Agriculture news in marathi Recognition of 'Corona' testing laboratory in Nashik | Agrowon

नाशिकमध्ये ‘कोरोना’ तपासणी प्रयोगशाळेला मान्यता 

टीम अॅग्रोवन
बुधवार, 22 एप्रिल 2020

नाशिक  : जिल्ह्यातील नाशिक जिल्हा मराठा विद्या प्रसारक समाज संस्थेच्या डॉ. वसंतराव पवार वैद्यकीय महाविद्यालय व वैद्यकीय संशोधन संस्थेत ‘कोरोना’ तपासणी प्रयोगशाळेला केंद्र सरकारच्या अखिल भारतीय आयुर्विज्ञान संस्थेने मान्यता दिली असून, त्यामुळे ‘कोरोना’ विरोधी लढा देण्यासाठी बळ मिळणार आहे. यासाठी पालकमंत्री छगन भुजबळ व विधानसभेचे उपाध्यक्ष नरहरी झिरवाळ, सर्व लोकप्रतिनिधी तसेच जिल्हा प्रशासन, समस्त नाशिककरांनी गेल्या आठ दिवसांत घेतलेल्या चिवट प्रयत्नांची फलश्रृती जिल्ह्यासाठी असल्याची भावना जिल्हाधिकारी सूरज मांढरे यांनी व्यक्त केली आहे. 

नाशिक  : जिल्ह्यातील नाशिक जिल्हा मराठा विद्या प्रसारक समाज संस्थेच्या डॉ. वसंतराव पवार वैद्यकीय महाविद्यालय व वैद्यकीय संशोधन संस्थेत ‘कोरोना’ तपासणी प्रयोगशाळेला केंद्र सरकारच्या अखिल भारतीय आयुर्विज्ञान संस्थेने मान्यता दिली असून, त्यामुळे ‘कोरोना’ विरोधी लढा देण्यासाठी बळ मिळणार आहे. यासाठी पालकमंत्री छगन भुजबळ व विधानसभेचे उपाध्यक्ष नरहरी झिरवाळ, सर्व लोकप्रतिनिधी तसेच जिल्हा प्रशासन, समस्त नाशिककरांनी गेल्या आठ दिवसांत घेतलेल्या चिवट प्रयत्नांची फलश्रृती जिल्ह्यासाठी असल्याची भावना जिल्हाधिकारी सूरज मांढरे यांनी व्यक्त केली आहे. 

श्री. मांढरे म्हणाले की, अखिल भारतीय आयुर्विज्ञान संस्थेच्या नागपूर कार्यालयाने सोमवारी (ता. २०) जिल्ह्यातील डॉ. वसंतराव पवार वैद्यकीय महाविद्यालय तथा मेडिकल रिसर्च सेंटरमध्ये ‘कोरोना’ तपासणी प्रयोगशाळेला सर्व निकषांवर पूरिपूर्ण ठरल्याबद्दल मान्यता दिली आहे. नाशिक जिल्ह्यातील संभाव्य ‘कोरोना’बाधितांची संख्या पाहता पुणे व धुळे येथे प्रलंबित राहणारी रिपोर्ट संख्या पाहता नाशिकमध्ये स्वतंत्र ‘कोरोना’ तपासणी लॅब असावी, अशी मागणी वाढू लागली होती. 

पालकमंत्री छगन भुजबळ, विधानसभेचे उपाध्यक्ष नरहरी झिरवाळ यांनी व सर्व लोकप्रतिनिधींनी त्यासाठी आग्रही पुढाकार घेतला होता. इमर्जन्सी ऑपरेशन सेंटरच्या माध्यमातून सहाय्यक जिल्हाधिकारी तथा उपविभागीय अधिकारी कुमार आशिर्वाद यांच्यावर ही लॅब स्थापित करण्याची जबाबदारी सोपवण्यात आली होती. त्यांनी व त्यांच्या टीमने ही जबाबदारी अत्यंत सचोटीने पार पाडत अवघ्या आठ दिवसांत ही प्रयोगशाळा सर्व निकषांवर परिपूर्णपणे सुरू करण्यात यश मिळवले असल्याचे जिल्हाधिकारी श्री. मांढरे यांनी सांगितले. 

आठ दिवसांपूर्वी अखिल भारतीय आयुर्विज्ञान संस्थेने डॉ. पवार वैद्यकीय महाविद्यालयात ‘कोरोना’ टेस्टींग लॅब सुरू करता येऊ शकते, असे संकेत दिले होते. त्यानुसार महाविद्यालयाच्या अधिष्ठाता डॉ. मृणाल पाटील, दातार लॅबचे डॉ. दादासाहेब अकोलकर, अपोलो हॉस्पिटलचे व्यवस्थापन यांच्यात समन्वय घडवून आणला. दातार व लॅब व अपोलो हॉस्पिटल यांनी या लॅबसाठी लागणारे त्यांच्याकडे उपलब्ध असलेले सर्व इक्विपमेंट देण्याची तयारी दर्शवली. मायक्रोबाॅयलाॅजिस्ट डॉ. निता गांगुर्डे व त्यांच्या दोन तंत्रज्ञ यांना नागपूर येथे प्रशिक्षणासाठी गेल्या आठवड्यात पाठवण्यात आले. त्यांच्या प्रशिक्षणानंतर शनिवारी, रविवारी त्यांच्याकडून ब्लॅक सॅम्पल्सची चाचणी घेतली. ती चाचणी दोन वेगवेगळ्या स्तरावर बरोबर निघाल्यानंतरच अखिल भारतीय आयुर्विज्ञान संस्थेने मान्यता दिली. 
 


इतर बातम्या
बार्शी बाजार समितीत उडीद, मूग हमीभाव...सोलापूर : बार्शी कृषी उत्पन्न बाजार समितीमध्ये...
नाशिक जिल्ह्यात अतिवृष्टीमुळे दाणादाणनाशिक : पावसाळा सुरू झाल्यानंतर अनेक ठिकाणी...
नाशिकमध्ये कांदा निर्यातबंदीमुळे कामकाज...नाशिक : केंद्राच्या वाणिज्य मंत्रालयाने कांदा...
पीक कर्जासाठी बँकेत मुक्कामाची वेळ येऊ...बुलडाणा ः खरीप हंगामातील पिकांच्या काढणीची वेळ...
पाथरूड परिसरातील प्रकल्प तुडुंबपाथरूड, जि. उस्मानाबाद : पाथरूडसह परिसरात...
सिंधुदुर्ग जिल्ह्यातील ९० टक्के...सिंधुदुर्ग ः जिल्ह्यातील ९० टक्के भातपिकांना...
परभणी, हिंगोलीत अतिवृष्टीमुळे पिकांवर...परभणी : खरीप हंगामातील सोयाबीन काढणीच्या, कापूस...
हिंगोली जिल्ह्यात सोयाबीनच्या शेंगांना...हिंगोली : गतवर्षी प्रमाणे यंदाही सोयाबीनचे पीक ऐन...
मराठवाड्यात पावसाचा धुमाकूळ सुरूचऔरंगाबाद : मराठवाड्यात पावसाचा धुमाकूळ सुरूच आहे...
‘जायकवाडी’तील विसर्गात घटऔरंगाबाद : जिल्ह्यातील जायकवाडी प्रकल्पातून...
निम्न दुधनातून ७१९० क्युसेकने विसर्गपरभणी : सेलु तालुक्यातील ब्रम्हवाकडी येथील दुधना...
अनुदानाअभावी मर्यादित लाभार्थ्यांना...सिंधुदुर्ग ः कोरोनामुळे शासनाने जिल्हा परिषदेच्या...
ऊसतोडणीच्या तिढ्यावर आज चर्चापुणे : दहा लाख ऊस तोडणी कामगारांच्या मागण्यांबाबत...
यवतमाळ जिल्ह्यात सोयाबीन शेंगांना फुटले...यवतमाळ : खोडकीड, चक्रीभुंगा त्यानंतर आता परिपक्व...
बुलडाणा : नवीन सोयाबीनला चिखलीत ३८८१...बुलडाणा ः या हंगामात लागवड केलेल्या सोयाबीनची...
संत्रा उत्पादकांना हेक्टरी लाखाची भरपाई...नागपूर : विदर्भात नैसर्गिक आपत्तीमुळे संत्रा,...
पुण्यात विशिष्ट ठिकाणीच लिंबे विक्रीला...पुणे ः गुलटेकडी येथील कृषी उत्पन्न बाजार समितीने...
पावसाने पुन्हा दाणादाणपुणेः मराठवाड्यासह नाशिक, नगर, पुणे आणि...
फवारणी विषबाधाप्रकरण स्वित्झर्लंडच्या...यवतमाळ: यवतमाळ जिल्ह्यातील तीन शेतकऱ्यांनी २०१७...
अभूतपूर्व गदारोळात कृषी विधेयके मंजूरनवी दिल्ली: गगनभेदी घोषणा, धक्काबुक्की,...