agriculture news in Marathi record rice export possibility Maharashtra | Agrowon

तांदळाच्या विक्रमी निर्यातीची यंदा शक्‍यता

टीम अॅग्रोवन
शनिवार, 2 जानेवारी 2021

देशात यंदा भाताचे चांगले उत्पादन होण्याची शक्‍यता असल्याने यंदाच्या आर्थिक वर्षात (२०२०-२१) देशातून विक्रमी १४० लाख टन तांदळाची निर्यात अपेक्षित आहे.

कोल्हापूर : देशात यंदा भाताचे चांगले उत्पादन होण्याची शक्‍यता असल्याने यंदाच्या आर्थिक वर्षात (२०२०-२१) देशातून विक्रमी १४० लाख टन तांदळाची निर्यात अपेक्षित आहे. थायलंड व व्हिएतनाम या भात उत्पादक देशात यंदा दुष्काळी परिस्थिती बनल्याने या देशांत तांदळाचे उत्पादन मोठ्या प्रमाणात घटले आहे. याचा फायदा भारतीय तांदळाला होणार असल्याचे तांदूळ उद्योगातील सूत्रांनी सांगितले.

गेल्या वर्षी भारतातून केवळ ९९ लाख टन इतकी निर्यात झाली होती. ती गेल्या आठ वर्षांत कमी होती. यात गेल्या वर्षीच्या तुलनेत यंदा ४१ लाख टनांची वाढ होण्याचा कयास आहे. भारत मुख्यत्वे इराण, इराक व सौदी अरेबिया या देशांना बासमती तांदळाची निर्यात करतो. तर प्रामुख्याने बांगलादेश, नेपाळ, बेनिन आणि सेनेगल या राष्ट्रांना नॉन बासमती तांदूळ निर्यात करतो. परंतु या वेळी आफ्रिकन देशांकडूनही नॉन बासमती तांदळाला मोठ्या प्रमाणावर मागणी वाढली आहे.

थायलंड, व्हिएतनाममधील कमी पावसाचा भारताला लाभ
जगातील सर्वांत मोठ्या तांदूळ निर्यातदार देशांच्या यादीत भारताच्या खालोखाल दुसऱ्या क्रमांकावर असलेल्या थायलंडमध्ये या वर्षी अत्यल्प पाऊस झालेला आहे. त्यामुळे तेथील तांदळाचे उत्पादन मोठ्या प्रमाणावर घटेल. परिणामी, थायलंडची जागतिक बाजारातील तांदळाची निर्यात त्यांच्या मागील अनेक वर्षांतील निर्यातीपेक्षा खूप कमी म्हणजेच ६० ते ६५ लाख टन इतकी होईल. त्याचबरोबर जागतिक क्रमवारीत थायलंड पाठोपाठ तिसऱ्या क्रमांकावर असलेल्या व्हिएतनाममध्येही प्रमुख तांदूळ उत्पादित क्षेत्रात असमाधानकारक पाऊस झाल्याने दुष्काळजन्य परिस्थिती आहे. त्यामुळे तेथीलही तांदूळ उत्पादनात मोठ्या प्रमाणावर घट होणार आहे. याचा अनुकूल परिणाम भारतीय तांदळाच्या मागणीवर होण्याची शक्‍यता सूत्रांनी व्यक्त केली. यंदा गेल्या वर्षीच्या तुलनेत ४२ टक्के निर्यात वाढ होण्याचा अंदाज आहे.

प्रतिक्रिया
यंदा भारतीय तांदळाला चांगले दिवस आले आहेत. स्पर्धात्मक देशात उत्पादन घटल्याने आपल्या देशातील तांदळाला मागणी वाढण्याची शक्‍यता आहे. सकारात्मक परिणामामुळे यंदा निर्यातीत उच्चांक होईल, असे सध्याचे चित्र आहे. या निर्यात वाढीमुळे देशात परकीय चलन मोठ्या प्रमाणावर वाढेल.
- राजेश शहा, वरिष्ठ उपाध्यक्ष, फेडरेशन ऑफ असोसिएशन्स ऑफ महाराष्ट्र (फाम)


इतर अॅग्रोमनी
जागतिक मका उत्पादनात घट वॉशिंग्टन ः जागतिक मका उत्पादनात घट होणार...
बेदाणा पॅकिंगसाठीच्या बॉक्सच्या दरात...सांगली ः बेदाणा, डाळिंबासह अन्य फळभाज्यांच्या...
सोयाबीन विक्रमी टप्पा गाठेल कमी उत्पादन, चांगली निर्यात आणि वाढलेला वापर हे...
दराचे संरक्षण देणाऱ्या योजना राबवाव्यात पुणे ः ‘एनसीडीईएक्स’ने ‘पुट ऑप्शन’मधून शेतकरी...
‘बासमती’ची तांदळाचा तुटवडाकोल्हापूर: गेल्या महिन्यापासून सुरु असलेल्या...
सोयाबीन बाजारात तेजीचेच संकेतपुणे ः शेतकरी आणि व्यापाऱ्यांनी ८० टक्के सोयाबीन...
तांदळाच्या विक्रमी निर्यातीची यंदा शक्‍...कोल्हापूर : देशात यंदा भाताचे चांगले उत्पादन...
कापसाच्या दरात सुधाराची चिन्हेपुणे ः ‘सीसीआयने’ कापसाला हमीभावापेक्षा  ३००...
केंद्रीय अर्थसंकल्पातून होणार सवलतींची...नवी दिल्ली ः कोरोनाच्या संसर्गामुळे...
मालविक्रीसाठी ३५ शेतकरी कंपन्या एकाच...शेतकऱ्यांना ‘शेतीमाल पिकवता येतो, मात्र विकता येत...
हंगामाच्या प्रारंभीच कोलम, आंबेमोहोर...कोल्हापूर: देशातील तांदळाचा हंगाम सुरु झाला आहे....
राष्ट्रीय सहकारी साखर कारखाना महासंघ...कोल्हापूर : राज्य सहकारी साखर कारखाना...
सुताच्या दरात मोठी वाढजळगाव ः जगभरातील प्रमुख आयातदारांकडून सुताची मोठी...
कारखान्यांपुढे साखर विक्रीचे आव्हानकोल्हापूर : गेल्या काही दिवसांत देशात वाढणारी...
हमीभावाने १८ टक्के अधिक धान्य खरेदी :...नवी दिल्ली : केंद्र सरकारने नोव्हेंबरअखेर खरीप...
कापूस गाठींच्या दरात सुधारणाजळगाव ः जगातील वस्त्रोद्योग ९५ ते ९७ टक्के...
आंतरराष्ट्रीय बाजारात साखरेला दराचा...कोल्हापूर : आंतरराष्ट्रीय बाजारात गेल्या पंधरा...
खाद्यतेल आयातीत १२ टक्के घटपुणे ः देशात २०१९-२० (नोव्हेंबर ते ऑक्टोबर) मध्ये...
चांगल्या बाजारभावासाठी ‘एनसीडीईएक्स’चा...शेतकऱ्यांसाठी दराचे संरक्षण (प्राइज इन्शुरन्स)...
‘जीआय’प्राप्त उत्पादनांच्या ब्रँडिंगवर...नाशिक : भारतीय शेतीमाल व खाद्यपदार्थांना जगभर...