agriculture news in Marathi, record food grains production in country, Maharashtra | Page 3 ||| Agrowon

देशात यंदा विक्रमी अन्नधान्य होणार

कोजेन्सिस वृत्तसेवा
शनिवार, 3 मार्च 2018

नवी दिल्ली ः देशात वर्ष २०१७-१८ मध्ये बहुतेक भागांमध्ये सरासरीइतका मॉन्सून झाल्याने पेरणीत वाढ झाली आहे. खरीप हंगामातही पेरणी वाढली होती. त्यानंतर रब्बी हंगामातही शेतकऱ्यांनी मागील वर्षापेक्षा जास्त पेरा केला. त्यामुळे यंदा देशात विक्रमी अन्नधान्य उत्पादन होणार आहे, असा अंदाज कृषी विभागाने जाहीर केलेल्या दुसऱ्या सुधारित अंदाजात म्हटले आहे.

नवी दिल्ली ः देशात वर्ष २०१७-१८ मध्ये बहुतेक भागांमध्ये सरासरीइतका मॉन्सून झाल्याने पेरणीत वाढ झाली आहे. खरीप हंगामातही पेरणी वाढली होती. त्यानंतर रब्बी हंगामातही शेतकऱ्यांनी मागील वर्षापेक्षा जास्त पेरा केला. त्यामुळे यंदा देशात विक्रमी अन्नधान्य उत्पादन होणार आहे, असा अंदाज कृषी विभागाने जाहीर केलेल्या दुसऱ्या सुधारित अंदाजात म्हटले आहे.

कृषी विभागाने जाहीर केलेल्या अंदाजानुसार, यंदा देशात अन्नधान्य उत्पादनात ०.९ टक्के वाढ होणार असून, एकूण उत्पादन २७७.४९ दशलक्ष टन होईल. मागील वर्षी २०१६-१७ मध्ये देशात अन्नधान्य उत्पादन २७५.११ दशलक्ष टन झाले होते. यंदा बहुतेक ठिकाणी सरासरी मॉन्सून झाल्याने तांदूळ, कडधान्य, भरडधान्य, कापूस आणि ऊस या पिकांच्या उत्पादनात वाढ होणार आहे, तर पीकवाढीच्या काळात नैसर्गिक आपत्तींचा फटका बसल्याने गहू आणि तेलबिया उत्पादन घटण्याचा अंदाज आहे.  

२०१७ च्या पावसाळ्यात देशातील अनेक भागांत सरासरीपेक्षा जास्त, तर बऱ्याच ठिकाणी सरासरी पाऊस पडला. तसेच, उत्पादनवाढीसाठी सरकारने केलेल्या वेगवेगळ्या प्रयत्नांमुळे यंदा पेरणीत वाढ झाली आहे. त्यामुळे देशात यंदा विक्रमी अन्नधान्य उत्पादन होणार आहे. 

देशातील ऊस उत्पादन यंदा १५.४ टक्क्यांनी वाढून ३५३.२३ दशलक्ष टन होणार आहे. मागील वर्षी ऊस उत्पादन ३०६.०७ दशलक्ष टन झाले होते, असेही कृषी विभागाने जाहीर केले आहे. कृषी विभागाने पहिला अंदाज सप्टेंबर २०१७ मध्ये जाहीर केला होता, तर तिसरा सुधारित अंदाज मे मध्ये आणि चौथा अंदाज आॅगस्ट महिन्यात जाहीर करणार आहे.    

सोयाबीनमध्ये १३ टक्के घट येणार
देशात यंदा तांदूळ उत्पादन १११.०१ दशलक्ष टन होणार आहे. मागील वर्षीच्या उत्पादनापेक्षा १.२ टक्के जास्त तांदूळ उत्पादन यंदा होणार आहे. गहू उत्पादनात यंदा १.४२ टक्के घट होऊन ९७.११ दशलक्ष टन होणार आहे. मागील वर्षी २०१६-१७ मध्ये विक्रमी ९८.५१ दशलक्ष टन उत्पादन झाले होते. कडधान्य उत्पादनातही यंदा वाढ होऊन मागील वर्षीच्या २३.१३ दशलक्ष टन उत्पादनापेक्षा वाढून २३.९५ दशलक्ष टन उत्पादन होणार आहे. तसेच भुईमूग, एरंडेल, तीळ, मोहरी, जवस, करडई, सूर्यफूल आणि सोयबीन इ. तेलबिया उत्पादनात मागील वर्षीच्या तुलनेत ४.४५ टक्के घट होणार आहे. यंदा तलेबियांचे २९.८२ दशलक्ष टन उत्पादन होणार आहे, तर सोयाबीनच्या उत्पादनात १३ टक्के घट येणार आहे. कापूस उत्पादन ४.११ टक्के वाढून ३३.९२ दशलक्ष टन होणार आहे. भरडधान्य उत्पादन ४५.४२ दशलक्ष टन होणार आहे, असे कृषी विभागाने म्हटले आहे.


इतर अॅग्रो विशेष
आज रात्री ८ वाजेपासून १ मे पर्यंत...मुंबई: मी हे निर्बंध आनंदाने लादत नाही आज...
शेतात आता काय राहीलच न्हाय !रोपळे बुद्रुक, जि. सोलापूर : रोपळे (ता. पंढरपूर)...
शंभर क्विंटल गवार विकायची कोठे? कापडणे, जि. धुळे : येथील भाजीपाला उत्पादक...
चिमण्यांच्या अस्तित्वासाठी ‘एक घास...सावनेर, जि. नागपूर : वाढत्या शहरीकरणामुळे...
मृग बहर केळीखालील क्षेत्र स्थिर राहणार जळगाव ः खानदेशात गेले काही महिने केळीचे दर स्थिर...
कांदा बीजोत्पादन ५० टक्क्यांवर घटले अकोला ः दोन पैसे अधिक मिळावेत या उद्देशाने शेतकरी...
खरीप बियाण्यांचा पुरवठा आव्हानात्मक पुणे : कोरोना विषाणूच्या दुसऱ्या साथीचा उद्रेक...
पूर्वमोसमीचा प्रभाव उद्यापासून कमी...पुणे : गेल्या तीन ते चार दिवसांपासून अनेक भागात...
अल्पभूधारकांसाठी कमी खर्चातील रायपनिंग...तळसंदे (जि. कोल्हापूर) येथील डॉ. डी.वाय. पाटील...
सृष्टीला आला नवबहार...! आज चैत्र पाडवा...रोपळे बुद्रूक, जि. सोलापूर : चैत्र महिन्याच्या...
सोयाबीनची गुढी सात हजारांपार !वाशीम /लातूर/ अकोला ः वाशीम बाजार समितीत सोमवारी...
साखर निर्यातीचा ‘गोडवा’ वाढलाकोल्हापूर : केंद्राकडून साखर निर्यात धोरण जाहीर...
सोलापुरात बेदाण्याला प्रतिकिलोला २६५...सोलापूर ः सोलापूर कृषी उत्पन्न बाजार समितीमध्ये...
पूर्वमोसमी पावसाचा दुसऱ्या दिवशीही दणका पुणे : राज्यात ठिकठिकाणी पूर्वमोसमी पाऊस पडत आहे...
फळे, भाजीपाला थेट विक्रीला परवानगी द्या पुणे ः कोरोना विषाणूच्या फैलावाच्या दुसऱ्या लाटेत...
राज्यात तीन दिवस पूर्वमोसमी पावसाची...पुणे : राज्यातील अनेक भागात वातावरणात वेगाने बदल...
उसावर ‘चाबूक काणी’चा प्रादुर्भाव उस्मानाबाद : जिल्ह्यातील उमरगा व लोहारा...
नगर जिल्ह्यात कांद्याची यंदा विक्रमी...नगर : नगर जिल्ह्यात गेल्या सहा वर्षांच्या तुलनेत...
जिरॅनियम तेलनिर्मिती, करार शेतीतून...देहरे (ता. जि. नगर) येथील वैभव विक्रम काळे या...
सांगली जिल्ह्यातून १६ हजार टन...सांगली : गेल्या वर्षी द्राक्षावर नैसर्गिक...