गेला. मध्यरात्रीपर्यंत पावसाचे तांडव सुरूच होते.

यामुळे रत्नागिरी तालुक्यात ठिकठिकाणी माती घसरण्याच प्रकार घडले. काजळी नदीने रात्री बारा वाजता धोक्याची पातळी ओलांडली होती. पुलाला पाणी लागले. बाजारात पाणी भरण्याची शक्यता होती. सोमेश्वर मोहल्ल्यात पाणी शिरले होते. टेंभ्ये गावात पुरजन्य परिस्थिती होती. टेंभ्ये आणि पोमेंडी या गावांना जोडणाऱ्या पुलावरुन पाणी जात होते. रत्नागिरी शहरातील मच्छिमार्केट, बाजारपेठ परिसरात पावसाचे पाणी शिरले पाच घरांचे स्थलांतर करण्यात आले. 

संगमेश्वर तालुक्यात वायंगणी येथे कोसळलेली दरड हटविण्याचे काम सुरू होते. कांटे येथील रस्त्यावरील मोरी खचल्यामुळे रस्ता बंद झाला. संगमेश्वर रस्त्यावर झाडे कोसळल्यामुळे रस्ता बंद केला. पोमेंडी येथील सुरेश पवार यांच्या घरात पावसाचे पाणी शिरल्याने अंशत: नुकसान झाले. लांजा-वेरळ रस्त्यावर दरड कोसळले. रत्नागिरी तालुक्यात निवळी येथे डोंगरातून आलेले चिखलाचे पाणी चार घरात शिरले. तसेच पावसाचे पाणी सुभाष शिंदे यांच्या घरात शिरुन मोठे नुकसान झाले.

हातखंबा येथील दोन घरात नदीच्या पुराचे पाणी घुसले होते. चोहोबाजूने पाणीच पाणी असल्यामुळे घरात अडकून पडलेल्या एका व्यक्तीला ग्रामस्थांचे रेस्क्यू करण्यात आले. हरचिरी मार्गावर दरड कोसळल्याने चार वाड्यांचा संपर्क तुटला. सायंकाळी उशिरापर्यंत दरड काढण्याचे काम सुरू होते.
 


इतर ताज्या घडामोडी
युरियाची विषबाधा टाळण्यासाठी काळजी...युरियाची विषबाधा ही सर्व पाळीव प्राण्यांमध्ये...
जळगाव जिल्ह्यात ५७ टक्के पाऊसजळगाव : जिल्ह्यात आतापर्यंत ५७ टक्के पाऊस झाला...
शनिवारपर्यंत सुरू राहणार मका, ज्वारीची...औरंगाबाद : राज्यात रब्बीतील मका व ज्वारी खरेदीला...
परभणी जिल्ह्यात पीकविमा तक्रारींचा...परभणी ः पंतप्रधान पीकविमा योजनेअंतर्गंत टोल फ्री...
नाशिक जिल्ह्यात धरणसाठा ४६ टक्क्यांवरनाशिक : गत सप्ताहात जिल्ह्यातील धरणांच्या पाणलोट...
सोलापूर ःविमा कंपनी शेतकऱ्यांपर्यंत...सोलापूर ः सोलापूर जिल्ह्यात पीकविम्यासाठी भारती...
अकोला ः नैसर्गिक आपत्तीनंतर पीकविमा...अकोला ः पीकविमा हा आपत्तीच्या काळात शेतकऱ्यांना...
मंगळवेढ्यात सूर्यफूल पीकविम्यातून वगळलेमंगळवेढा, जि. सोलापूर ः मंगळवेढा तालुक्यात...
कोल्हापूर : पीकविम्याच्या ऑनलाइन...कोल्हापूर : विमा योजनेत सहभागाबाबतीत राज्यात...
नाशिक : पीकविम्याबाबत तक्रारींचा पाढानाशिक : पीकविमा कंपन्यांची असक्षम यंत्रणा......
सिंधुदुर्गात कार्यालय; पण शेतकऱ्यांना...सिंधुदुर्गनगरी : विमा कंपनीचे सिंधुदुर्गनगरी येथे...
रत्नागिरी : पूरबाधित शेतकऱ्यांची...रत्नागिरी : जिल्ह्यातील नदी किनारी भागात पुरामुळे...
नांदेडमध्ये विमा कंपनीचे जिल्ह्याच्या...नांदेड : पंतप्रधान पीकविमा योजनेत जिल्ह्यासाठी...
नगर : विमा कार्यालय, हेल्पलाइन नंबरची... नगर : नुकसानीची शेतकऱ्यांना भरपाई मिळावी,...
कोल्हापूर : पूर फुटाने वाढला, इंचाने...कोल्हापूर : जिल्ह्यातील पूरस्थिती हळूहळू कमी होत...
राजकीय नेत्यांनी पूरग्रस्त भागांचे दौरे...मुंबई : राजकीय नेत्यांनी पूरग्रस्त भागाचे दौरे...
विमा कंपनीचा कारभार चालतोय कृषी...सातारा : जिल्ह्यात खरिपाच्या सुरूवातीस पावसाने...
चिपळूणमधील पूरग्रस्तांसाठी पुनर्वसन...रत्नागिरी : ढगफुटीसदृश पावसामुळे चिपळूणकरांचे...
पाणी ओसरताच तातडीने पंचनामेकोल्हापूर : पूरग्रस्तांना आवश्यक ती मदत राज्य...
शेतकरी नियोजन पीक : कांदाशेतकरी : नंदकुमार काशिनाथ उशीर गाव : धोडंबे, ता...