agriculture news in Marathi record sugar export possible this year Maharashtra | Agrowon

साखर निर्यातीचा यंदा विक्रम? 

टीम अॅग्रोवन
बुधवार, 12 मे 2021

साखर निर्यातीची गती पाहता यंदा निर्यातीचा नवा विक्रम होण्याची शक्यता आहे. कारखाने जूनमध्येच ६० लाख टन साखर निर्यातीचे उद्दिष्ट गाठतील, अशी शक्यता साखर उद्योगातील सूत्रांनी व्यक्त केली. 

कोल्हापूर: साखर निर्यातीची गती पाहता यंदा निर्यातीचा नवा विक्रम होण्याची शक्यता आहे. कारखाने जूनमध्येच ६० लाख टन साखर निर्यातीचे उद्दिष्ट गाठतील, अशी शक्यता साखर उद्योगातील सूत्रांनी व्यक्त केली. 

गेल्या वर्षीपासून साखर निर्यातीत भारताने घोडदौड सुरू ठेवली आहे. ती यावर्षी ही कायम राहण्याची शक्यता आहे. निर्यातीची सद्यःस्थिती पाहता यंदा गेल्या वर्षी पेक्षाही जास्त निर्यात होऊ शकते असा अंदाज आहे. आतापर्यंत तब्बल ५० लाख टन साखरेचे निर्यात करार झाले आहेत. गेल्यावर्षी ५९ लाख टन साखर निर्यात झाली होती. 

देशातील हंगाम अजूनही सुरू असल्याने साखर उत्पादन होतच आहे. यामुळे अनेक कारखान्यांनी साखर निर्यातीला प्राधान्य दिले आहे. यंदा शासनाने साखर निर्यात योजनेत ६० लाख टन साखर निर्यातीला परवानगी दिली आहे. ब्राझील आणि थायलंड या प्रमुख साखर उत्पादक देशात अनपेक्षितपणे साखर उत्पादन घटत आहे. ब्राझीलमध्ये गेल्या वर्षी ३८० लाख टन साखर तयार झाली होती. यंदा ३०० लाख टनांपर्यंत साखर उत्पादित होईल, असा तेथील साखर उद्योगाचा अंदाज आहे. दुष्काळी परिस्थितीमुळे ऊस व साखर उत्पादनात घट अपेक्षित आहे.

तर दुसरीकडे थायलंडमधील ऊस उत्पादन १२० लाख टनांवरून ७० लाख टनांवर येण्याची शक्यता आहे. या प्रमुख देशातील विपरीत परिस्थिती मुळे साखरेची चणचण भासेल असे वातावरण जागतिक बाजारपेठेत तयार होत आहे. याचा फायदा भारतीय साखरेला होण्याची शक्यता आहे. याची फलश्रुती म्हणून निर्यात करारात सातत्याने वाढ दिसते दरात ही वाढ अपेक्षित आहे.

निर्यात योजनेतून मिळणारे अनुदान आणि जागतिक बाजारपेठेत मिळणारे दर याचा विचार केल्यास साखर निर्यात करणे कारखान्यांना फायदेशीर ठरणार असल्याने कारखाने निर्यातीला प्रतिसाद देत आहेत. यामुळेच कराराची गती वाढल्याचे चित्र आहे. 

देशांतर्गत मागणी कमी 
भारतात गेल्या वर्षीच्या तुलनेत १६ टक्क्यांनी साखर उत्पादन यंदा वाढले. देशात आतापर्यंत ३०० लाख टन साखर उत्पादित झाली. पण कोविडमुळे देशातील बहुतांशी राज्यातील बाजारपेठा बंद असल्याने मोठ्या उद्योगाकडून साखरेची मागणी कमी राहिली. याचा परिणाम देशांतर्गत बाजारात साखर शिल्लक राहण्यावर होत आहे. या पार्श्वभूमीवर निर्यातीला असलेले अनुकूल वातावरण समाधानकारक ठरत असल्याची माहिती साखर उद्योगाच्या सूत्रांनी दिली 
 


इतर बातम्या
फळपीक विमा योजनेत त्रुटी, गोंधळसोलापूर ः पुनर्रचित हवामान आधारित फळपीक विमा...
पूर्व विदर्भात मुसळधार शक्य पुणे : कोकण ते केरळ दरम्यान असलेले कमी दाबाचे...
पूर्वहंगामी द्राक्षाचे विमा कवच चारपट...नाशिक : गेल्या काही वर्षांत नैसर्गिक आपत्तीमुळे...
‘एचटीबीटी’ बियाण्याची पाळेमुळे...पुणे ः देशात अवैध तणनाशक सहनशील ‘एचटीबीटी’ कापूस...
डाळिंब विमा अर्जासाठी १४ जुलैपर्यंत...सांगली : पंतप्रधान पीकविमा योजनेअंतर्गत पुनर्रचित...
उसासाठी यंदाची ‘एफआरपी’ जाहीर कराकोल्हापूर : यंदाच्या गळीत हंगामातील उसाची एफआरपी...
कांदा व्यापाऱ्याकडून शेतकऱ्याला मारहाण नाशिक : जिल्ह्यातील बाजार समित्यांमध्ये कांद्याची...
शेतीला आधुनिक तंत्रज्ञानाची जोड  ...नाशिक : राज्यात खरीप हंगामास सुरुवात झाली असून,...
अमरावती जिल्हा परिषदेची सभा...अमरावती : पीकविमा भरपाई, समृद्धी महामार्गाच्या...
संत्रा आयात शुल्क कपातीसाठी प्रयत्न करा...नागपूर : विदर्भाचे मुख्य फळपीक असलेल्या...
दूधदरप्रश्‍नी वैजापूर बाजार समितीच्या...औरंगाबाद : दूध उत्पादकांच्या मागण्याच्या...
खेडमध्ये बटाटा लागवडीस वेगचास, जि. पुणे : खेड तालुक्यात बटाटा लागवडीस...
स्थानिक काजूची आवक आजरा तालुक्यात...आजरा, जि. कोल्हापूर : आजरा बाजारपेठेत स्थानिक...
लाभार्थी शेतकऱ्यांचे अनुदान तातडीने अदा...बुलडाणा : शासन शेतकऱ्यांचा जीवनस्तर उंचविण्यासाठी...
पुणे बाजार समितीची ‘प्रादेशिक’ अधिसूचना...पुणे : पुणे बाजार समितीची निवडणूक टाळून सत्ता एका...
कांद्याची २५ दिवसांत विक्रमी अकरा लाख...नाशिक : जिल्ह्यातील कृषी उत्पन्न बाजार...
खानदेशात युरियाप्रश्नी प्रशासनाची धावपळजळगाव :  खानदेशात खरिपाला सुरवात होत असतानाच...
‘डीएससी’त अडथळे  आणल्यास कारवाई करापुणे ः राज्यातील सरपंच व ग्रामसेवकांचे संगणकीय...
खानदेशात बाजार समित्यांचे कामकाज पूर्ववतजळगाव :  खानदेशात बाजार समित्यांचे कामकाज...
विधिमंडळाचे पावसाळी अधिवेशन ५, ६ जुलै... मुंबई : कोरोना संकटाची सध्याची स्थिती पाहता आणि...