सांगोला तालुक्यातील छावणीचालकांचे ५६ कोटी रुपये प्राप्त

Received Rs. 56 crores of fodder campers in Sangola taluka
Received Rs. 56 crores of fodder campers in Sangola taluka

सोलापूर : ‘‘सांगोला तालुक्‍यात १४६ चारा छावण्यांवर तब्बल १३२ कोटी ५९ लाख ७७ हजार रुपये खर्च झाले आहेत. यापूर्वी शासनाकडून प्राप्त झालेले ३८ कोटी ७५ लाख रुपये छावणीचालकांच्या खात्यांत जमा केले आहेत. त्यांचे थकीत अनुदान देण्यासाठी केंद्र व राज्य सरकारकडून तालुक्‍यासाठी ५६ कोटी नऊ लाख ९० हजार रुपये प्राप्त झाले. ते छावणीचालकांच्या खात्यात जमा करण्याची प्रक्रिया सुरू आहे,’’ अशी माहिती तहसीलदार योगेश खरमाटे यांनी दिली. 

दुष्काळात तालुक्‍यात १४६ छावण्यांमध्ये सुमारे एक लाख ३१ हजार लहान-मोठी जनावरे दाखल होती. एकाच वेळी एवढ्या मोठ्या संख्येने छावण्यांत जनावरांच्या चारापाण्याची सोय केली. त्यामुळे बाजारात कवडीमोल विक्री होणारे लाखमोलाचे पशुधन जगविण्यासाठी पशुपालकांना मदत झाली. परतीच्या पावसाने चारा उपलब्ध झाल्याने १३ ऑक्‍टोबर रोजी तालुक्‍यातील सर्व छावण्या बंद करण्यात आल्या.

तालुक्‍यातील १४६ चारा छावण्यांवर तब्बल १३२ कोटी ५९ लाख ७२ हजार रुपये खर्च झाले. चारा छावण्यांना अनुदान देण्यासाठी महसूल प्रशासनाकडे यापूर्वी प्राप्त झालेली ३८ कोटी ७५ लाख रुपयांची रक्कम छावणीचालकांच्या बॅंक खात्यांवर वर्ग करण्यात आली आहे. उर्वरित बिले मिळण्यासाठी छावणीचालकांनी प्रशासनाकडे मागणी केली होती. मंगळवारी (ता. २६) चारा छावण्यांची थकीत बिले देण्यासाठी केंद्र व राज्य सरकारचा निधी सांगोला तहसील कार्यालयाकडे प्राप्त झाला आहे.

केंद्र सरकारकडून जुलै महिन्यासाठी  २० कोटी ९७ लाख १४ हजार २९५ रुपये व ऑगस्ट महिन्यासाठी १८ कोटी २९ लाख ७८ हजार ७०५ रुपये, असे एकूण ३९ कोटी २६ लाख ९३ हजार रुपये प्राप्त झाले आहेत. 

राज्य सरकारकडून जुलै महिन्यासाठी आठ कोटी ९८ लाख ७७ हजार ५५५ रुपये व ऑगस्ट महिन्यासाठी सात कोटी ८४ लाख १९ हजार ४४५ रुपये असे एकूण १६ कोटी ८२ लाख ९७ हजार रुपयांचे अनुदान प्राप्त झाले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com