agriculture news in Marathi, record 103 crore expenditure in seven months on Kem project, Maharashtra | Agrowon

‘केम’ने केला सात महिन्यांत १०३ कोटी खर्चाचा विक्रम
टीम अॅग्रोवन
रविवार, 12 मे 2019

अमरावती ः आत्महत्याग्रस्त जिल्ह्यातील शेतकऱ्यांना दिलासा देण्यासाठी राबविण्यात आलेल्या २०० कोटी रुपयांच्या समन्वयित कृषी विकास प्रकल्पातून अवघ्या सात महिन्यांत तब्बल १०३ कोटी ५० लाख रुपयांचा निधी खर्च करण्यात आला. विशेष म्हणजे जलयुक्‍त शिवार व तत्सम उपक्रमांसाठी शासन स्तरावरून वेगळा निधी दिला जात असताना केममधूनही याच कामाकरिता निधी देण्यात आल्याचे धक्‍कादायक वास्तवही समोर आले आहे. 

अमरावती ः आत्महत्याग्रस्त जिल्ह्यातील शेतकऱ्यांना दिलासा देण्यासाठी राबविण्यात आलेल्या २०० कोटी रुपयांच्या समन्वयित कृषी विकास प्रकल्पातून अवघ्या सात महिन्यांत तब्बल १०३ कोटी ५० लाख रुपयांचा निधी खर्च करण्यात आला. विशेष म्हणजे जलयुक्‍त शिवार व तत्सम उपक्रमांसाठी शासन स्तरावरून वेगळा निधी दिला जात असताना केममधूनही याच कामाकरिता निधी देण्यात आल्याचे धक्‍कादायक वास्तवही समोर आले आहे. 

इंटरनॅशनल फंड फॉर ॲग्रिकल्चर (इफाड), टाटा ट्रस्ट यांच्या निधीतून समन्वयित कृषी विकास प्रकल्प राबविण्यात आला. तब्बल २०० कोटी रुपयांची तरतूद याकरिता करण्यात आली होती. आत्महत्याग्रस्त अकोला, वाशीम, बुलडाणा, अमरावती, यवतमाळ तसेच पूर्व विदर्भातील वर्धा अशा सहा जिल्ह्यांचा प्रकल्पात समावेश होता. २००९ पासून अंमलबजावणी झालेल्या या प्रकल्पाचा कालावधी २०१७ च्या डिसेंबरमध्येच संपला.

परंतू तत्कालीन प्रकल्प व्यवस्थापक गणेश चौधरी यांच्या मागणीमुळे प्रकल्पाला डिसेंबर २०१८ पर्यंतची मुदतवाढ देण्यात आली. तोवर हा प्रकल्पावरील ५० टक्‍के निधीदेखील खर्च झाला नव्हता. त्यामुळे राज्य सरकारची चांगलीच नाचक्‍की झाली होती. थोडाफार निधी खर्च झाला त्यातील मोठा हिस्सा हा केवळ कर्मचाऱ्यांच्या पगारावर खर्ची घालण्यात आला. सूत्रांनी दिलेल्या माहितीनुसार, २००९ ते २०१८ या दहा वर्षाच्या कालावधीत प्रकल्पांतर्गत १५३ कोटी रुपये खर्च झाले. यातील सर्वाधिक १०३ कोटी ५० लाख रुपये अवघ्या सात महिन्यांत खर्च करण्याचा विक्रम याच प्रकल्पातील अधिकाऱ्यांनी केला आहे.

प्रकल्पाचा कालावधी संपुष्टात येत असताना ५० टक्‍के निधीदेखील खर्च झाला नसल्यामुळे राज्य सरकार नाराज होते. त्यामुळे निधी खर्च करण्याची घाई लागलेल्या यंत्रणेने १०३ कोटी ५० लाख रुपये सात महिन्यांतच खर्ची घालण्याचा चमत्कार करून दाखविला. जिल्हा परिषद, जलसंपदा विभाग, भूजल सर्वेक्षण, सार्वजनिक बांधकाम विभाग त्यासोबतच जलयुक्‍त शिवारच्या कामांकरिता हा निधी उपलब्ध करून दिल्याने अनेकांच्या भुवया उंचावल्या आहेत. 

असा आहे निधी खर्च (कोटी रुपयांत)

२००९-१०    २.४५ 
२०१०-११     २.३६
२०११-१२    ७.१७
२०१२-१३   १६.७३
२०१३-१४     २५.०२
२०१४-१५     ३८.२३
२०१५-१६   १७.१३
२०१६-१७ २७.७७
२०१७-१८    १५.८०
२०१८-१९ १०३.५०

 
    

    
 

इतर अॅग्रो विशेष
सरकारला एवढी कसली घाई?विविध मंत्रालयांसाठी अर्थसंकल्पात केल्या जाणाऱ्या...
एक पाऊल पोषणक्रांतीच्या दिशेनेशे तकऱ्यांचे कष्ट, शास्त्रज्ञांचे प्रयत्न आणि...
आधुनिक तंत्रासह काटेकोर धोरणाने अमेरिकन...पुणेः विविध जागतिक संस्थांनी एकत्र येऊन आफ्रिकी,...
मक्याच्या तुटवड्यामुळे अंडी आणि चिकन...पुणे : दक्षिण भारतासह महाराष्ट्र व मध्य प्रदेशात...
लष्करी अळीमुळे राज्यभरातील शेतकरी त्रस्तपुणेः गेल्या वर्षी भीषण दुष्काळाचा सामना करणाऱ्या...
लष्करी अळी नियंत्रणाचे जागतिक प्रयत्नपुणे : स्पोडोप्टेरा फ्रुगीपर्डा म्हणजेच...
मक्यावरील अमेरिकन लष्करी अळीचे आव्हान...पुणे ः गेल्या हंगामातील दुष्काळाच्या चटक्यानंतर...
राज्यात सर्वदूर पावसाचा अंदाजपुणे : मॉन्सून पुन्हा सक्रिय झाल्याने राज्यात...
शेतकरी कंपन्या स्थापन करण्यासाठी करारपुणे ः नाबार्डच्या कंपनी विकास फंडातून...
कर्नाटकात गुऱ्हाळघरातून थेट व्यापार...सांगली ः कर्नाटकमध्ये हमाली आणि अडत कमी असल्याने...
पीकविम्याचे ३२५ कोटी कंपन्यांना वितरितमुंबई ः गेल्यावर्षीच्या खरिपातील पीकविमा योजनेचा...
ग्रामविकासावर खर्च झालेल्या निधीची...मुंबई: आपल्या ग्रामपंचायतीला गावातील...
दुष्काळातही कडवंचीत शेतीतून ७२ कोटींचे...जालना : ‘महाराष्ट्राचे इस्राईल’ म्हणून नावलौकिक...
राज्यात सहामाहित तेराशे शेतकऱ्यांची...मुंबई ः सततची दुष्काळी स्थिती, नैसर्गिक संकटे,...
कोकण, मध्य महाराष्ट्र, मराठवाड्यात...पुणे : मॉन्सून पुन्हा सक्रीय झाल्याने...
परीक्षा शुल्क परतीचा खर्च सात लाख रुपयेयवतमाळ ः परीक्षा रद्द झाल्यानंतर उमेदवारांचे पैसे...
दुबार पेरणीसाठी सरकारची तयारीः डाॅ....पुणे: पावसाचा काही प्रमाणात खंड पडला आहे....
डोणगावात होणार खजूर लागवडअकोला ः पारंपरिक पिकांना पर्याय शोधण्यासाठी...
रक्तक्षय दूर करण्यासाठी लोहयुक्त तांदूळनाशिक : दैनंदिन आहारातून अत्यल्प प्रमाणात लोह...
असंमत बियाणे लागवडीला बोंडअळी कारणीभूत...नवी दिल्ली : देशात २०१८ मध्ये गुलाबी...