देऊर, जि. धुळे : निम्न पांझरा अक्कलपाडा मध्यम प्रकल्पाच्या डाव्या व उजव्या कालव्याच्या लाभक्षेत्रात समाविष्ट असलेल्या शेतकऱ्यांचा सिंचन व्यवस्थापनात सहभागी करून स्थापन केलेल्या पंधरा सहकारी पाणी वापर संस्थांना नुकतीच जलसंपदा विभागातर्फे मान्यता देण्यात आली.
या प्रकल्पांतर्गत जिल्ह्यात पहिल्यांदाच या पाणी वापर संस्थांना मान्यता देण्यात आली आहे. महाराष्ट्र सिंचन पद्धत शेतकऱ्यांकडून कायदा २००५ अन्वये धुळे मध्यम प्रकल्प विभागाचे कार्यकारी अभियंता आर. एस. बडगुजर यांनी पंधरापैकी १३ संस्थांना नुकतेच प्रमाणपत्र दिले.
केवळ ग्रामपंचायतीच्या पत्रामुळे उर्वरित दोन संस्थांच्या प्रमाणपत्राची औपचारिकता बाकी आहे. या पार्श्वभूमीवर लाभक्षेत्रातील शेतकऱ्यांमध्ये समाधानाचे वातावरण आहे. खंडलाय खुर्द, भदाणे, नूरनगर, महालकाळी, महालमळी, शिरधाने, कावठी, अकलाड, कुसुंबा, नवलाणे, मेहेरगाव, सुट्रेपाडा, उडाणे, गोताणे, सांजोरी, कुंडाणे गावांतील या संस्थांना कृषी विकासाचे एक व्यासपीठ उपलब्ध झाले आहे.
‘पर ड्रॉप मोअर क्रॉप` संकल्पना प्रत्यक्षात उतरविण्यासाठी पाणी नियोजन अत्यंत महत्त्वाचे आहे. त्यासाठी लाभार्थींचा सहभाग घेऊन सिंचनाचे नियोजन करण्यात आले आहे.
मान्यताप्राप्त पाणी वापर संस्था ... गाव क्षेत्र
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.