agriculture news in marathi, record of three thousand farmers valuation in a day, Maharashtra | Agrowon

तीन हजार शेतकऱ्यांच्या मूल्यांकनाचा राष्ट्रीय विक्रम

टीम अॅग्रोवन
मंगळवार, 16 जुलै 2019

कोल्हापूर ः कृषी कौशल्य विकास प्रशिक्षण पूर्ण झालेल्या राज्यातील तीन हजार शेतकऱ्यांचे आॅनलाईन लेखी परीक्षेच्या माध्यमातून एकाच दिवसात मूल्यांकन करण्याचा राष्ट्रीय विक्रम आज नोंदविण्यात आला. या विक्रमाची इंडिया बुक ऑफ रेकार्डस (आयबीआर) आणि आशिया बुक ऑफ रेकॉर्डस्‌ (एबीआर) मध्ये नोंद झाली. भारत सरकारने पहिल्या जागतिक युवा कौशल्यदिनी घोषित केलेल्या राष्ट्रीय कौशल्य विकास अभियानाच्या (एनएसडीएम) चौथ्या वर्धापन दिनी हा विक्रम झाला.  

कोल्हापूर ः कृषी कौशल्य विकास प्रशिक्षण पूर्ण झालेल्या राज्यातील तीन हजार शेतकऱ्यांचे आॅनलाईन लेखी परीक्षेच्या माध्यमातून एकाच दिवसात मूल्यांकन करण्याचा राष्ट्रीय विक्रम आज नोंदविण्यात आला. या विक्रमाची इंडिया बुक ऑफ रेकार्डस (आयबीआर) आणि आशिया बुक ऑफ रेकॉर्डस्‌ (एबीआर) मध्ये नोंद झाली. भारत सरकारने पहिल्या जागतिक युवा कौशल्यदिनी घोषित केलेल्या राष्ट्रीय कौशल्य विकास अभियानाच्या (एनएसडीएम) चौथ्या वर्धापन दिनी हा विक्रम झाला.  

भारतीय कृषी कौशल्य परिषद (एएससीआय), महाराष्ट्र राज्य कौशल्य विकास संस्था (एमएसएसडीएस), महाराष्ट्र राज्य व्यवसाय प्रशिक्षण परिषद (एमएससीव्हीटी) आणि सिमॅसिस लर्निंग एलएलपी, पॅलेडियम कन्सल्टिंग इंडिया प्रायव्हेट लिमिटेड (एमएसएसडीएसचे संयुक्त प्रशिक्षण भागीदार) यांच्यामार्फत हे कौशल्य प्रशिक्षण देण्यात आले होते. 

आजच्या राष्ट्रीय विक्रमामध्ये शेतकऱ्यांच्या शेती व्यवस्थापनातील बदलाचा सर्वंकष आढावा घेण्यात आला आणि नवा विक्रम प्रस्थापित झाला. कोल्हापूर, सांगली, लातूर व सातारा या जिल्ह्यातील कौशल्य प्रशिक्षण पूर्ण केलेल्या शेतकऱ्यांचे मूल्यांकन झाले. 

सायंकाळी लाटवडे (ता.हातकणंगले, जि. कोल्हापूर) येथील ग्रामपंचायत सभागृहात  "बुक ऑफ रेकॉर्डस्‌''चे प्रतिनिधीनी आयोजक संस्थांना या विक्रमाचे सशर्त प्रमाणपत्र प्रदान केले. ॲग्रीकल्चरल स्किलिंग कौन्सिल ऑफ इंडियाचे व्हाईस प्रेसिन्डेन्ट कर्नल गुप्ता (दिल्ली), ए. एस. एल.आय.चे  निरीक्षक तरुणा स्नेही (दिल्ली), आशिया बुक ऑफ रेकॉर्डस व इंडिया बुक ऑफ रेकॉर्डसचे रेखा सिंग, जिल्हा कृषि अधिकारी ज्ञानदेव वाकुरे, सरपंच कांचन चोपडे(लाटवडे) उपसरपंच-किरण माळी, तंटामुक्ती माजी अध्यक्ष अमर पाटील उपस्थित होते. 

चारही जिल्ह्यांतील ३३ गावांत सकाळपासूनच मूल्यांकनासाठी या संस्थांचे पदाधिकारी दाखल झाले. सकाळी सहा वाजल्यापासून या विविध केंद्रे शेतकऱ्यांनी गजबजून गेली. ऑनलाईन लेखी परीक्षा आणि शेतकऱ्यांच्या वैयक्तिक मुलाखती असे याचे स्वरुप होते. शेतकऱ्यांची गटशेतीबाबतची उत्सुकता, त्यांचा पिकांचा अभ्यास, भविष्यात त्यांच्याकडून अपेक्षित असणाऱ्या आधुनिक शेतीबाबतच्या कल्पनांची माहिती अधिकाऱ्यांनी शेतकऱ्यांकडून घेतली. 

महाराष्ट्र सरकार ऑक्‍टोबर २०१८ पासून महाराष्ट्र कृषी कौशल्य विकास (एमएसडीपी) कार्यक्रम राबवत आहे. हा कार्यक्रम प्रधानमंत्री कौशल्य विकास योजनेंतर्गत (पीएमकेव्हीवाय) राष्ट्रीय कौशल्य विकास महामंडळाच्या (एनएसडीसी) सहयोगाने राबविला जात आहे. छत्रपती राजाराम महाराज उद्योजकता व कौशल्य विकास अभियानांतर्गत याची अंमलबजावणी होते. ग्रामीण भागात कौशल्य आणि उद्योजकता विकासाला चालना देणे हा याचा उद्देश आहे. या कार्यक्रमातून दीड वर्षात राज्यभरातील सुमारे तीन लाख शेतकऱ्यांना गटशेती प्रशिक्षण देण्यात येणार आहे.

आतापर्यंतच्या नऊ महिन्यांत राज्यातील ११ जिल्ह्यांतील १.३ लाखांपेक्षा जास्त शेतकरी या कार्यक्रमात सहभागी झाले आहेत. त्यापैकी एक लाखापेक्षा जास्त शेतकऱ्यांचे प्रशिक्षण पूर्ण झाले. सुमारे ७५ हजार शेतकऱ्यांची परीक्षा झाली आहे. त्यापैकी साधारण ७० हजार शेतकरी गटशेती प्रवर्तक म्हणून प्रमाणित झाले आहेत. महिला शेतकऱ्यांचा यातील वाढता सहभाग हे मुख्य वैशिष्ट्य आहे.

विक्रमामध्ये सहभागी शेतकरी

कोल्हापूर  १०२०
सांगली  १२२३
लातूर  ३५५
सातारा ४०२
एकूण ३०००

 


इतर बातम्या
अंजीर-सिताफळ संशोधन केंद्राचे प्रमुख डॉ...पुणे : महात्मा फुले कृषी विद्यापिठाच्या ...
तोलाई मजुरीसाठी सांगली बाजार समितीच्या...सांगली : कृषी उत्पन्न बाजार समितीमध्ये तोलाई...
महिनाभरात पडणार नाशिक विभागातील साखर...नगर ः नगर, नाशिक जिल्ह्यामध्ये यंदा ३२ पैकी केवळ...
महिलांनी मालक बनले पाहिजे ः राज्यपालमुंबई ः महालक्ष्मी सरस प्रदर्शनातून महिलांचे...
परभणी जिल्ह्यात सिंचनाची ५० कोटींवर...परभणी : जिल्ह्यातील लघू, मध्यम, मोठ्या...
कर्जमाफीपासून वंचित शेतकऱ्यांसाठी...मुंबई ः दोन लाख रुपयांपेक्षा जास्त थकबाकी...
ग्रामीण कुटुंबांचे उत्पन्न का वाढत नाही...पुणे: देशात ५० टक्के रोजगार हा शेतीशी निगडित व...
नागपूर : थंडीची तीव्रता वाढली; अंडी...नागपूर ः थंडीच्या दिवसांत मागणी वाढत अंड्यांचे...
निफाडला २.४ अंश तापमान; राज्य थंडीने...पुणे : उत्तरेकडून वाहणाऱ्या थंड वाऱ्यांच्या...
शेतात नवे प्रयोग करणारे शेतकरी आमचे...मुंबई ः प्रत्यक्ष शेतात राबून नवनवीन प्रयोग...
चिखलदऱ्याच्या स्ट्राॅबेरीला हवाय...अमरावती ः लागवड खर्चाच्या दुप्पट उत्पन्न मिळवून...
मराठवाड्यातील पाच जिल्ह्यांत १८ लाख टन...औरंगाबाद: मराठवाड्यातील औरंगाबाद साखर सहसंचालक...
खानदेशात रब्बी ज्वारी, मक्यावर लष्करी...जळगाव : खानदेशात खरिपात शेतकऱ्यांना फटका बसलेला...
औरंगाबाद, जालना, बीड जिल्ह्यांत साडेआठ...औरंगाबाद : औरंगाबाद, जालना, बीड या तीन...
अमरावती विभागात सहा लाख ८३ हजार शेतकरी...अमरावती ः महात्मा जोतिराव फुले शेतकरी कर्जमुक्ती...
एम्प्रेस गार्डनच्या पुष्पप्रदर्शनाला...पुणे ः एम्प्रेस बोटॅनिकल गार्डनच्या वतीने आयोजित...
अकोल्यात भारिप, वाशीममध्ये...अकोला ः जिल्हा परिषदेच्या अध्यक्ष-उपाध्यक्ष...
पुणे जिल्ह्यात उद्या पल्स पोलिओ लसीकरण...पुणे : पोलिओच्या आजाराचे उच्चाटन करण्याच्या...
पत्नीच्या नावे कामकाजासाठी येणाऱ्या...बुलडाणा ः स्थानिक स्वराज्य संस्थांमध्ये महिलांना...
पाणी, शेती विकासासह समाजकारणाला...नगर : निवडणुकीत पराभव मी मानत नाही. लोकांचे...