Agriculture news in Marathi Read complaints about crop insurance | Agrowon

नाशिक : पीकविम्याबाबत तक्रारींचा पाढा

टीम अॅग्रोवन
बुधवार, 28 जुलै 2021

शेतकऱ्यांनी तक्रारींचा पाढाच वाचून दाखवला आहे. पीकविमा प्रस्ताव करणे, नुकसान झाल्यास ऑनलाइन तक्रार देणे, पाठपुराव्याची कार्यवाही होते. भरपाई मात्र मिळत नाही, असे शेतकऱ्यांचे म्हणणे आहे.

नाशिक : पीकविमा कंपन्यांची असक्षम यंत्रणा... क्षेत्रीय पातळीवर कृषी विभागाच्या कर्मचाऱ्यांची काही ठिकाणी वानवा... मिळत नसलेली पारदर्शक माहिती, यामुळे शेतकऱ्यांनी पीक विम्याकडे पाठ फिरवल्याची स्थिती आहे. अनेकांना जिल्हा कार्यालयांची माहितीच नाही. त्यामुळे कामकाजात पारदर्शकता व लाभ मिळण्याचा अभाव आहे. त्यामुळे शेतकऱ्यांनी तक्रारींचा पाढाच वाचून दाखवला आहे. पीकविमा प्रस्ताव करणे, नुकसान झाल्यास ऑनलाइन तक्रार देणे, पाठपुराव्याची कार्यवाही होते. भरपाई मात्र मिळत नाही, असे शेतकऱ्यांचे म्हणणे आहे.

नुकसान झाल्यानंतर विमा घेतलेले शेतकरी कंपन्यांना संपर्क साधतात. मात्र, अपेक्षित प्रतिसाद मिळत नसल्याची तक्रार कृषिमंत्र्यांकडे करण्यात आली. त्यामुळे पीक विम्याबाबत भोंगळ कारभार पुन्हा एकदा उघडकीस आला. याबाबत शेतकरी म्हणाले, की पीकविमा आहे, मात्र शेतकऱ्यांच्या हितासाठी तो नाही. नैसर्गिक आपत्तीमुळे नुकसान झाल्यानंतर पीक विमा कंपन्यांच्या टोल फ्री नंबरवर फोन करतो. मात्र संपर्क होत नाही. झाला तर म्हणणे विचारात घेतले जात नाही. मागील वर्षी अनेक शेतकऱ्यांनी पीक विमा भरला. मात्र, नुकसान होऊन पीकविमा कंपनीला माहिती देऊन व पंचनामे होऊनही परतावा मिळाला नसल्याचे शेतकऱ्यांचे म्हणणे आहे. 

पीकविम्याविषयी कृषी विभागाच्या क्षेत्रीय पातळीवर कर्मचाऱ्यांना विचारले असता वरिष्ठ कार्यालयाला विचारतो, सांगतो, अशी उत्तर दिले जातात. निफाड तालुक्यातील पूर्व भागात काही गावात कृषी सहायक नसल्याने माहितीच मिळत नसल्याचा आरोप शेतकऱ्यांनी केला. पीकविम्याची भरपाई मिळण्यासाठी शेतकऱ्यांना तक्रार करण्यासाठी सक्षम यंत्रणा उपलब्ध नाही. ‘पीक विमा शेतकऱ्यासाठी तोट्याचा; कंपनीसाठी नफ्याचा’ असल्याने शासन पीक विमा योजना कशासाठी काढायला लावते. शासनाने शेतकऱ्यांचा विचार करावा, असे शेतकऱ्यांचे म्हणणे आहे. नुकसान झाल्यानंतर ७२ तासांमध्ये तक्रारी करूनही संबंधित यंत्रणांचे प्रतिनिधी वेळेवर येत नाहीत. कृषी विभाग आवाहन करते. मात्र लाभच मिळत नसला, तर फायदा काय?

पीकविमा कार्यालय नावालाच 
कृषी आयुक्तालयाच्या सूचनेनुसार जिल्हा अधीक्षक कृषी अधिकारी कार्यालयात पीक विमा कार्यालय कार्यान्वित करण्यात आल्याचे समजते. विमा कंपनीच्या प्रतिनिधींना टेबल देण्यात आला आहे. मात्र शेतकऱ्यांना याबाबत माहितीच नसल्याचे शेतकऱ्यांना विचारणा  केल्यानंतर समोर आले.

मागील वर्षीच्या तुलनेत या वर्षी पीक विमा घेण्यासाठी कमी प्रतिसाद आहे. विमा उतरलेला आहे, त्या कंपनीच्या अधिकाऱ्यांमार्फत पंचनामा झाला पाहिजे. 
- किरण लभडे, शेतकरी, निमगाव मढ, ता. येवला.


इतर ताज्या घडामोडी
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...