agriculture news in Marathi record food grain production Maharashtra | Page 2 ||| Agrowon

अन्नधान्याचे विक्रमी उत्पादन 

टीम अॅग्रोवन
शुक्रवार, 26 फेब्रुवारी 2021

देशात यंदा अन्नधान्याचे विक्रमी उत्पादनाचा अंदाज आहे. २०१९-२० च्या हंगामात २९७.५० दशलक्ष टन उत्पादन झाले होते. २०२०-२१ मध्ये ५.८४ दशलक्ष टनाने वाढून एकूण अन्नधान्याचे उत्पादन ३०३.३४ दशलक्ष टन राहण्याचा अंदाज आहे.

नवी दिल्ली ः देशात यंदा अन्नधान्याचे विक्रमी उत्पादनाचा अंदाज आहे. २०१९-२० च्या हंगामात २९७.५० दशलक्ष टन उत्पादन झाले होते. २०२०-२१ मध्ये ५.८४ दशलक्ष टनाने वाढून एकूण अन्नधान्याचे उत्पादन ३०३.३४ दशलक्ष टन राहण्याचा अंदाज आहे. तर मागील पाच वर्षांच्या उत्पादनाच्या सरासरीपेक्षा २४.४७ दशलक्ष टनांनी वाढ होईल, असे केंद्रीय कृषी मंत्रालयाने जाहीर केलेल्या दुसऱ्या सुधारित अंदाजात म्हटले आहे. 

देशात यंदा पावसाळ्यात चांगला पाऊस झाल्याने उत्पादनात वाढ झाली आहे. गेल्या हंगामात भाताचे उत्पादन ११२.४४ दशलक्ष टन उत्पादन होते. यंदा ७.८८ दशलक्ष टनाने वाढून १२०.३२ दशलक्ष टन उत्पादनाचा अंदाज आहे. गहू उत्पादन १०९.२४ दशलक्ष टन होण्याचा अंदाज आहे. गेल्या वर्षीच्या तुलनेत यंदा ८.८१ टनांनी वाढ होईल. गेल्या हंगामात १००.४२ दशलक्ष टन उत्पादन होते. भरडधान्य उत्पादन यंदा ४९.३६ दशलक्ष टन राहण्याचा अंदाज आहे. गेल्या हंगामात ४७.७५ दशलक्ष टन उत्पादन होते. तेलबिया उत्पादनात यंदा ४.०९ दशलक्ष टनांनी वाढ होऊन ३७.३१ दशलक्ष टन राहण्याची शक्यता आहे. तर कडधान्य उत्पादनात यंदा २.४३ दशलक्ष टनांनी वाढ होण्याची शक्यता आहे. 

खरिपात सोयाबीन उत्पादनात घट झाल्याने दरात मोठी वाढ झाली आहे. पहिल्या अंदाजात देशात १४६.७४ दशलक्ष टन सोयाबीन उत्पादन होईल, असा अंदाज व्यक्त करण्यात आला होता. मात्र दुसऱ्या सुधारित अंदाजात १३७.११ दशलक्ष टन उत्पादन होईल, असे म्हटले आहे. 

तूर उत्पादनात घट 
यंदा खरिपात तुरीची लागवड वाढल्यानंतर देशात उत्पादनात वाढ होण्याची शक्यता वर्तविण्यात येत होती. केंद्रीय कृषी मंत्रालयाने पहिल्या अंदाजात ४.८२ दशलक्ष टन तूर उत्पादनाचा अंदाज होता. मात्र पिकाचे नुकसान झाल्याने यंदा ३.८८ दशलक्ष टन उत्पादन राहण्याचा अंदाज व्यक्त करण्यात आला आहे. गेल्या वर्षी ३.८९ दशलक्ष टन उत्पादन झाले होते. 

हरभरा उत्पादनात वाढीचा अंदाज 
रब्बी पेरणीला पोषक वातावरण असल्याने यंदा हरभरा उत्पादनात वाढ होण्याचा अंदाज वर्तविण्यात आला आहे. पहिल्या अंदाजात ११ दशलक्ष टन उत्पादन होईल, असे म्हटले होते. तर दुसऱ्या अंदाजात ११.६२ दशलक्ष टन उत्पादन होईल, असे म्हटले आहे. गेल्या वर्षी ११.०८ दशलक्ष टन उत्पादन होते. मात्र अवकाळी पाऊस आणि ढगाळ हवामानामुळे पिकांचे नुकसान होत असते. यंदाही अवकाळी पाऊस झाला. तसेच पुढील काळातही पावसाची शक्यता आहे. त्यामुळे नेमके उत्पादन किती राहील, हे तिसऱ्या अंदाजात स्पष्ट होईल. 

देशातील पीकनिहाय उत्पादन (दशलक्ष टनांत) 

  • अन्नधान्य : ३०३.३४ 
  • भात : १२०.३२ 
  • गहू : १०९.२४ 
  • भरडधान्ये : ४९.३६ 
  • मका : ३०.१६ 
  • कडधान्ये : २४.४२ 
  • तूर : ३.८८ 
  • हरभरा : ११.६२ 
  • तेलबिया : ३७.३१ 
  • भुईमूग : १०.१५ 
  • सोयाबीन : १३.७१ 
  • मोहरी : १०.४३ 
  • ऊस : ३९७.६६ 
  • कापूस : ३६.५४ (दशलक्ष गाठी) 

इतर अॅग्रोमनी
साखरदराचा वारू चौखूर उधळला; ३५०० चा...कोल्हापूर : गेल्या पंधरा दिवसांपासून स्थानिक...
पंढरपुरात बेदाण्यास सर्वाधिक ३०५ रुपये...सोलापूर : पंढरपूर कृषी उत्पन्न बाजार समितीमध्ये...
सोयापेंड आयात थांबवा : राज्य सरकारचे...पुणे : जनुकीय परावर्तित (जीएम) सोयाबीनपेंडच्या...
साखर दराला झळाळी; दोन वर्षांतील...कोल्हापूर : साखरेच्या आंतरराष्ट्रीय बाजारात...
ब्राझीलला दणका; भारतीय साखर उद्योगास...जगात घडणाऱ्या प्रत्येक छोट्या-मोठ्या घटनांमुळे...
ग्लोबल एक्सलन्स ॲवॉर्डने अनिल जैन यांचा...जळगाव : पाणी क्षेत्रातील उत्तम कामगिरीबद्दल ‘...
साखरच्या दरात २०० रुपयांनी वाढकोल्हापूर : आंतरराष्ट्रीय बाजारात साखरेचे दर वाढत...
कच्ची साखरनिर्यात यंदा फायदेशीर कोल्हापूर ः येत्या साखर हंगामात आंतरराष्ट्रीय...
उत्पादक कंपनीच्या संचालक मंडळाचे कार्यप्रत्येक ‘एफपीओ’चे संचालक मंडळ पाचपेक्षा कमी...
राज्यात हंगामावर यंदा जादा साखरेचे ओझेकोल्हापूर : यंदाच्या हंगामापूर्वी देशात गेल्या...
भारतीय साखरेला थायलंडचे आव्हानकोल्हापूर : येत्या हंगामात साखरनिर्यातीसाठी...
जागतिक बाजारात साखर दरात घटकोल्हापूर : जगातील सर्वांत जास्त साखर उत्पादन...
मध्य प्रदेशात सोयाबीनचे क्षेत्र कमी...नागपूर : मध्य प्रदेशात पिवळं सोनं म्हणून ओळखल्या...
देशात सव्वादोन लाख हेक्टरवर हळद लागवडसांगली ः यंदा देशात हळदीची लागवड अंतिम टप्प्यात...
शेतकरी कंपन्यांसाठी अर्थसंकल्पाची गरजशेतकरी कंपनी सुरू करण्यापूर्वी जसे व्यवसायाची...
सोयाबीन लागवड क्षेत्रात दहा टक्के...नागपूर : देशात सोयाबीन लागवड क्षेत्र आणि...
मोहरीतील तेजीची कारणे  वेगळीच ः विजय...नागपूर : बाजारात हमीभावापेक्षा मोहरीला जास्त दर...
प्रक्रियायुक्‍त खाद्यपदार्थांच्या...नवी दिल्ली : कोरोनाकाळात सर्वच क्षेत्रांना मोठ्या...
दुसऱ्या लाटेचा बासमती तांदळास फटका कोल्हापूर : कोरोनाच्या दुसऱ्या लाटेचा फटका बासमती...
महाराष्ट्राला साखर वाहतूक अनुदान...कोल्हापूर : महाराष्ट्रातील साखर कारखान्यांना...